ایرانا ترسینگ ءِ امریکایی بیمتراپ برجاه انت

امریکا ءِ 4 بی52 بمبگواریں بالیگراب قطر ءِ فوجی بالیپٹا نشتگ انت. دنیا ءِ بیمناکتریں جنگی بالیگراباں قطرا دیم دیگ ءِمقصد ایرانا بیمتراپ دیگ انت. جنگی بالیگراب کششیں آپی گراب ‘ابراهیم لینکن’ هم دیم پہ هرمز تنکا راهی کنگ بیتگ.
پہ هر پیمیں ایرانی بیم ءِ دیمدارییا امریکا ءِ ساڑیگی ءِ سببا ایرانی راهشونانی گالوارا نرمی آیگ بنگیج بیتگ. نوکتریں بیان ایرانی صدر روحانی ئا داتگ. اے بیان که ٹایمز آف اسراییل ئا نقل و شنگ کتگ، گوشگا انت که اگر ایران ءِ سرا جتگیں غیرقانونی بندشانی تکا امریکا پشومانی درشان بہ کنت و بندشاں دیر به کنت، ایران گوں امریکا گپ کنگا ساڑی انت.
چہ روحانی ءِ بیانا رند، سنگت ٹرامپ ئا درایینتگ: ما چہ ایرانا بس همے لوٹگا ایں کہ جوهری سلاح اڈ مہ کنت. اگر جوهری سلاحاں چہ دستبردار بیگ ءِ امریکا ءِ گپا ایران بہ مننیت، ایران ءِ معیشتا امریکا دیمرئی دیگا ساڑی انت. هنی ایران ءِ معیشت باز خراب انت

facebook.com/wgarboni/videos/10213939291861507/