جالک (جالق ) ءِ بندیگیں ورنا بے گناه اَنت
گوں جالک ءِ بے گناهیں ورنایانی دسگر ءَ بندی کنگ ءَ تروریستی سپاه وتی ترس چه ڈیه ءِ ورنایانی راجی بیداری پیش داشت.
جالک ءِ ورنا نصیرآبادءِ ورنایانی وڑا سد در سد بے گناه اَنت. جالک ءُ کلگان ءِ ورنا وتی توارءَ دیر انت چست کتگ ءُ جار جته که سپاه باید انت وتی کَلّ کتگیں بمباں چه بلوچستان ءِ سرزمین ءَ در به کنت۰
اداں گوشگی که ماں شستون ءِ زرباری دمگاں هنچوش که ملک ءِ آدگه دمگاں درآمداں وتی رستری کینگاں باز درشاں کتگ انت۰ تروریستی سپاه ماں ڈیہ ءِ آ بھر سکّ باز مین کَلّ کتگ. همے کلّ کتگیں بمباں پہ آ دمگانی مردم ءُ ساداراں موت ءِ دام اَنت ۰ ھچ کس بید چہ مافیایی سپاہ نزانت اے بمب کجا کل کنگ بوتگ انت ءُ چنت ھزار اَنت۰
جالک ءُ کلگانءِ ورنا ءُ کماش پاریگیں سال ءَ جار جت کہ اے سرزمین بلوچ ءِ ڈیہ ءُ ھنکین انت۰ مافیایی سپاہ ءِ انسان دشمنیں کار اوشتارینگ لوٹنت ءُ آ وتی کَلّ کتگیں مین چہ آ دمگاں در بہ کننت۰
شش ماه ءُ رند سپاه ءُ اطلاعات مردمانی لوگانی سرا هلگر کت ءَ بازینے چه بلوچ ورنایان اِش آوار جت انت ءُ گوں وت ءَ برتنت. جالک ءِ بندیگیں ورنایان فرشید چاکری، شهرام چاکری، مصطفی رئیسی، عبدالسلام گنگوزهی، گل محمد ءُ آدگه بلوچ بندیگیں ورنا تهنا نهنت۔ ڈیہ ءِ بیداریں مردم گؤں آهاں همراه اََنت.
بے گناهیں ورنایانی آزاتی بلوچانی لوٹ انت۔
گڈ سرا جالک ءُ کلگان ءِ جاسوس ءُ ناشریں چُگُل زانگی اِنت که دژمنی گوں وتی راج ءَ سرجهلی اِنت ءُ بلوچ ورنایانی گرائینگ ءُ دشمن ءِ دستا دیگ هر چُگُلے ءِ روسیاهی انت ۰
محمد کریم بلوچ
بے گناهیں ورنایانی آزاتی بلوچانی لوٹ انت۔
گڈ سرا جالک ءُ کلگان ءِ جاسوس ءُ ناشریں چُگُل زانگی اِنت که دژمنی گوں وتی راج ءَ سرجهلی اِنت ءُ بلوچ ورنایانی گرائینگ ءُ دشمن ءِ دستا دیگ هر چُگُلے ءِ روسیاهی انت ۰
محمد کریم بلوچ
http://baluchistan47.blogspot.com/2019/04/blog-post_30.html
