دلوں پاهار کنت کہ مکهیں ماتانی سر هون اَنت

دپ ءِ پُلّیں هبر هون اَنت دل ءِ کوهیں سبر هون اَنت
دلوں پاهار کنت کہ مکهیں ماتانی سر هون اَنت

زمین ءَ آپ ءِ بدل ءَ هون ریتکگ پلیں دِهکان ءَ
پمیشکا رُستگیں درچکانی درسیں تاک ءُ بر هون اَنت

گیاب ءُ کؤر ءُ کیلّگ کَهن ءُ جو دریا ءُ نیلّیں زِر
تلار ءُ کوه ءُ پَٹ ءُ وڈّ ءُ دشت ءُ ژیمب ءُ گر هون اَنت

پہ دشتاراں زر اَنت نوک رُستگیں کاڑانی اجگیں دل
پہ جوداں نِشتگیں نازاکیں زالانی جگر هون اَنت

من ءَ اِے سُهر چمّی اچ وتی پیشی سراں رَستگ
همے واستہ منی چمّاں تمامیں راه ءُ در هون اَنت

مبارک کازی

f acebook.com/1007229442654164/photos/a.1021796794530762/2624613680915724/?type=3&theater