گوں دژمناں ہمکاری ءُُ آہانی سوبین کنگ دانشمندی یے نہ اِنت۔ مروچی بلوچ راج گوں وتی اَزلی دژمنءَ دیم پہ دیم انت،بائد انت کہ ساپ ءُُ پلگاریں عزت داریں بلوچ پارلیمنٹءِ اے گلچارءَ دَور مہ کنت کہ سک پولنگ بیت، اے پولنگ ہما پولنگ اِنت کہ تاں زند ءُُ دم شودگ ءُُ پلگارگ نہ بیت۔ راجدپترءِ بہر جوڑ بیت، تئی پدریچ ہم ترا ڈوبارنت۔ من سرپد باں کہ اے الیکشناں بہر زِیرگ گوں بلوچ ہوناں گْوازی کنگ اِنت، بلوچ شہیدانی ہوناں گوں بدنمائیں مَلنڈے، اے ووٹ ءُُ نوٹ شہیدانی ہونانی قیمت بیت نہ کننت۔ بلوچ گْوشیت:
’’سُہرو پُرانیگ نہ بیت‘‘
ہما لیڈر اں کہ پارلیمنٹءِ گِل چارءِ اندرا دور کتگ، مروچی ہماہانی حالءَ بہ چار اِت کہ ناں سرکار اِش زیریت ناں کہ بلوچ راج اِش پہ وتیگی کنت۔
’’نہ خدائی ملی ، نہ وصالِ صنم‘‘
پرچا کہ من اے گپ پیشءَ ہم گْوشتگ کہ یکے کنڈم ، یکے ٹشو پیپر، بس یک رندے کارمرز بنت، دومی گشتاں کارمرز نہ بنت۔
شُما کُل سرپد اِت کہ گْوستگیں 5ئیں سالاں زورگیرءَ ہمے پارلیمنٹءِ دپ چٹیں لیڈر بلوچ جنزءِ خلافءَ زورگیرءِ یزیدی لشکرءَ بلوچ نسل کُشیءِ سرٹیفکیٹ ہم داتگ، بلے ہمے مروچی بلوچءَ وتی دیمءَ پیش داشت نہ کننت، سرکار چہ ایشاں وش نہ اِنت، پرچا کہ سرکارءَ وتی کار چہ ایشاں گپتگ ءُُ لگت ءِے گوش بُنءَ جتگ اَنت، شُمے نوکیں لیڈرانی حال ہم ہمیش بیت۔ مروچی زورگیرءَ دگہ نوکیں لیڈر شوہاز کتگ، تانکہ بلوچ نسل کشی گیش کنگ بہ بیت، بلے بلوچ گْوشیت:
’’بش ہما کنت کہ تْرونگلءَ پیراری کُتگ‘‘
شما نوکیں لیڈر ہما زہمءَ جن اِت کہ پیشیگاں جتگ، قوم پہ کُشگ ہلاس نہ بیت،اَگاں چو بیتیں گُڑا اَنوشیروان عادلءَ بلوچ نسل بیگْواہ کُتگ اَنت۔ بلوچ گْوشیت:
’’کِکّے پہ کنکّے تْرکیت، چُکے پہ پِتی باریگے‘‘
ہما واجہ کار کہ تنے وہدی پولنگ نہ اَنت، بائد کہ وتا پولنگ مہ کننت۔ ہرکس زانت کہ آہانی دستءَ ہچ جْوانیں کار پہ بلوچءَ بیت نہ کنت۔ آ اَگاں بہ لوٹنت ہم آہانی وس ءُُ واکءَ نہ اِنت، پرچا کہ اے مملکتِ خدا داد ءِ کلیت خلائی مہلوکءِ دستءَ انت، آ مہلوک گندگ نہ بیت۔بلوچ کوّاسے گْوشیت:
’’دل مہ بند اِت او عاقلاں چہ نشاری پل تڑیں بچاں‘‘
’’اے دْروگے کہ بْرازہگ گم گسار بیت، گُڑا بزاں کہ سورگیں ڈَنّے لال کِشار بیت‘‘

