«تپاکی زندگیں راجءِ نشان اِنت»
کئے ءَ چوشیں گَت برتگ اَت کہ ماں مئی وتی ڈیہ ءَ مئے ھال ءُ روچ چوش بیت؟ کئے ءَ چوشیں وَھم ھست اَت کہ دَرآمدیں زابلی مئی سرا تیرگواری کننت، گِراَنت، شزا دینت ءُ ھمک روچ ما را کشنت؟ ھما کہ پت ءُ پیروک اِش چہ بزگی ءُ شدّ ءَ بلوچ ڈیہ ءَ آتکنت ءُ میاربوتنتءُ ماں دزآپ ءُ حسین آباد ءَ بلوچان وتی زمینانی سرا کار بست انت۰ راجدپترءِ گوَرتنز ءُ وتی میارجلی ءِ درورے ءَ بچارین ءُ اِندرِست بگریں۰
ھنوں ھما میارانی رستریں پدریچ وتا “سیستانی” گوشنت ءُ ھمک روچ مئی کودک ءُ ورنا ءُ پیرینان کشگاینت تاں ھور گوں آدگہ رستریں ڈنّی یاں بلوچستان ءَ زوربرد بکننت۰ اے نہ لوٹتگیں “مھمان” اَنت کہ لوگ واھند ءَ کشنت تاں آیی لوگجاہ ءَ وتیگی بکننت۰ اے رستراں پہ مئی چُکچیں کنگا لانچتگ۰
ھر بلوچے ءِ راجی ءُ انسانی اگدہ انت کہ ناشریں درآمدانی شکست ءَ جہد بکنت۰ آرام نندگ ءُ چارگ ڈیہ ءُ راج ءِ بربادی انت۰ ھنوگیں دَور بلوچستان ءُ مئی راجی وجود ءُ په بلوچی پجّارءِ زندگ دارگ یا بیگواهی ءِ دَورانت۰ بلـوچ راج ءِ جد ءُ جھد پہ ڈیہ ءُ ملک ءِ آزات کنگ ءُ وتی وجـودءُ پجّار ءِ رکّینگ ءَ تپاکی ءُ همکوپگی پکارانت۰ مئی ناتپاکی دژمن ءِ واھگ ءُ سوب اِنت۰ ناتپاکی راجی جنزءَ نزورکنت۰
ما بلوچان ءَ شَرّ زانگی انت که ایردستی، بے تـواری، کرمه گوشی ءُ ڈیہ ءِ بربادی ءِ سیل چارگ مئے بیگواهـی اِنت۰ دگه راهے پَشت نه کپتگ ما بلوچانءَ تپاک بیگی انت تاں وتی بُن پیـرکی ڈیه ءَ چه لدیگانی ایردستیءَ آزات بکنیـن ءُ وتی پدریچاں چه پارسیانی گلامی به رکینیـں۰ ما را دلگوش گور کنگی انت که په ڈنی یانی در کنگءَ چه گلزمین انگت ءَ دیر نهنـت۰ اگاں مروچی هوری ءَ جهد مه کنین ءُ چِست مه بئیں بوت کنت که باندات باز دیر به بیت ۰اگاں ما هنوں وت ماں وتی ءُ دگه اڑ ءُ جنجالاں مه شموشین ءُ په ملک ءُ راج ءِ هاترا تپاک مه بئیں دلجم اوں که بانداتءِ پشومانی بے نپ ءُ سیت اِنت۰
اے راه ءَ هروڑیں جـد ءُ جهـد په ما جائزانت۰ په هر بلوچے واجب انت که په ملک ءُ راجءِ رکّینگ ءَ وتی کوشست ءَ بکنت اگاں ناں آینده ءُ راجءِ پدریچاں ما را میاریگ کننت ءُ هچ کَس ءَ پهـل نه کننت۰ آ جست کننت پرچا پارس ءِ سپاه ءُ لدیگی لشکرءِ دیم دارگ نه بوت؟ چونکا چنت ھزار دوارسوچیں زابلی اجازت ءُ موہ دیگ بوتنت تاں بلوچ راج ءِ زند ءُ ھستی ءُ ڈیہ ءَ مان بدارنت ( آس بکشنت )؟
ایرانی بلوچ دژمنیں واکدارانی هلاپ ءَ هوری ءُ سیستماتیکیں وڑے کار کنگی انت۰ اگاں چه آهاں جنگی ازباب باز هست بلئے زورانسر اَنت ءُ کارکرداِش لَدیگی اَنت۰ آهانی پروش ءُ شکست دور نهنت۰ اگاں چه دگه ملکان اِش په بلوچستان ءِ مدامی زوربرد کنگءَ گوں وت ءَ هورترینتگ بلئے میاں استمانی کانودانی ردا اے مُلک گوں سبزیں زر ءُ گنجیں تیاب کراں بلوچانی بیه ءُ ڈیه اِنت، اے بلوچانی هک انت که وتی آوارجتگیں ملک ءَ پد بجننت ءُ چه رستریں ڈنّی یاں پچ بگر نت۰
ناشریں زابلی ءُ پارس ءِ لدیگی لشکرءِ وڑوڑیں پندلاں گوں تپاکی ءُ هوریں جهداں پروش دیگ بنت۰ مارا گوں ھمدستی ءُ ھم کوپگی جار جَنَگی ءُ پیش دارگی انت کہ میارجلّیں بلوچ راج زندگ انت ۰ واجہ میجر مجیدءِ کولءَ: ” تپاکی زندگیں راجءِ نشان اِنت”۰ “
آزات ءُ آباد بات گنجيـــں بلوچستـــــــــان
پروشت ءُ پروش باتنـــت ايران ءُ پاکستان
محمــد کریــم بلــوچ
جون ۲۰
