پاکستان ءِ کاسگ لیس آہتگاں وڑ وڑیں دروگ اش بستگ کہ من اے وڑ کنان ، من آ وڑ کناں …..چے کرتگ ؟چہ گچینکاری ءَ پد ہمے بزگیں مہلوک ءَ را یک جوشْکی گولی ءِ دست نہ کپتگ ۔سی پیک روڈ جوڑ بوگ ءَ انت پاکستانی وزیر ہمے گشنت اے بلوچستان ءِ ترقی ءِ واستہ بوگ ءَ انت ۔اگاں اے پہ ترقی ءِ واستہ بوگ ءَ انت ۔انگت گوادر ءِ تہا آپ ءِ جیڑہ پرچہ ہلاس نہ بیت؟
اگاں اے پہ بلوچ ءِ ترقی واستہ انت اے روڈ ءِ جوڑ بوگ ءَ چنچو بلوچ لڈینگ بوتگ؟ چنچو بلوچ ءِ گس سوچگ بوتگ؟ اگاں وزیر وتا قوم دوست گشاں چنچو بلوچ بیگواہ انت۔ چہ گچینکاری ءَ پیسر ہمے وزیراں جیڑتگ اے گاریں بلوچ منی زہگ ءُْ براس انت من ءَ ایشانی آجو کنگ ءِ واستہ چیز ے کنگ لوٹیت۔ دائم میڈیا ءِ دیم ءَ ہمے دروگ اش بستگ نا اے گپ دروگ ے ادا کس گار ءُْ بیگواہ نہ انت ۔مرچی پہ گچینکاری ءَ ہمے مہلوک ءِ گس گس ءَ وتی مردماں دیم دیاں مارا پہ رہبری ءَ گچین بکن ئے ۔ اے مردمانی زہگ شہید کنگ بوتگاں ایشانی زہگ گاراں ،اے مردماناں چے جواب دات کناں ۔بلوچ ءِ روایت ایں اگاں کسے گس ءَ زالبول بروت ہما گس ءِ مالک ایشاناں یک میارے لیکت ،ہون ماپ کنگ بیت ۔ہمے گار ءُْ بیگواہ ایں مردمانی ماس ءُْ گہْار وزیرانی گس ءَ مہمان اَنت۔ نا اومیتی واپس باں ہمے وزیراناں ماس ءُْ گہْارانی میار نہ گپت پہ کجام دیم ءَ دروگ بندیت من وتی حکومتی ءَ شمارا وشحالیں زند ے دیاں۔
ہمے وزیر پہ پنچ سد اووٹ ءَ کامیاب بوتگ ہمے وزیر ءِ ضلع ءِ تہا پنچ سد مردم ءَ گیش شہید بوتگ۔ ہزاراں مردم بیگواہ انت۔ ایشانی زمہ وار کئے انت؟ ۔ہزاراں ماس ءُْ گہار ناپاکیں فوج ءِ دست ءَ لٹ دیگ ءَ بوہگءَ انت گڑا بلوچ چہ پاکستان ءُْ پاکستانی وزیراں دگہ چے اْمیت بداری ….؟؟؟ناپاکیں فوج چہ کئی گْشتن ءِ پْشت ءَ اے زلْم ءُْ زوراکیاں کنگ ءَ انت ؟ہمے واجکارانی کہ وتا قوم دوست گْشنت اے کلیں زلْم ءُْ زوراکی مئے ءُْ شمئے دیم ءَ پدر انت گڑا پرچہ اے کاسگ لیسانی دمب ءَ بہ کپاں چہ انچو ازابی ءَ پد…؟؟ بلوچ راج بائدیں اے ناشر کارانی دروگاں رد مہ کپیت ءُ ووٹ مدنت۔

Jul 21, 2018, 11:08 am

14اگست 1947 ءَ نام ءُْ دپیں مْلک پاکستان ءِ جوڑ بوہگ پہ عالمی دْگنیاءِ واستہ یک بلائیں درد ءِ سری بوت ۔چہ اے دہشتگردیں مْلک ءِ جوڑ بوہگ ءَ ساری بازیں زانتکاراں ہمے گپ پدر کْت ءُْ گشت ءَ محمدعلی جناح ءِ نظریہ مسلم لیگ ءِ درگت ءَ انت اے نظریہ دگنیا ءَ بلائیں نْکس ءُْ تاوان ے دنت۔ بازیں زانتکاراں ہمے جہْد کْتگ اے ملک جوڑ مہ بیت اے گپ راستے ہرکس گندگ ءَ انت پاکستان ءَ دْگنیاءِ امن ءُْ سلامتی چنچو ہراب کرتگ۔ ہرکجام ملک ءِ تہا مذہبی دہشتگردی بوہگ ءَ انت ایشی ءِ زمہ وار ہمے پاکستان انت۔