Jun 24, 2018, 3:23 pm

ائیدءِ سیمی روچ ءَ سنگتے منی گسءَ اتک ائیدءِ مبارکی دئیگءَ، بلے بلوچءِ ائید ہما روچءَ بیت کہ بلوچءِ بندیگیں گلزمین آجو بیت، بلوچءِ مکہیں مات بزاں بلوچءِ وتن چہ دژمنءِ گلامیءَ بہ رکّیت۔ گوں سنگتءَ حال احوال بیت، سنگتءِ زہگے سک دیر انت کہ پہ اعلیٰ تعلیمءِ ہاترا اسلام آبادءَ وانگءَ بیتگ ءُُ سنگت ءَ بازیں زرّ ءُُ مالے پہ اعلیٰ تعلیمءِ ہاترا ہرچ ءُُ درچ کتگ، وام ءُُ بدل کتگ ءُُ وتی زہگ وانینتگ، گُڑا من سنگتءَ را جست کت کہ تئی زہگ فارغ بیتگ، وتی ڈگری ءِے گپتگ؟؟
واجہءَ پسو دات کہ ہو! ڈگری ءِے گپتگ ءُُ دپتر پہ دپتر اِنت، بلے تنی وہدی بے روزگار اِنت، مروچاں نوکری سفارش لوٹنت ءُُ منی بچءِ سفارش کنوک نیست، روزگار بے سفارشءَ چون رسیت؟؟ مردءَ تْران کنانءَ گْوشت، بلے اَنّی جْوانیں موہے رستگ۔ من گُشت چونیں جْوانیں موہے؟؟ مردءَ پسو دات کہ گچینکاری بیئگا انت، منا کساس سے سد توار (ووٹ) است۔ منی وتی خاندانی توار (ووٹ ) اَنت، ہرکسءَ منی دل بہ لوٹیت دیان اِش۔ من روگایاں ملکءَ ہمے توار(ووٹ) پنڈوکیں لیڈر الم منی گسءَ توار (ووٹ)پنڈگءَ کاینت۔ منی اولی شرط ایش انت کہ ہرکس کہ منی زہگءَ نوکری دنت، من وتی توار(ووٹ)آں ہمائیءَ دیاں۔
من گُشت کہ واجہ اے سکیں آسانیں کارے، لیڈر گُشیت کہ تو منا توار (ووٹ)ءَ بہ دئے، من وزیر باں تئی زہگءَ نوکری دیاں، وہدے کہ ہمے لیڈر وزیر بیت۔ اسلام آبادءَ سربیت،پدا گُڑا 5سال ءَ توءِے نہ گندئے۔ مردءَ درّائینت کہ من وامءِ کارءَ نہ کناں، منی شرط ایش اِنت کہ اول منی چُکءِ نوکری، رندا توار (ووٹ)، چو من ووٹ پنڈوکیں لیڈرانی رِپک ءُُ ہنراں شر سرپداں، ہمے واستا نواز شریفءَ ڈُہل بڈّا اِنت ءُُ گس گسءَ گردیت کہ ’’ووٹ کو عزت دو‘‘ اے ووٹءَ چوں عزت بیت کہ ووٹءِ قیمت نوکری بہ بیت؟؟ اے توار (ووٹ) پنڈوکیں لیڈراں چوں عزت ءُُ شرپ بیت؟؟ بلوچ گْوشیت:
’’بُز ستر ٹُوہ بہ بیت، پاکڑہ ءِے نہ کننت‘‘
تنگویں بیلاں! اے توار (ووٹ) ءُُ نوٹ بلوچءِ بُن جیڑہءِ توجیل نہ اَنت، ناں کہ پاکستانءِ اندگہ نزور ءُُ کم توانیں راجاں چرے ووٹ ءُُ الیکشناں کٹ ءُُ نپے رسیت۔ بلوچ گْوشیت:
’’بال گوں بانزلان اِنت‘‘
بے بانزلءَ کس بال کت نہ کنت، بال ہما کنت کہ بانزل داریت ءُُ بال کنگ ءِ توانءَ داریت۔
