کُل بلوچ راج ءَ ماتی زبان ءِ میان اُستمانی روچ مراد بات

 21 اُستپان(فروری) ماتی زبانانی میان اُستمانی روچ اِنت ھرکس پہ وتی زبان ءَ زندگ اِنت ھر راج وتی زبان کدر ءَ کنت ءُ آئی ءَ پلگاریت ءُ دولدار کنت پرچا کہ زبان ءِ پلگارگ مئے ءُ شمئے وتی دست اِنت ما وتی زبان ءَ بہ وان ایں ما وتی زبان ءِ دربرگ ئے جھد ءَ بہ کن ایں منی جند بوتگ پیسر ءَ بلوچی نبیسّگ وتی جاہ ءَ وانگ ھم نزانتگ بلے من جھد کتگ بلوچی کتاب وانتگ نی من کمو باز جوڑاں کہ وانگ ءُ کمو نبیسّگ زاناں پہ من ھمے باز اِنت کہ وانگ زاناں بائد ما ءُ شما درست وتی زبان ءِ دیم برگ ئے جھد ءَ بہ کن ایں ءُ بلوچی بہ وان ایں بہ نبیسّ ایں پرچاکہ بلوچی مئے وتی شھدیں زبان اِنت اگاں ما وتی زبان ءِ سر ءَ جھد مہ کن ایں آ الّم روچے ناں روچے گار بیت وھدیکہ زبان گار بیت بزاں آ راج ھم گار بیت آ کشک ءَ تو کہ روگ ءُ آھگ ءَ یلہ کن ئے آ کِشک ھم گار بیت زبان ھمے وڑ اِنت تئی دست اِنت تو آئی ءَ شر کنگ ئے جھد ءَ کن ئے شر بیت اگاں انچش بے گمان بہ ئے آ ھم بیگواہ بیت!
بلوچ راج زندگ بات