اے گپ ءَ مرچی ہرکس زانت ءُْ سرپدانت وتی کْلیں ہمساہگ ملک بباں یا کہ مغربی ملک بباں آہانی تہا ہرچ جیڑہ یے است اودا الّم پاکستان ءِ نام گرگ بیت ۔افغانستان ءِ تہا انچو ہون ریزی بوہگ ءَ انت۔ ہندوستان ءِ تہا مذہبی دہشتگرد کار کنگ ءَ انت۔ کشمیر ءِ تہا آس روک انت۔ ایران ءِ تہا جنداللہ ءِ نام ءَ کار بوگ ءَ انت۔ ایشانی زمہ وار کئے انت؟
ایشانی بْن ہشت کجا جوڑ انت اے ہرچی کہ دہشتگرداں ہمے پاکستان ءِ تہا آہانی رہبراں پناہ زرتگ ءُْ ساڑی انت۔ حافظ سعیدءِ وڑیں دہشتگرد پاکستان ءِ تہا جلسہ عام کنت، ہمے ملک ءِ تہا ساڑی انت اسامہ بن لادن ابٹ آباد ءَ جنئگ بیت۔ ملا اختر منصور نوشکی ءِ تہا جنگ بیت ۔گڑا کجام رنگ ءَ پاکستان گشیت من دہشتگردی ہلاپ ءَ کار کنگ ءَ اوں؟ پاکستان کجام ملک ءَ را رد دات کنت کہ من دہشتگردی ہلاپ اوں؟
ْہمے ناشریں ملک پاکستان 27 مارچ 1948 ءَ پہ زور ءُْ طاقت بلوچستان ءِ سرا قبضہ کنت۔ بلوچ راج ءَ وتی گلام جوڑ کنت ،وتی لہتیں کاسگ لیس پہ قوم پرستی نام ءَ دیم ءَ کاریت۔اے گپ ءَ بیہال انت کہ آغاعبدالکریم ءَ جنگ پرچہ کرت، پہ دگنیائے رد دیگ ءِ ہاترا وتی جوڑ کرتگیں کاسگ لیساں پیش کنت۔ بلوچ راج منی پاکستان ءِ مہلوک انت، بلوچ راج پہ رضامندی گومن ہوار بوتگ، وڑ وڑیں پندل سازی کنت داں چنچو وہد ءَ وتی دروگ ءَ دیم ءَ بارت ہمے پاکستان ءِ داشتگیں دودیمی آدینک ہمے گپ ءَ دائم گشاں ما کار کناں مارا پارٹی والا کار کنگ نیلاں صرف وزیرانی دست ءَ ہمے کار بیت۔ روڈ ءِ جوڑ کنگ اے روڈ ءَ پہ بلوچ جوڑ کنگ ءَ نہ انت پہ ہمے ہاترا روڈانی کارءِ جہْد ءَ کن انت، پاکستان ءِ ناپاکیں فوج پہ بلوچ ءِ شہید کنگ ءُْ گار ءُْ بیگواہ کنگ ءَ بزگ مہ بیت ۔پہ ارزانی وت ءَ سر بکن انچو وہد ءَ اے وزیرانی دست ءَ پہ بلوچ ءَ چے کنگ بوتگ؟
سوئی گیس چہ بلوچستان ءَ درکیت، پنجاپ ءَ سر انت۔ بلوچ راج ءِ ماس ءُْ گہار نزاناں اے گیس چونیں چیز ے، سی پیک گوادر ءِ نام ءَ جوڑ بوگ ءَ انت،ایشیءِ زر پہ پنجاپ ءِ مہلوک ءِ واستہ کار گرگ بوگ ءَ انت۔ بلوچستان ءِ تہا وانگ جاہ بلوچ ءِ زہگانی وانگ ءِ ہاترا جوڑ بوتگاں ایشانی تہا پنجاپی فوج نندوک انت۔ ہرروچ بلوچ ءِ پرزنداں گار ءُْ بیگواہ کن انت۔ ہمے وانگ جاہانی تہا سزا دیگ ءَ انت ۔
بلوچ ءِ ماس ءُْ گْہاراں زاہ ءُْ بد کناں مْشت ءُْ چانپٹ کناں، بلوچ ءِ ماس ءُْ گہْار پہ دار ءِ چنگ حیران انت۔ بے وس ءُْ لاچاراں شپ ءُْ روچ ہمے جیڑگ ءَ انت کدیں منی پس ءُْ براس اے فوج دست ءَ برگ ءُْ گار ءُْ بیگواہ کنگ باں یا شہید کنگ باں۔ اے پْرگنجیں گلزمین ءِ مڈیاں چوں کنگ ءَ انت اے گلزمین ءِ تہا چہ درآہگ ءَ نہ انت۔
