سپرنامگ – زاھدہ رئیسی

سپرنامگے وانگ ءَ اتاں کہ دل ءَ گوشت تو ھم باز گرداتگ ئے چیزے وَ نبشتہ بہ کن ۔ مجگ ءِ مشین ءَ شوھاز ءِ درٹُک ات ، است (حال ) ءِ اوتاگ ھم چَہ کسھاں پُر اَت بلے دل ءَ گوشت ، جن ئے نہ کن ئے ءَ کہ ترا انگت دارگی ءُ سپرجنگی اِنت ۔
مجگ ءَ است ءِ دربست پدءَ گوست ءِ اوتاگ ءَ سروک کُت، وڑ وڑیں ندارگ بچکندان ات اَنت۔ لھتے ارساں ایر بران اَت انت لھتے تھلی ءُ بے وسی ءَ ایربران ات انت ، لھتے وشّی ءِ گمان ءَ گوں آگاھیں چماں وشیں واب گندان ات انت ءُ لھتے گرانیں نوبتانی بشارتاں چَہ واب ءَ پچ لرزان ات انت ۔

سپرنامگے وانگ ءَ اتاں کہ دل ءَ گوشت تو ھم باز گرداتگ ئے چیزے وَ نبشتہ بہ کن ۔ مجگ ءِ مشین ءَ شوھاز ءِ درٹُک ات ، است (حال ) ءِ اوتاگ ھم چَہ کسھاں پُر اَت بلے دل ءَ گوشت ، جن ئے نہ کن ئے ءَ کہ ترا انگت دارگی ءُ سپرجنگی اِنت ۔
مجگ ءَ است ءِ دربست پدءَ گوست ءِ اوتاگ ءَ سروک کُت، وڑ وڑیں ندارگ بچکندان ات اَنت۔ لھتے ارساں ایر بران اَت انت لھتے تھلی ءُ بے وسی ءَ ایربران ات انت ، لھتے وشّی ءِ گمان ءَ گوں آگاھیں چماں وشیں واب گندان ات انت ءُ لھتے گرانیں نوبتانی بشارتاں چَہ واب ءَ پچ لرزان ات انت ۔

بلے اے درائیں سپرانی تہ ءَ من تھنا وَ نہ اتاں ، گوں من ءَ بازینے ھمراہ اَت ، تُری دنز بہ بیت، گوات بہ بیت ، آپ بہ بیت ، کُنٹگ بہ بنت یا ڈوک ءُ ڈل ءُ مار ءُ زیم بہ بنت ، پدءَ مساپری وَ کاپری انت ۔ ستر تھنا بہ بئیں چَہ ھما جاہ ءَ چست بہ بئیں ءُ پدءَ ھما جاہ ءَ گوزان بہ بئیں ءُ پدءَ ھما منزل ءَ سربہ بئیں کہ گمان کُت یا چَہ گُمان ءَ درشُتگ ، لھتے پہ دمانے ءَ ، لھتے پہ ادارے ءَ، لھتے پہ روچ، لھتے پہ ھپتگ ، لھتے پہ ماہ ءُ لھتے پہ سرجمیں مُساپری ءَ گون اَت، تُری ھم تبے بہ بیت یا پھک ءَ مُج اتگ دیم یے ، اگں نہ دل پَھک ءُ مھروان یے یا بوت کنت کہ دو دیم ءُ دو پوستی یے ، پدءَ اے ھم بوت کنت کہ چم چار ءُ وت واھی ءِ آماچیں دیم روشنیں بھیلیں دوچار بہ کپ ایت بلے بیا کہ سپرنامگ ءِ آدینک ءِ تہ ءَ بازیں راستی یے ءُ بازیں دروگے پَھک ءَ ٹٹ اتگ بلے چم یے بہ بیت پہ گندگ ءَ ، گوش یے بہ بیت پہ اِشکُنگ ۔
چونائ ءَ اے گرمنج مان گیش یے نہ ات کہ پچ کنگ مہ بیت، اے دگہ گپّے کہ وتی عینک ءَ ستر سپا بہ کناں، زردءَ دنز ءِ گمان کُتگ ءُ دم پہ ساھت ءَ سپا کنگ کپتگ اَت داں کہ بدگمانی تہ ءَ جاہ مہ کنت ۔
دل ءَ لوٹ ات کہ سُچِّن ءَ بُزور ، بندک ءِ یک سروکے چست کن، سرجمیں پشک وت سرءَ پرریچ ایت بلے بیا کہ پررتکگیں پشک ءِ چیر ءِ کارست چَہ ھجالتی ءَ سرءَ چست کُت مہ کنت، گھتر ھمیش انت کہ رودپتر ءِ تاکاں اسپیتی ءَ ویل دئے ۔ بلکیں بازینے اے تاکانی سیاھی ءِ اوپار ءَ کش اِت مَہ کنت۔

facebook.com/groups/baaskcom/