گُڈّی منزل …… میجرمجید


Image result for ‫بلوچی مضامین‬‎

جُنز جُنزان اِنت

پہ آجوئیءَ پَند بُرّان اِنت

بزگر ءُُ پادشپاد ءُُ پوریاگِر چو شیر گُرّان اَنت

ہون ءِ ہار اِنت

منی کوچگ ءُُ زید ءُُ سرتلّاں

جونءِ پتار اِنت

لج تئی میار اِنت

ٹوپ ءُُ بمبانی سرگْوار اِنت



چاریں کُنڈاں تیرانی توار اِنت
زُلمانی دوزہءِ آس جمبور اِنت
چاہڑیں زند تبد ءُُ سوچوکیں لوارانی دیمپان اِنت
ہلک ءُُ دیار، کیلگ ءُُ سبزیں کِشار مانداشتگ اَنت،بلے
راجءِ آجوئیءِ ہُلّ ءُُ مارشت ایرماد نہ بیت انت
منی راجءِ آجوئیءِ مُژدہ سرا ماد انت
واہگانی گُلباگ گُلزار اِنت
ہون مینتگیں منی گلزمینءَ سبزیں بہار انت
شہیدانی ہون منی سْیاہیں شپانی رُژن ءُُ جبراک انت
دست ماں زمزیلاں، پاد ماں جولان اَنت
جُنزءِ کاروان
گُڈّی منزلءَ رُمبان اِنت
شہیدانی ہون
سرانی رون
راج پہازانی نشون
مات ءُُ گْوہار ءُُ گلزمینءِ ننگ پہاز
گُلامیءِ سانکلاں بُرّان اَنت
دژمن کم توان ءُُ سربتگ انت
منزل دِیر نہ انت
چماں اندر اِنت
تپاکیءِ چمدار اِنت
بومو کوہسراں
راجی کُنگراں
دہرءِ کمبراں
میریں ہملاں
ہلک ءُُ میتگاں
مُہریں سنگراں
پازگاہ داشتگ اَنت
بلوچ راجءِ نوکیں بانداتءِ رہچار اَنت
جُنز جُنزان اِنت
گَل مکن منی مَرگءَ
کہ منی مرگ مُجّتی زندءِ مستاگ اِنت
گُڈّی منزلءِ

**

 

http://dailysangar.com/home/page/8318.html

twitter
Youtube
Facebook