گوک پروش ءِ جنگ

بلوچستان ءِ راجدپتر ءِ تہا چوشیں بےکساس جنگ ءُ چوپ مئے دیم ءَ کئیت کہ بلوچ سرداراں ورناهاں راجی سرمچاران بہادریں ءُ تمردیں بلوچ پُسگ ءَ وتئی سر ندر کُتگ اَنت ءُ وتئی زمین لج ننگ ءُ ناموس رکینتگ ءُ دژمن پروش داتگ بلوچستان ءِ همک هند قلات، بولان،تربت،مشکے،آواران،گوادر،دشت،شال ءُ دمی دمگ ءَ راجی بامردیں سرمچاراں دژمن تاوان بار کُتگ ءُ وتئی نام راجدپتر ءِ تہا مان کُتگ ءُ همے مزنیں جنگّانی تہا یک نامی ایں جنگے کہ گوک پروش ءِ نام ءَ زانگ بیت

گوک پروش ءِ جنگ
بلوچستان ءِ راجدپتر ءِ تہا چوشیں بےکساس جنگ ءُ چوپ مئے دیم ءَ کئیت کہ بلوچ سرداراں ورناهاں راجی سرمچاران بہادریں ءُ تمردیں بلوچ پُسگ ءَ وتئی سر ندر کُتگ اَنت ءُ وتئی زمین لج ننگ ءُ ناموس رکینتگ ءُ دژمن پروش داتگ بلوچستان ءِ همک هند قلات، بولان،تربت،مشکے،آواران،گوادر،دشت،شال ءُ دمی دمگ ءَ راجی بامردیں سرمچاراں دژمن تاوان بار کُتگ ءُ وتئی نام راجدپتر ءِ تہا مان کُتگ ءُ همے مزنیں جنگّانی تہا یک نامی ایں جنگے کہ گوک پروش ءِ نام ءَ زانگ بیت گوک پروش ءِ جنگ هما وهد ءَ بندات بیت وهدے میر بلوچ خان سرپد بیت کہ ناپاکیں انگریز ءِ پاد مئے پاکیں زمین ءِ سرا ایر بئیگ ءَ اَنت ءُ نامردیں انگریز بلوچستان ءِ تہا وتئی ناجائزیں مقصدانی هاترا مئے زمین ءَ پیداک اِنت میر بلوچ خان یک سرمچارے ءِ همبراهی ءَ یک بامردیں سردارے هم بیت کہ دائم وتئی زمین ءِ رکینگ ءِ جدوجہد ءِ تہا بیت ءُ وتئی لج ننگ ءُ ناموس ءُ بلوچستان ءِ هاترا هرچ وڈیں قدم چست کنگ ءَ تیار بیت، میر بلوچ خان ءُ دمی نیمگ ءَ سردار میر محراب خان بیت کہ بلوچ خان ءِ همکوپگ بیت بلوچ دائم وتئی زمین ءِ رکینگ ءِ هاترا یکموشت ءُ یکجاه بیتگ همے وڈا وهدے انگریز تربت ءِ قبضہ کنگ ءَ پیداک بیت گُڈا دوهیں بامردیں سردار گوں وتئی لشکر ءَ انگریز ءِ دیمپانی ءَ رہادگ بنت جنگ ءِ راوگ ءَ چہ پیسر بهادریں سرداراں ءَ گَشگ بیت کہ انگریز ءِ لشکر سک مزن اِنت اَنگریز ءِ لشکریانی دست ءَ نوک نوکیں تُپنگ ءُ بمب اَست شُما اگاں شوتے شُما جلدی جنئگ بے ءُ پدا شُما سردار ءِ بلّے میر بلوچ خان ءُ میر محراب خان ءِ پسّہ همے بیت کہ مئے لُس مهلوک ءَ مارا پمیشکہ سردار کُتگ کہ گرانیں وهد ءَ سردار دژمن ءِ هلاپ ءَ جنگے سربراهی ءَ بکن ءُ مروچی هما روچ اَتکگ کہ دژمن ءَ منی سرزمین ءِ تہا دور کُتگ ءُ مئے سرڈگار ءِ قبضہ کنگ ءِ هاترا آئیگ ءَ اِنت ءُ پدا سردار میر محراب خان ءُ سردار میر بلوچ خان دیم پہ پسنی ءِ تیاب ءَ داینت همودا کہ اَنگریز نشتگ ءُ تربت قلات ءِ سرا قبضہ کنگ ءِ بابت ءَ منصوبہ جوڈ کنگ ءَ اِنت بلوچ سردارانی لشکر ءِ کچ ءُ کساس 150 بیت ءُ اَنگریز لشکر هزارانی هساب ءَ بنت میر محراب خان ءُ میر بلوچ خان ءِ لشکر گوک پروش ءِ کوْهانی تہا دژمن ءِ سرا اُرش کناں اِے وهدا بلوچ لشکر ءِ بازیں لشکریانی دست ءَ سیلہ هم نہ بیت بازیں ءِ گوں زهم ءُ کارچ ءَ ءُ دمی کسان کسانیں تُپنگ بلوچ لشکریانی دست ءَ بیت بلّے جنگ گوں سلا ءَ نہ بیت بلکہ جُرت ہمت ءُ بہادری ءَ بیت ءُ بہادری ہمت ءُ جُرت بلوچ ءِ نشان اِنت بلوچ گُشنت کہ لگوریں مردم بلوچ بوت نہ کنت گُڈا اَنگریز ءِ سرا بلوچ لشکر ءِ اُرش بوت ءُ اَنچو گُشنت کہ اِے جنگ کساس سئے دوار(گهنٹا) ءَ تک برجم بیتگ ءُ همے میان ءَ بلوچ لشکر ءَ انگریز لشکر ءِ 255 لشکری ءَ چہ گیش کُشتگ ءُ بامردیں سردار بلوچ خان گوں دژمن ءَ وتئی گُڈی ساه ءَ تک جنگ کُتگ ءُ شہید بیتگ ءُ بلوچ چاگرد ءِ تہا پہ سرداراں یک نوکیں راوجے بندات کُتگ کہ اگاں دژمن سرزمین ءَ اَتک گُڈا جنگ ءِ سروکی ءَ سردار بہ کنت ءُ میر بلوچ خان ءِ همبراهی ءَ دگہ 137 بامردیں سرمچار همے جنگ ءَ شہید بیت اِنت اَنچو کسہانی تہا گُشنت کہ اَنگریز لشکر میر بلوچ خان ءِ شہیدی ءَ پد وهدے سردارے بروت ءَ سُرگ ءَ گندت گُڈا تیرگواری بندات کنت آوانی گُمان ءَ بیت کہ کُجام بهی ساهت ءَ میر بلوچ خان پاد کئیت ءُ آوانی زندگی ءَ هلاس کنت، اِے جنگ 28 جنوری 1898 ءَ پسنی ءِ کوہ گوک پروش ءِ تہا بیت مروچی 115 سال ءَ پد هم بلوچ نبشتہ کار ءُ دانشور اِے کسّہ ءَ نبشتہ کناں ءُ بلوچ ءِ بہادری ءُ میارجلی ءِ گپ ءَ کن اَنت