ہرکس گْوشیت کہ من ووٹءَ بہ کٹّاں پہ بلوچءَ زہمے جناں، بزاں کہ سْیاہیں دْروگ بندیت، انچو کہ پیشیگاں اے دْروگ بستگ۔ پاکستانءِ پارلیمنٹ یک گند ءُُ گسڑے، گِل چارے، ہرکس کہ اے گِل چارءَ کپت، پولنگ بیت۔ اے پولنگ ءَ گوں آپ ء زمزمءَ بہ شود پلگار نہ بیت۔
بلوچ گْوشیت :
’’سر کہ پْرشیت کہ بیگْواہ بیت، کِکّے نہ انت تیجار بیت‘‘
عزت کہ روت پدا آہگ ءِے سک گْران اِنت۔ دگہ جاہے بلوچ گْوشیت:
’’ سردار بزاں لیڈر یا رہشون کہ دُزءِ یار بیت، گُڑا سرداری نام ءِے گار بیت‘‘
’’سر داتن ءُُ سوب گوں بداں ہچ عاقلی کارے نہ اِنت‘‘
بزاں کہ گوں دژمناں ہمکاری ءُُ آہانی سوبین کنگ دانشمندی یے نہ اِنت۔ مروچی بلوچ راج گوں وتی اَزلی دژمنءَ دیم پہ دیم انت،بائد انت کہ ساپ ءُُ پلگاریں عزت داریں بلوچ پارلیمنٹءِ اے گلچارءَ دَور مہ کنت کہ سک پولنگ بیت، اے پولنگ ہما پولنگ اِنت کہ تاں زند ءُُ دم شودگ ءُُ پلگارگ نہ بیت۔ راجدپترءِ بہر جوڑ بیت، تئی پدریچ ہم ترا ڈوبارنت۔ من سرپد باں کہ اے الیکشناں بہر زِیرگ گوں بلوچ ہوناں گْوازی کنگ اِنت، بلوچ شہیدانی ہوناں گوں بدنمائیں مَلنڈے، اے ووٹ ءُُ نوٹ شہیدانی ہونانی قیمت بیت نہ کننت۔ بلوچ گْوشیت:
’’سُہرو پُرانیگ نہ بیت‘‘
ہما لیڈر اں کہ پارلیمنٹءِ گِل چارءِ اندرا دور کتگ، مروچی ہماہانی حالءَ بہ چار اِت کہ ناں سرکار اِش زیریت ناں کہ بلوچ راج اِش پہ وتیگی کنت۔
’’نہ خدائی ملی ، نہ وصالِ صنم‘‘
پرچا کہ من اے گپ پیشءَ ہم گْوشتگ کہ یکے کنڈم ، یکے ٹشو پیپر، بس یک رندے کارمرز بنت، دومی گشتاں کارمرز نہ بنت۔
شُما کُل سرپد اِت کہ گْوستگیں 5ئیں سالاں زورگیرءَ ہمے پارلیمنٹءِ دپ چٹیں لیڈر بلوچ جنزءِ خلافءَ زورگیرءِ یزیدی لشکرءَ بلوچ نسل کُشیءِ سرٹیفکیٹ ہم داتگ، بلے ہمے مروچی بلوچءَ وتی دیمءَ پیش داشت نہ کننت، سرکار چہ ایشاں وش نہ اِنت، پرچا کہ سرکارءَ وتی کار چہ ایشاں گپتگ ءُُ لگت ءِے گوش بُنءَ جتگ اَنت، شُمے نوکیں لیڈرانی حال ہم ہمیش بیت۔ مروچی زورگیرءَ دگہ نوکیں لیڈر شوہاز کتگ، تانکہ بلوچ نسل کشی گیش کنگ بہ بیت، بلے بلوچ گْوشیت:
’’بش ہما کنت کہ تْرونگلءَ پیراری کُتگ‘‘
