“میر رحیم زردکوھی- زرمبش”

مں مئی بلوچء آسمان
دائم ترپان ئنت زرمبشی
چو “چاکرخان رندا” یلئین
گوں پھر و شان انت زرمبشی

مئی ساہ و جان انت زرمبشی
روح و رواں انت زرمبشی
چو”میر رحیم زردکوھی” مئی
بلوچء شان انت زرمبشی

مں در و کاندر و گر و
مں کھتلان ان زرمبشی
پہ مئی بلوچستان گلئیں
دائم مڑان ئنت زرمبشی

مئی ساہ و جان انت زرمبشی
روح و روان انت زرمبشی
چو “میر رحیم زردکوھی” مئی
بلوچء شان انت زرمبشی

راجء مڑا و لج و نام
زور و توان انت زرمبشی
چو “رند برھان زئی” شائرا
ھارئیں زبان انت زرمبشی

شائر: سعید برھان زئی بلوچ
جاہ: استکھلم-سوید-سویڈن
پرنگستان