مگسی هاوسءِ دیوان


Image result for ‫یوسف عزیز مگسی‬‎

چنت روچ پیش، چندن ساچءَ بلوچی چکّاس پَیپرےءِ عکسے شنگ کتگ ات. چو زانگ بیت که اے پیپر چه بلوچستان حکومتءِ اجوکیشن ڈپارٹمنٹءِ نیمگا تیار کنگ بیتگ. تیار کنوک کئے بیتگ و یا کئے کئے بیتگ انت؛ من نزاناں ، بلے چو زانگ بیت که آ یا آهاں بلوچی لبزانکءِ تاریخءِ بابتءَ یا زانتکاری نیست و یا بے پرواه انت.
” مگسی هاوسءِ دیوان” که بلوچی لبزانک و نبشته رهبندءِ بابتءَ یکے چه بنگیجی کوشش و کاران ات؛ هر وهدءَ آییءِ نام گرگ بیت و باز تیوکا چه یک دگرءَ اشکنگءِ بنیادءَ، هما دیوانءِ حوالهءَ دینت و چه وت گشنت که اے بیتگ و آ بیتگ. چشیں ردیں حواله په بلوچی لبزانکءَ تاوانبار انت. بلوچیءِ لهتے مزنیں ناماں هم هنچیں ردی کتگ و انگت هم لهتے بید پٹ و پولءَ، بید چه راستیں تاریخءِ چارگ و درگیجگءَ، نبشته کننت و چشیں کار، رندیگیں شوهازکاراں مانگیشّینیت.
من سال ۱۹۹۲ءَ گونڈیں نبشتانکے ” دو گپ ع.ص. امیریءِ چمشانکءِ بابتءَ” نبشتگ ات و په ماهتک “بلوچی لبزانک”ءَ دیم داتگ ات. ” مگسی هاوسءِ دیوان” ءِ حال چه ماهتاک ” اومان”ءَ زُرتگ و هور کتگ ات؛ همے حالءَ پدا لوٹاں شنگ به کناں تا که هر کس چه راستیں حالءَ یکبرے پدا زانتکار ببیت.
اے حال هما پیما که ماں ماهتاک ” اومان”ءَ شنگ بیتگ، ایش انت:

چنت روچ پیش، چندن ساچءَ بلوچی چکّاس پَیپرےءِ عکسے شنگ کتگ ات. چو زانگ بیت که اے پیپر چه بلوچستان حکومتءِ اجوکیشن ڈپارٹمنٹءِ نیمگا تیار کنگ بیتگ. تیار کنوک کئے بیتگ و یا کئے کئے بیتگ انت؛ من نزاناں ، بلے چو زانگ بیت که آ یا آهاں بلوچی لبزانکءِ تاریخءِ بابتءَ یا زانتکاری نیست و یا بے پرواه انت.
” مگسی هاوسءِ دیوان” که بلوچی لبزانک و نبشته رهبندءِ بابتءَ یکے چه بنگیجی کوشش و کاران ات؛ هر وهدءَ آییءِ نام گرگ بیت و باز تیوکا چه یک دگرءَ اشکنگءِ بنیادءَ، هما دیوانءِ حوالهءَ دینت و چه وت گشنت که اے بیتگ و آ بیتگ. چشیں ردیں حواله په بلوچی لبزانکءَ تاوانبار انت. بلوچیءِ لهتے مزنیں ناماں هم هنچیں ردی کتگ و انگت هم لهتے بید پٹ و پولءَ، بید چه راستیں تاریخءِ چارگ و درگیجگءَ، نبشته کننت و چشیں کار، رندیگیں شوهازکاراں مانگیشّینیت.
من سال ۱۹۹۲ءَ گونڈیں نبشتانکے ” دو گپ ع.ص. امیریءِ چمشانکءِ بابتءَ” نبشتگ ات و په ماهتک “بلوچی لبزانک”ءَ دیم داتگ ات. ” مگسی هاوسءِ دیوان” ءِ حال چه ماهتاک ” اومان”ءَ زُرتگ و هور کتگ ات؛ همے حالءَ پدا لوٹاں شنگ به کناں تا که هر کس چه راستیں حالءَ یکبرے پدا زانتکار ببیت.
اے حال هما پیما که ماں ماهتاک ” اومان”ءَ شنگ بیتگ، ایش انت:
بلوچی زبانءِ مجلس
کراچی ۲۴ جولائی [۱۹۵۵]- مروچی صحبءِ ۱/۲ ۹ [ نه و نیم] بجهءَ مگسی هاوسءَ بلوچی ادیبانی مجلس منعقد بوت. آغا عبدالکریمءَ معزز ادیبانءَ وش آحت گشگءَ چه پد وتی تقریرءِ تها گشتی که مروچی شما را په همے سببءَ تکلیف دیگ بوتگ که شما په بلوچی زبانءِ بودناکی و گهتری او آئیءِ رسم الخط او طرز تحریرءِ بابتءَ فکر بکنیت[ بکن ات] تا که بلوچی هم مئے ملکءِ زبانانی ردءَ بئیت او بوشتتیت.
واجکار غلام محمد نوردین، محمد حسین عنقا، میر گل خان نصیر، سید ظهورشاه، ماسٹر محمد رمضان، خیرمحمد ندوی، محمد مراد آوارانیءَ هم زبانءِ بودناکیءِ بابتءَ وتی وتی خیالات پیش داشتنت او بحث و مباحثهءِ تها بهر زرت.
اے مجلسءِ تها جهلءِ ره بند منظور بوتنت.
(۱) په اضافتءَ نشان ‘ءِ’ انت.
(۲) په صفتءِ ظاهر کنگءَ ‘ ءِِ’ بدلءَ ‘ ئیں ‘ نبیسگ به بیت انچو که وابیں ، سهریں .
(۳) په اسم ظرفءَ و حالت فاعلیءَ نشان ‘ ءَ’ انت چو که احمد کراچیءَ شت. احمدءَ جت.
(۴) په حالت مفعولیءِ اظهارءَ نشان انت ‘ ءَرا’ چو که احمدءَ نانءَ را وارت.
( ماهتاک اومان اگست ۱۹۵۵ – دیم : ۴ و ۷ )

 

Source: Facebook -https://www.facebook.com/ismail.amiri.14?__tn__=%2CdC-R-R&eid=ARAFKpmeQVxjiASdHRLxNFHrd6hD-lbG-doNKQEGjg7_MwiuL-352ib1zcWY9vKJMNis9Jl5vl1zonnk&hc_ref=ARQk7DI5IDb18-7U7qCcLFxdu5gze2WJlAyLEnB_igAn2EvSI6OyD-_TnrgkjcHRz3s&fref=nf

twitter
Youtube
Facebook