ڈیهءِ نودربراں بلوچی بوانینیں
ایران ءِ وانگجاهاں وتی نوکیں “سال تحصیلی” ءَ بنگیج کنگ انت ءُ ماں آوارجتگیں بلوچستانءَ ( “استان بلوچستان و سیستان”، ھُراسان ءِ زرباری بھر ، رودبار زمین ءُ گیاوان زمین ) هزاراں بلوچ نودربر چه زانت ءُ علم ءِ در برگ ءَ زبهر انت۰ گجر واکداران ءُ آیانی ” اداره آموزش و پرورش ” چنت رندا وت جار جتگ که ماں بلوچستان ءَ یک ءُ نیم لک نودربر وانگجاه ءَ نه روگ انت۰ اداں گوشگی انت که گیاوان زمین ءُ رودبارزمین ءِ زبهریں بلوچ چکانی هساب ءَ بلوچ دژمنیں گجر نام نه گیپت۰
گپ ایش انت که گجر ءِ انسان دژمنیں سیاستانی بروردءَ ناوانندگی ماں بلوچستان گیش بیگ انت۰ درآمدیں واکدار مئی هزاراں چک ءُ کودک ءَ چه زانت ءِ دربرگ ءُ وانگجاه ءِ روگ مهن کرتگ انت.
ایران ءِ وانگجاهاں وتی نوکیں “سال تحصیلی” ءَ بنگیج کنگ انت ءُ ماں آوارجتگیں بلوچستانءَ ( “استان بلوچستان و سیستان”، ھُراسان ءِ زرباری بھر ، رودبار زمین ءُ گیاوان زمین ) هزاراں بلوچ نودربر چه زانت ءُ علم ءِ در برگ ءَ زبهر انت۰
گجر واکداران ءُ آیانی ” اداره آموزش و پرورش ” چنت رندا وت جار جتگ که ماں بلوچستان ءَ یک ءُ نیم لک نودربر وانگجاه ءَ نه روگ انت۰ اداں گوشگی انت که گیاوان زمین ءُ رودبارزمین ءِ زبهریں بلوچ چکانی هساب ءَ بلوچ دژمنیں گجر نام نه گیپت۰
گپ ایش انت که گجر ءِ انسان دژمنیں سیاستانی بروردءَ ناوانندگی ماں بلوچستان گیش بیگ انت۰ درآمدیں واکدار مئی هزاراں چک ءُ کودک ءَ چه زانت ءِ دربرگ ءُ وانگجاه ءِ روگ مهن کرتگ انت.
گجرءُ آھانی “ادارہ آموزش و پروش”وتی شومیں مکسدان ءُ بدنیتی ءَ ھچ چیر ندینت ءُ په بلوچ راج ءِ بیگواهی ءُ ناواننده ئیں بلوچانی شمارءِ گیشتر کنگءَ هروڑیں پندل سازنت۰ ھنچوشیں پندل کہ آوارجتگیں بلوچستان ءِ وانینگی جاوراِش ھاسکار ماں دشتیاری، گیاوان زمین، رودبارزمین ءُ ڈیہ ءِ میتگ ءُ کلگاں ماں پھرہ، شستون، سرحد زمین ءُ سیستان ءَ باز ھراب کتگ انت۰
بلئے نہ بایدانت کہ ما بلوچاں به نندین ءُ بچاریں۰ باید ما وَت همت کنین ءُ هزاران بلوچ چک ءِ وانینگ ءَ چاره ءُ راهے شوهاز به کنیں۰ یک بیگی کارے ایش انت که په بلوچ چکاں بلوچی کورس ایر کنگ به بیت۰ ماں مُلک ءِ مَسیتاں یا لوگاں جاه وَ هست انت۰ هر وڑ ءَ کوشست بکنیں تاں بلوچی کتاب، نبشتانک ءُ هاسکار وانینگی کتاباں ماں مُلک ءِ شھر ءُ میتگ ءُ دمگاں شنگ بکنیں۰
اینترنت ءِ سرا بلوچی وانینگی کورس ایر کنگ بہ بیت ءُ فیس بوک، تویتر، تلگرام، وایبرءُ واتساپ ءِ سرا وتی کُلوہ ءُ ھبراں پہ شھدیں بلوچی زبان ءَ بہ نبیسین۰ بلوچی ھبر کنیں، بلوچی بوانین ءُ آ کہ وانینگ ءَ تواننت ھر وڑا کوشست بکننت تاں بلوچ نودربر ءُ مُلک ءِ چکانی ناوانندگی ءِ دیم دارگ بہ بیت ۰
ما را په آیوکیں دَور تیار بیگی انت۰ رند چه هامنه ای ءِ موری باد شاهی ءَ بلوچانی وانینگی استاد ءُ زانتکاراں یک پکّائیں وانینگی سیستمے ماں بلوچستان اڈ کنگی انت که نوکیں پداگوجی آ سیستم ءِ بن هشت اِنت۰ ماں نوکیں وانینگی سیستم ءَ شھدیں بلوچی بلوچستان ءِ وانگجاھانی زبان بیت۰
بلوچی مئی وتی شهدیں زبان انت
محمد کریم بلوچ
بیست ءُ دو سپتمبر2019
http://baluchistan47.blogspot.com/2019/09/blog-post_22.html
