هلکءِ کَنکءَ گُرکاں چوں شینگینت رمگ
تْران ءِ تهراں زرد ءِ تهلیں تْرانگ زانت
زانت چہ زانت ءَ پرچا زبهر اِنت زانگ زانت
هلک ءِ کَنک ءَ گُرکاں چوں شینگینت رمگ
اے راز ءَ بس میش ءُ بُزانی شْوانگ زانت
شهر ءِ وانگ جاهاں اُمرے گْوست بلے
من، تهنا تئی درد ءِ کتاب ءِ وانگ زانت
تو یک رندے کار بستگ چمّانی سلاه
من داں زند ءَ زگریں هون ءِ شانگ زانت
واهگ لوٹوک ءَ کیجّینت یا کہ کُشیت
اِے گپ ءَ یا دل زانت یا دلمانگ زانت
کازی چماں پرچی چو جنجال کن ئے
تئی ارسانی راز ءَ چوں دردانگ زانت
مبارک کازی
