بلوچستان ءِ راجی جُنز دیما روگ انت
میلیوناں ایردستین ءُ زلم دیستگیں انسان ایران ءِ رژیم ءُ دیکتاتور ءِ هلاپ ءَ پادآتکگنت ءُ په آزادی ءُ وتی هکّآں کربانی دیگاینت ۰بلوچستان ءِ بیداریں ورنا هم گوں جَه جتگیں مهلوک هنوں راجدپترءِ هما بهرا نبیسگ انت که ماں گوستگیں چلّ سالاں بے درور انت. بلوچ اوبادگاں ماں دزَاپ، پهره، گِه، شستون، مه گس، چهبار، کهنو، میناب، جاسک، سرباز، واش ءُ دگه بازیں جاه وتی توار زالمیں هامنه ای ءِ هلاپ ءَ برز کتگ۰
شما بلوچ ءِ نام برز کت، شما دلاوریں میرهمَل ءُ زهم جنیں میرکمبرءِ اوبادگانیت۰ شما په وتی راجی ءُ انسانی هکّانی گِرَگ ءَ پاد آتکگ آیت۰ اے جُنزءِ رهشون شما وت ایت. شما بلوچستان ءِ آینده ءُ بلوچانی امیت ایت۰ هچ کس بَید شما په بلوچ راج ءَ نیکواه تر ءُ دوزواہ تر نهنت ۰
بلوچستان ءِ بیداریں ورنایاں راجی جنزءِ رهشونی شمئی وتی دستا انت ۰
اگاں چہ تکانسریں گجر مُلک ءِ لھتیں بُزُرگ ءُ کماشاں زور پردیگ انت تا ں شمئے ءُ راجی جنزءِ دیمپان به بنت بلئے شما گوں شیواری ءُ زانت دشمنءِ پندلاں پروش دیگ ایت
میلیوناں ایردستین ءُ زلم دیستگیں انسان ایران ءِ رژیم ءُ دیکتاتور ءِ هلاپ ءَ پادآتکگنت ءُ په آزادی ءُ وتی هکّآں کربانی دیگاینت ۰بلوچستان ءِ بیداریں ورنا هم گوں جَه جتگیں مهلوک هنوں راجدپترءِ هما بهرا نبیسگ انت که ماں گوستگیں چلّ سالاں بے درور انت۰
بلوچ اوبادگاں ماں دزَاپ، پهره، گِه، شستون، مه گس، چهبار، کهنو، میناب، جاسک، سرباز، واش ءُ دگه بازیں جاه وتی توار زالمیں هامنه ای ءِ هلاپ ءَ برز کتگ۰
بلوچستان ءِ نرمزارین ءُ پادآتگیں پُسَگاں
شما بلوچ ءِ نام برز کت، شما دلاوریں میرهمَل ءُ زهم جنیں میرکمبرءِ اوبادگانیت۰ شما په وتی راجی ءُ انسانی هکّانی گِرَگ ءَ پاد آتکگ آیت۰ اے جُنزءِ رهشون شما وت ایت. شما بلوچستان ءِ آینده ءُ بلوچانی امیت ایت۰ هچ کس بَید شما په بلوچ راج ءَ نیکواه تر ءُ دوزواہ تر نهنت ۰
بلوچستان ءِ بیداریں ورنایاں راجی جنزءِ رهشونی شمئی وتی دستا انت ۰
اگاں چہ تکانسریں گجر مُلک ءِ لھتیں بُزُرگ ءُ کماشاں زور پردیگ انت تا ں شمئے ءُ راجی جنزءِ دیمپان به بنت بلئے شما گوں شیواری ءُ زانت دشمنءِ پندلاں پروش دیگ ایت۰
دو دانک گوں دَرمُلک ءِ جاهمنندیں بلوچاں!
ما را دلگوش گور کنگی انت کہ پادآتکگیں بلوچ ورنایاں هر وڑیں کمک پکار انت۰ آهاں شمئی ءُ راج ءِ امیت اَنت۰ آ ماں راجی جهدانی میدان ءَ وت اوشتاتگنت ءُ ھما راہ ءَ روگ ءُ تجربه کنگ انت کہ ما ءُ شما نہ شتگیں۰ په ملک ءُ راج ءِ هاترا وتی جان ءُ ساه ءِ ندر کنگ ءَ تیاراَنت۰
بلوچستان ءِ زمّہ واریں جھدکار ءُ دیمروی پسند ءُ روشن ھیالیں ورنا تاں راجی دیوان ءِ گچینکاری یاں پہ مُلک ءُ راجءَ گِہتریں رھشون اَنت۰
آ دلاوریں ورنایاں درستیں بلوچانی پشتیبانی ءُ کمک پکار انت ءُ شرّ بزانیں کہ آھاں کَهُدا ( کدهدا) یا سردار پَکار نهنت۰ اے گپ منّگی انت کہ راجی جنز ءِ رهشون ھمے پادآتکگیں ورنایان اَنت ءُ دَرمُلک ءِ ما درستیں بلوچاں ھر پیم ءَ کہ بوت کنت آھاں کمک ءُ مدت بکنیں۰
محمد کریم بلوچ
2019 ھژدہ نوامبر
http://baluchistan47.blogspot.com/2019/11/blog-post_18.html
