پاد آ بلوچ
پاد آ بلوچ اے نرمزار
اے مرد ء شمشیر و کٹار
پاڈیک و واب ء بہل کنار تۃو تا دین ء وپتگے ؟
بدواہ پہ اللہ ہو ترا
یا ھم پہ ناہ و نوہ ترا
جیل کرتگ و پاھو ترا
تۂو تا کدین ء وپتگے ؟
تین انت تۂی ڈن و ڈگار
بن گپتہ تی باگ و کشار
سوگ انت و ماتم ، گیر و دار
پاد آ بلوچ !
پاد آ بلوچ اے نرمزار
اے مرد ء شمشیر و کٹار
پاڈیک و واب ء بہل کنار تۃو تا دین ء وپتگے ؟
بدواہ پہ اللہ ہو ترا
یا ھم پہ ناہ و نوہ ترا
جیل کرتگ و پاھو ترا
تۂو تا کدین ء وپتگے ؟
تین انت تۂی ڈن و ڈگار
بن گپتہ تی باگ و کشار
سوگ انت و ماتم ، گیر و دار
تۂو تا کدین ء وپتگے ؟
تی لوگ و جاہ و بندر ء
ھلک و نپاد و بستر ء
لٹنت و پلنت ھرگۂور ء
تۂو تا کدین ء وپتگے ؟
کرگوشک و آھوگے وڈ ء
کپتگ ھڈک ء تی پڈ ء
سندنت تۂی راجے جڑ ء
تۂو تا کین ء وپتگے ؟
دشمن تۂی پہ جی و جان
کرتگ تۂی واب ء گران
بی وھد وبیحال و نشان
تۂو تا کدین ء وپتگے ؟
ظالم سرء ٹو بوگنت
چاری و چمتو بوتگنت
بد کۂول و بی رو بوتگنت
تۂو تا کدین ء وپتگے ؟
ملک ء تی کپ کپ ، کرتگنت
راہ ء تی ء چپ کرتگنت
روچ ء تی ء شپ کرتگنت
تۂو تا کدین ء پتکے ؟
دنیاے دۂور بوتہ بدل
لیکن تی قسمت و ازل
ھنگت ترا داتہ چگل
تۂو تا کدین ء وپتگے ؟
پاچ کن چمان ء ، بچار
تۂو نشکنے وھدےےتوار ؟
وتواکیے آشوب و جار
تۂو تا کدین ء وپتگے ؟
درواھین جہانے استمان
مرد و جن و پیر و جوان
پاد آتگنت نعرہ جنان
تۂو تا کدین ء وپتگے ؟
سامر جہانے گار ء بنت
سرتم انوں وازدار ء بنت
نوکر وتی سرکار ء بنتت
تۂو تا کدین ء وپتگے ؟
بست اۂو بلوچے سرمچار
پاد آ پڈ ء مردانہ وار
گوں ھکل و سبزین سگار
تۂو تا کدینء وپتکے ؟
ای شۂر داگ و اشکرین
ای گرند و برق و استرین
پنت انت ترا بی درورین
تۂو تاکدین ء وپتگے ؟
میرین بلوچے نو جوان
مرد و جن ھورد و کلان
سرگر کہ سرگپتہ جہان
تۂو تا کدین ء وپتگے ؟
بارین “بلوچ” ے گپ و گال
ای شور و زھرین نیل و نال
پاد ء کننت نوکیں خیال ؟
تۂو تا کدین ء وپتگے
آجو وآبات بات مے پاکیں گلزمیں ماتیں بلوچستان !
خان سماجی بلوچ وینیپگ – کاناد 2018/8/11
https://www.facebook.com/abdulsattar.purdely?hc_ref=ARRNj1KwVXOEdI9S41pMA3Vqs0WD_qEMLXSuBrKaSWX_c5NI-Q9LRiLU-rlZ4T-3Kzo&fref=nf
