پہ ایرانا مردمکشیں بشار اسد ءِ مالی پکارییانی پیلہ کنگ چہ وتی ملک ءِ مردمانیگا اهمتر انت
“پہ ایرانا مردمکشیں بشار اسد ءِ مالی پکارییانی پیلہ کنگ چہ وتی ملک ءِ مردمانیگا اهمتر انت” امریکا
ایرانی ٹیل کششیں آپی گراب آدریان دریا 1 ءِ شامی بندن طرطوس ءِ نزیکا سر بیگ ءِ حال ءِ شنگ بیگا رند، مریکاءِ ایمنی تک ءِ سوجکار واجه جان بولٹون ئا گشتگ “همایاں که لیک انت ایرانی ٹیل کششیں گراب شاما نه شتگ، کوککٹی کنگا انت.”
“تهرانءِ دیما مردمکشیں بشار اسد سرکار ءِ مالی پکارییانی پیله کنگ چہ ایران ءِ مردمانیگا انگت اهمتر انت.”
دو ملیون ڈرم سوچگی ٹیل لڈڈتگیں نام گپتگیں ایرانی آپی گراب برتانیایی واکاں ماں جبرالٹر (جبل الطارق) شپوکی ءِ میارا داشتگ ات، بله سئے هفتگانی مهتلییا رند یله دیگ بیتگ ات.
گوں ایرانا سهلتران کنگ ءِ باروا گپ کناں واجه جان بولٹون ئا گوشتگ: گپ کنگا ما ساڑی ایں، البت، تاں هما درگتا که ایرانا دروغ بندگ انگار نه کتگ و ناشری کارانی دیم یی نہ داشتگ انت، معیشتی بندشاں دیر نه کن این.
