دل ءَ نہ گشتگ بلے زند گون کپتگ منءَ – مبارک قاضی
دل ءَ نہ گشتگ بلے زند گون کپتگ منءَ
کجا نزاناں منی جند گون کپتگ من ءَ
ھما کہ وارتہ من ءُ تو گوں کودکی چماں
ھما کسانی ءِ سوگند گون کپتگ من ءَ
پدا اے چون جبین ءَ تئیگ ءَ واتر کنت
وتی دل ءَ چہ دل ءَ سند گون کپتگ من ءَ
وتی گوں نیستی ءَ ھرچی پمن روا کتگ ئے
گم ءِ نباشدی ءَ گند گون کپتگ من ءَ
ھمک ندارہ منی چماں پمن نزوک اِنت
کہ ھچ نہ گندگ ءِ دورگند گون کپتگ من ءَ
منارا کازی پہ دل گال ءُ گپ کتارگی اِنت
بلوچ ءِ سرپدیں پرزند گون کپتگ من ءَ
مبارک کازی
f acebook.com/1007229442654164/photos/a.1021796794530762/2753292361381188/?type=3&theater
