نوکین سال

نوکءَ نوک مُبارکین سال
کُنڈ کُنڈان تئ شِنگ اِنت هال
رنگ رنگین ترا گون اِهوال
وَشءُ کُچلّین گپّءُٹال
آیَگ تئ, سرءُچمّانّ اِنت
نِندَگ گون ترا ارمان اِنت
ماء هم جِکُّءُپاد اوشتاتگ
په تئ گِندُکءُ دیدارءَ
لوٹین اچ ترا بانجیگءِ
ٹیکیّءُگُلین سوگاتءِ
هال کن تؤ په ماء چی چی گون

نوکءَ نوک مُبارکین سال
کُنڈ کُنڈان تئ شِنگ اِنت هال
رنگ رنگین ترا گون اِهوال
وَشءُ کُچلّین گپّءُٹال
آیَگ تئ, سرءُچمّانّ اِنت
نِندَگ گون ترا ارمان اِنت
ماء هم جِکُّءُپاد اوشتاتگ
په تئ گِندُکءُ دیدارءَ
لوٹین اچ ترا بانجیگءِ
ٹیکیّءُگُلین سوگاتءِ
هال کن تؤ په ماء چی چی گون
سوگات واریءُسکّیّءِ
مُهتاج شادهین سَهتیءِ
ساد گون سانکلان سَکّینان
لوپ اَنت گردِنان مِکّینان
هال کن تو په ماءچی چی گون
جُو شکّلءُ شِیرانی
بنگّءُ بینگءُ بِیرانی
باگءُ نِیبَگءُ هیرانی
وشبُوین گُلءُ پُلانی
هال کن تو په ماء چی چی گون
منڈیلا گِرءُ بندان اَنت
لُوتر کِنگ مُدام شِنگان اَنت
غزّا مان مُجّءُ دنزان اَنت
بالِیگ جمبرءَ گرْندان اَنت
بمبءُ گوڈلان گوْاران اَنت
تِیرءُشوروان شنزّان اَنت
گؤگا گوانزگی شِنگّان اَنت
ماتی مکهین بریان اَنت
براتانی گوهار گریوان اَنت
ابّا بیوسین هیران اَنت
زوالم وشدلءُشادان اَنت
هال کن تو په ماء چی چی گون
روچءِ روشنین روشنائ
بامءِسُهریءُ ورنائ
روچءَ روچگرءُروچ اِنت شپ
تاوان اَنت هزارگنجین نپ
هال کن تو په ماء چی چی گون
سونامی گمءُ پگرانی
دریا وشّیءُ مهرانی
هال کن تو ماء چی چی گون
آزاتی تِرْپوکین استار
بامءُ سُهردپین بامسار
روچءِ گِزدپِیگءُدربار
میدانی کٹیءُاچار
دهکانءِ هرنءُننگار
جُتکءُ کائگِرءُهؤرءُهار
هال کن تو په ماء چی چی گون
هونانی مےءِ کؤر اَنت هار
نانءِ چُنڈئءَواءُزار
آپءِترْمپیءاِنت بیگار
هال کن تو په ماء چی چی گون
بَمبانی توارءُکُوکار
تِیران شِیکَّگءُ هون پِنژار
جونانی پتارءُ کتّار
چمّان گریوگءُدل هِکّار
آزاتی گلامءِ چمدار
*Al749*

Source: Social Media