میر دوست مھمد ھان ءَ چو میر مھراب ھان ءِ وڑا سر جَھل نہ کرتگ اَت ءُ ایرانی بادشاہانی گُلامی نہ منّ اتگ اَت ۔ ھیر بیار

ایران ءُ پاکستان یکیں جُرم ءَ شریدار اَنت

ایران ءِ سرا اے اُمیت ءِ دارگ پد نبودیں ھیالے کہ آ ماں رودرتکی بلوچستان ءَ بلوچ آجوئی جہد ءَ کمک کنت۔ ایران ءُ پاکستان ماں بلوچستان ءَ یکیں وڑا بنی آدمی حق جنی ءِ جُرم ءَ شریک اَنت۔ ھیر بیار مری

1927 ءَ ایرانی ھاکم رضا خان پھلوی امیر دوست مھمد ءِ سرا کلوہ دیم دَنت ءُ آئی ءِ سرا زور دنت کہ آ ایرانی ایر دستی ءَ بہ منّ ایت۔ امیر دوست مھمد ھان اے گپ ءَ چہ انکار کنت ءُ آ گوں بلوچ مھلوک ءِ یکدستی ءَ ایرانی ھاکمانی دیما اوشتگ ءُ وتی زمین ءِ پھازگ ءَ ساڑی بیت۔

ایرانی ھاکم امیر دوست مھمد ھان ءِ چرے عمل ءَ نہ وش بنت ءُ وتواکیں بلوچستان ءِ سرا دزمانجنی کن اَنت۔  اے ردا 1928 ءَ ایرانی لشکر بلوچستان ءِ سرا ارش کنت ءُ امیر دوست مھمد ھان دزگیر کنگ بیت ءُ 6 جنوری 1930 ءَ آ پاھو دیگ بیت۔

ھیر بیار ءَ گوشتگ۔ میر دوست مھمد ھان ءَ چو میر مھراب ھان ءِ وڑا سر جَھل نہ کرتگ اَت ءُ ایرانی بادشاہانی گُلامی نہ منّ اتگ اَت۔ ماں ایران ءِ زور گِپتگیں بلوچستان ءِ جاھمنندیں بلوچ، 1928 ءَ چہ پَد، رَند ءِ ہَر آیوکیں سرکارانی زُلم ءُ زوراکیانی آماچ اَنت۔ ایران ءَ ھزارانی کَچّ ءَ نیزگاریں بلوچ کُشتگ ءُ پاھو داتگ اَنت۔

بد بھتی ءَ چہ، لھتیں بلوچ ماں روکپتی بلوچستان ءَ وتی مردمانی سرا ایرانی زور گیر ءِ زوراکیاں سَر گوز کنگ ءَ اَنت ءُ آ ءُ آھانی منّوک ھمے اُمیت ءِ سرا نِشتگ اَنت کہ ایران مارا کمک کنت۔ اے آیانی پَد نبودیں ھیالے کہ چہ پاکستان ءَ آجوئ گرگ ءَ ایران آھاں کمک کنت۔ ایران ءُ پاکستان جرم ءِ شریدار اَنت ءُ یک ھساب ءَ ماں بلوچستان ءَ بنی آدم

گری ءِ ھلاپ ءَ جرم ءَ شریک اَنت۔