https://www.facebook.com/BSOAzadShaal/?__tn__=kCH-R&eid=ARDAMqyUOcbzQ66uq2zp94M1ib3by4lXiafIGGSCYO3yWjFqkrUjQ6x2edV_2f6NIrgKSnJK6kPF3b76&hc_ref=ARRbkzzjI3I4vgRFJ5J21PcdSyyzXXK-mRyGejyGYTVw0uLr110f8STmffwFi0iiR94&fref=nf&__xts__%5B0%5D=68.ARBkDv1cGXvUmlWBhcXD4Vmjesee5QYC6KUOieDWQg2sUYQYaj2lG5ScoHk3a8UycHkOoFOtIEDJUPax7r65tSZlEeWm_CsXUyqlxTbDxk0NelHf8qPRiIIix6jjnPDp516sa5LZ_mDdcF-INFe-RJSKu5iBZodsF6Wy6dj-u_oCgpiSLX4vMAF808iik0GoyXiBLwltRdJO-tF5PkpIXBOJM7cCkdirJNS3nQhTpvrnelMUnpXw9St4BLnDQGptluY2mBpaqc-OfGhxqwpyuNMhaALNTI-cpv88EdDnUgeux70H5Qa4Wg1dPYta_JTwx-XAKLd252fKt26yfYWQ