من ہمے مہلوک ءَ را گشگ لوٹاں ہفتاد سال ءِ گلامی ءَ بلوچ ءَ را چے پائدگ داتگ؟۔ کجام بنیادی جیڑہ گیش ءُْ گیوار کنگ بوتگ؟۔پنجاہ کلو میٹر ءِ سرا یک چْشیں نادراہ جاہ ے نیست بلوچ ءِ تپ ءِ علاج بہ بیت ،ہرگچینکاری ءَ پاکستان ءِ کاسگ لیس آہتگاں وڑ وڑیں دروگ اش بستگ کہ من اے وڑ کنان ، من آوڑکناں …..چے کرتگ ؟چہ گچینکاری ءَ پد ہمے بزگیں مہلوک ءَ را یک جوشْکی گولی ءِ دست نہ کپتگ ۔سی پیک روڈ جوڑ بوگ ءَ انت پاکستانی وزیر ہمے گشنت اے بلوچستان ءِ ترقی ءِ واستہ بوگ ءَ انت ۔اگاں اے پہ ترقی ءِ واستہ بوگ ءَ انت ۔انگت گوادر ءِ تہا آپ ءِ جیڑہ پرچہ ہلاس نہ بیت؟
اگاں اے پہ بلوچ ءِ ترقی واستہ انت اے روڈ ءِ جوڑ بوگ ءَ چنچو بلوچ لڈینگ بوتگ؟ چنچو بلوچ ءِ گس سوچگ بوتگ؟ اگاں وزیر وتا قوم دوست گشاں چنچو بلوچ بیگواہ انت۔ چہ گچینکاری ءَ پیسر ہمے وزیراں جیڑتگ اے گاریں بلوچ منی زہگ ءُْ براس انت من ءَ ایشانی آجو کنگ ءِ واستہ چیز ے کنگ لوٹیت۔ دائم میڈیا ءِ دیم ءَ ہمے دروگ اش بستگ نا اے گپ دروگ ے ادا کس گار ءُْ بیگواہ نہ انت ۔مرچی پہ گچینکاری ءَ ہمے مہلوک ءِ گس گس ءَ وتی مردماں دیم دیاں مارا پہ رہبری ءَ گچین بکن ئے ۔ اے مردمانی زہگ شہید کنگ بوتگاں ایشانی زہگ گاراں ،اے مردماناں چے جواب دات کناں ۔بلوچ ءِ روایت ایں اگاں کسے گس ءَ زالبول بروت ہما گس ءِ مالک ایشاناں یک میارے لیکت ،ہون ماپ کنگ بیت ۔ہمے گار ءُْ بیگواہ ایں مردمانی ماس ءُْ گہْار وزیرانی گس ءَ مہمان اَنت۔ نا اومیتی واپس باں ہمے وزیراناں ماس ءُْ گہْارانی میار نہ گپت پہ کجام دیم ءَ دروگ بندیت من وتی حکومتی ءَ شمارا وشحالیں زند ے دیاں۔
ہمے وزیر پہ پنچ سد اووٹ ءَ کامیاب بوتگ ہمے وزیر ءِ ضلع ءِ تہا پنچ سد مردم ءَ گیش شہید بوتگ۔ ہزاراں مردم بیگواہ انت۔ ایشانی زمہ وار کئے انت؟ ۔ہزاراں ماس ءُْ گہار ناپاکیں فوج ءِ دست ءَ لٹ دیگ ءَ بوہگءَ انت گڑا بلوچ چہ پاکستان ءُْ پاکستانی وزیراں دگہ چے اْمیت بداری ….؟؟؟ناپاکیں فوج چہ کئی گْشتن ءِ پْشت ءَ اے زلْم ءُْ زوراکیاں کنگ ءَ انت ؟ہمے واجکارانی کہ وتا قوم دوست گْشنت اے کلیں زلْم ءُْ زوراکی مئے ءُْ شمئے دیم ءَ پدر انت گڑا پرچہ اے کاسگ لیسانی دمب ءَ بہ کپاں چہ انچو ازابی ءَ پد…؟؟ بلوچ راج بائدیں اے ناشر کارانی دروگاں رد مہ کپیت ءُ ووٹ مدنت۔
***

https://dailysangar.com/home/page/12043.html