آس ءُ هاکشانی اِنت گریوگ ءُ زاری اِنت چے نبشتہ کناں
آس ءُ هاکشانی اِنت گریوگ ءُ زاری اِنت چے نبشتہ کناں
هـر چَهــــار نیـمگ ءَ بزّگی واری اِنت چے نبشتہ کناں
آزمـان ءَ سـر اَنت آ دگـہ راج گـوں وانگ ءُ زانگ ءَ
پہ بلوچاں مدام گُژن ءُ بیمّاری اِنت چے نبشتہ کناں
انچیں باریگے اَتکگ منی بُندر ءَ کَس کَسئیگی نہ اِنت
هرکس بے هاجت اِنت هرکس بیزاری اِنت چے نبشتہ کناں
راج ءِ وَرنا کہ باندات ءِ اُوست اِنت وتی جند ءِ سُدّ ءَ نہ اِنت
کَشّیت تریاک جان ءَ چہ بیزاری اِنت چے نبشتہ کناں
کازی بِلّے تو آڈال ءُ ابدالے یے پوچکے بستار تئی
سر کتـاباں بلے نام تئی ســـاری اِنت چے نبشتہ کناں
مبارک کازی