شما نوکیں لیڈر ہما زہمءَ جن اِت کہ پیشیگاں جتگ، قوم پہ کُشگ ہلاس نہ بیت،اَگاں چو بیتیں گُڑا اَنوشیروان عادلءَ بلوچ نسل بیگْواہ کُتگ اَنت۔ بلوچ گْوشیت:
’’کِکّے پہ کنکّے تْرکیت، چُکے پہ پِتی باریگے‘‘
ہما واجہ کار کہ تنے وہدی پولنگ نہ اَنت، بائد کہ وتا پولنگ مہ کننت۔ ہرکس زانت کہ آہانی دستءَ ہچ جْوانیں کار پہ بلوچءَ بیت نہ کنت۔ آ اَگاں بہ لوٹنت ہم آہانی وس ءُُ واکءَ نہ اِنت، پرچا کہ اے مملکتِ خدا داد ءِ کلیت خلائی مہلوکءِ دستءَ انت، آ مہلوک گندگ نہ بیت۔بلوچ کوّاسے گْوشیت:
’’دل مہ بند اِت او عاقلاں چہ نشاری پل تڑیں بچاں‘‘
’’اے دْروگے کہ بْرازہگ گم گسار بیت، گُڑا بزاں کہ سورگیں ڈَنّے لال کِشار بیت‘‘
بلوچ گْوشیت:
’’شُدیگیں لاپ سیر بیت، بلے کپتگیں ننگ نئیت‘‘
مروچی بلوچ راجءِ سرا گْرانیں وہدے اتکگ، اے وہدءَ بلوچءَ وتی قومی کٹّ ءُُ نپ چارگ لوٹنت۔
ہما ساپ ءُُ پلگاریں واجہ کار کہ گْوستگیں سرکار اِش ڈوبارتگ ءُُ ایراد اِش گپتگ، مروچی اے ووٹ ءُُ الیکشنانی بہر جوڑ بہ بنت۔ بلوچ گْوشیت:
’’کلاگءَ دگرانءَ کلاگ گپت، وت کلاگے بیت‘‘
چو مہ بیت کہ راج باندا شمارا ہم بہ ڈوباریت ءُُ شما سرپد اِت کہ شُمے دستءَ پہ بلوچءَ ہچ جْوانیں کار نہ بیت، بہ تْرس اِت چہ بانداتءَ۔
مروچیگیں حالتاں شما کُل سرپد اِت کہ زورگیرءِ یزیدی لشکر مئے ماتءُُ گہاراں ماں فوجی کیمپاں بارت ءُُ بندیگ کنت، آیانی اجتمائی آبرو ریزی کنت، چد و گْران تریں وہد پہ بلوچءَ نئیت۔ بلوچ ننگ ءُُ عزت پادمال بئیگا اَنت ءُُ شما گرد اِت ءُُ چہ مہلوکءَ ووٹ لوٹ اِت، شما وت کمیں قباحت کن ات کہ گوں کجام دپ ءُُ آپءَ اے رنگیں جاور حالانی اَندرا چہ بلوچ مہلوکءَ ووٹ پنڈ اِت۔
بائد اِنت کہ بلوچ راج وتا چہ ووٹءُُ الیکشناں دیر بہ داریت۔ مروچی بلوچ ننگ، ناموس ءُُ پجارءِ بیگْواہ کنگءِ جہد بئیگا اِنت، ما ءُُ شما کم اَز کم وتی بیگْواہیءِ گلگءَ گوں ہمراہ مہ بیں ۔
من وتی نبشتانکءَ گوں وتی یک رَملچہےءِ ٹُکّرےءَ آسر کناں:
رملچہ
جُنز اِت آشوب ءِ توار
بْرات سوچوکیں لوار
مئے سْراد ءُُ ہلک ءُُ میتگاں
میاں اُستمانی ہلکواں
تو گار بئے، بیگْواہ بئے
چو بالی مُرگءَ بال کنئے
چو ٹیٹلیں آسک ءَ اَزئے
مانیت منی ماتیں وتن
مانیت شہیدانی تَمن
من پہ ہما روچءَ زراں
**
تپاکی آجوئیءِ مانزمان انت
بلوچستان آجو بات