۳۵ سال بندیگ ءِ پہ سے سیاسی بندیگ ءَ ماں زاھدان ءِ بندیگجاہ ءَ

پہ کمپین فعالین بلوچ ءِ ھال ءَ، ۲۳ آبان ۹۷ ءَ سے بندیگ ماں زاھدان ءِ بندیگجاہ ءَ کہ آیانی نام ” مولوی نورالدین کاشانی، عین الله قنبرزهی ءُ نصرالله قنبرزهی ۳۵ سالگ” پہ اتهام” امنیت ملی ھراب کنگ چہ امنیتی ماموران ءِ بیران کنگ ءِ ھاتر ءَ” ماں زاھدان ءِ دادگاہ انقلاب ءَ اے جلسہ بیتگ.

اے سئیں بندیگ ۶ سال اِنت کہ ماں زاھدان ءِ بندیگجاہ ءَ بلاتکلیف دارگ بیتگ اَنت.

ءُ اے سئیں بندیگ ءَ پیسر ءَ گوشتگ کہ آیاں ماں اطلاعات سپاہ ءَ “ گوں باز ھرابیں شکنجہ روحی ءُ جسمی کہ بشر ءَ پہ آیاں طاقت نیست اِنت قرار گپتگ اَنت ءُ سپاہ اوں گوں ھمے شکنجہ ءِ پہ زورین ءُ اجباری ءِ اعتراف ءَ آیان ءِ پروندہ ءِ تَہ ءَ کار گپتگ “ ءُ “نیرو انتظامی ءُ کماش ءُ اِسپیت ریشان ءِ استشھاد ءُ گواہ ءُ پت ءُ پول ءَ دلگوش نہ کنت.”

رند چہ دادگاہ ءِ جلسہ ءِ ھلاس بیگ ءَ سئیں بندیگ ءِ رای صادرہ چہ دادگاہ ءِ نیمگ ءَ جار جنگ بیت کہ
” عین الله قمبرزهی ائدام، نصرالله قمبرزهی ۳۵ سال ءُ مولوی نورالدین کاشانی چہ قتل ءَ تبرئہ ءُ پہ اتھام محاربہ ءَ آیی یک دگہ دادگاہ ءِ جلسہ ئے توار کنگ ءُ برگزار بیت.