دو دانک ” شورای دمکراسی خواهان ایران” ءِ باروا


هژده نوامبرءِ بیگاه ءَ ” شورای دمکراسی خواهان ایران” ( ایران ءِ دمکراسی لوٹوکانی شورا )   ءِ بنگیجی جار ماں شهرکلن جرمنی ءَ شنگ بوت۰ اے جارکه “کنگره ملیتهای ایران فدرال”  باسکان منّ اتگ په ایران پرستاں باز وشیں هالے اَت.

چارم ایش که شوراے ءِ باسکاں په وتی مَنَّ یک آلترناتیوے  وَجوڑ کنگاینت۰  بلئے بوت کنت ایشاں دیمترا گوں شاهءِ چک ءُ “مجاهدین خلق” ءَ نزّیک ءُ تپاک به بنت تاں امریکی واکداراں رزا بکننت ءُ انگریزءِ اڈ کتگیں ایران ءِ پروشت ءُ پروش بیگ ءِ دیما بدارنت.  پرچا که ایران پرستی ءُ  “حفظ تمامیت ارضی ایران”  اشانی مستریں مکسد انت.


Saturday, November 25, 2017

 
هژده نوامبرءِ بیگاه ءَ ” شورای دمکراسی خواهان ایران” ( ایران ءِ دمکراسی لوٹوکانی شورا )   ءِ بنگیجی جار ماں شهرکلن جرمنی ءَ شنگ بوت۰ اے جارکه “کنگره ملیتهای ایران فدرال”  باسکان منّ اتگ په ایران پرستاں باز وشیں هالے اَت۰ پرچا که هما ایرانی که گوں شاه ءِ چک ءِ ٹولی ءُ “مجاهدین خلق” ءَ  انگت ءَ هم شور ءُ تپاک نهنت لوٹنت یک سَیُمی آلترناتیوے په ایران ءِ سیاسی آئنده ءَ جوڑ بکننت ءُ آ تواننت هنوں  وتا گوں اے ایرانی شوراے ءِ “لیدرشیپ” ءَ  هور بکننت۰ 
همے باروا  چنت گپ گوں اے سیاهگ ءِ مڑاداریں وانوکاں کنگی انت :    
اولی گپ ایش که اے نوکیں شوراے ءِ بن رهبند نامالوم انت  بزاں انگت ءَ نبشته کنگ نه بوته!  باریں شوراے ءِ باسک زاننت که  اے بن رهبندا کئے رد ءُ بند دنت  ءُ نبیس ایت؟  اے چونیں گپے که شوراے ءِ بلوچ ءُ کورد ءُ تورکمن ءُ عرب باسکاں  سی تاں چل سالءِ سیاسی تجربه یانی باوجود وتی هوربندانی بن رهبنداں  ماں کُلن ءَ آرشیو کت انت؟  باریں اشاں  وتی هوربندی بُن رهبنداں  هما وڑا  ٹگلیننت که گوں “شورای دمکراسی خواهان ایران” ءِ آیوکیں بُن رهبندا “در تضاد” مه بیت؟ 
دومی گپ ایش که  ایردستیں راجانی  “خودمختاری” لوٹوکیں سیاسی مردماں یکبرے  پدا گوں ” حفظ تمامیت ارضی ایران” ءِ سرا  زور پِر دیگ ءُ “رسمیت زبان فارسی” ءِ نام گر کنگ ءَ لوٹنت وتی وپاداری ءَ گوں ایران پرستاں پیش بدارنت ۰  اے رندا ” خودمختاری” ءُ “حق تعیین سرنوشت” ءِ لبزان هچ نام  نه گِرانت تنکه پارس ءِ سیاسی ٹولی یاں زوتر رازی کنگ به بنت۰    
سیم اش که اے نوکیں شورا وتی جارءِ تها نبشته کته که ایرانءِ  جمهوری اسلامی ءَ “مسالمت آمیز”  بزاں گوں سهل ءُ بید جنگ ءَ ٹگلینگ لوٹیت تاں شورا وت رند چه ملایانی پروش دیگ ءَ ایران ءِ حکومت ءَ دست گیپت۰   شوراے ءِ کماشیں باسک شموشتگ که چل سال انت جمهوری اسلامی  په وتی واکداری ءِ دراج کش کنگ ءَ  تپنگ ءُ توپ ءُ تانک کارمرز کنگ اِنت ءُ هر روچ بے میاریں مردماں کشگآِنت۰ “شورای دمکراسی خواهان ایران” ءِ  باسکاں انگت ءَ نگوشتگ که  چشیں زورانسریں سیستمے ءِ واکداری  چوں گوں وش گپی ءُ “مسالمت آمیز” هلاس کنگ بیت۰۰  
چارم ایش که شوراے ءِ باسکاں په وتی مَنَّ یک آلترناتیوے  وَجوڑ کنگاینت۰  بلئے بوت کنت ایشاں دیمترا گوں شاهءِ چک ءُ “مجاهدین خلق” ءَ نزّیک ءُ تپاک به بنت تاں امریکی واکداراں رزا بکننت ءُ انگریزءِ اڈ کتگیں ایران ءِ پروشت ءُ پروش بیگ ءِ دیما بدارنت.  پرچا که ایران پرستی ءُ  “حفظ تمامیت ارضی ایران”  اشانی مستریں مکسد انت۰  
آزات ءُ آباد بات گنجيـــں بلوچستـــــــــان
پروشت ءُ پروش باتنـــت ايران ءُ پاکستان
 
محمد کریم بلوچ
نوامبر ۲۰۱۷
http://baluchistan47.blogspot.co.uk/2017/11/blog-post_25.html
twitter
Youtube
Facebook