ٹگیں حسن روحانی

آ ناشریں آخوند رئیس جمهور بوت ءُ وتی واده پهک شموشت انت که هچ بلکیں بلوچ سرزمین ءِ نگیگیں جاوراں گنتر کتنت ءُ بلوچانی گر ءُ بند ءُ کُشت ءُ کوش تیزتر کرت.

چه دگه نیمگے په مردمانی ریپینگ ءَ گوں اهل سنت ءِ رهشونان مروچاں هوری ءَ عکس گیپت ءُ شنگ کنت ءُ لوٹیت آمریکایی یان پیش بداربت که اهل سنت گوں آیی ءِ واکداری تپاک انت. اے مکّاریں روباه هما اَت که مولانا عبدالحمید ءُ آدگه سنی رهشونان په وتی رئیس جمهوری جشن ءَ نه لوٹآئینت ءُ اهل سنت ءِ ورنایان هر روچ ماں تورکمنستان، بلوچستان ءُ کردستان کشگاینت ءُ آهانی مسیتاں لُمیتینگ انت. بلئے ھنوں که امریکاے ءُ بد گوم کتگ گوں هما سنّی رهشوناں دیوان کنت ءُ پدا په وتی منّ ءَ آهاں ریپین ایت!