سباء واتر کیت…… ندکار:شولان بلوچ

سباء ءِ جہد ءُ نام ءَ اے چاریں دانک سک باز کم انت بلے منی رنگیں کم علمیں نودربر ءِ سباء گونگیں نامے ازمتّاں یک نبشتانکے ءَ اندرا سمارت نکنت باندا سباء ءِ ہشتمی روچ شہادت ایں اے چاریں دانک سباء ءَ سُہرچکیں دروت ندر کنگے حاترا نبیستگ ھاں…

سباء واتر کیت…… ندکار:شولان بلوچ

جمعہ 31 مئی, 2019 دگنیا ءِ اندر ءَ ہرچ بنی آدم ودی بیتگ یک روچے دائم وتی گڈی ھنکین بزاں کہ مرگ ءَ امباز کنت، دُگنیا ءِ اندر ءَ روچے کساس ءَ چہ گیش مردم مرگ ءِ امباز ءَ روت بلے دگنیا وتی گاماں جنان ایں دیما جنزان ایں، راجی ورناہانی زانشت راجاں سوب مند کنگا انت ءُ نابودیں راج روچ پہ روچ جہلا روان انت ءُ وھدے مجاں گار بوھاں آں. ہمے مرتگیں مردمانی تہا لہتیں انچیں مردم است کہ آوانی مرگ آوانی زندمانی ءَ مانزمان ایں، پرچہ آ پہ یک مکسد ئے زندمان ءَ تیلانک دئیگا انت پہ مکسد پہ راجی حیال باز کم بنی آدم زندمان گوازینگا ایں ہمے محلوک کہ پہ مکسد ءُ مراد زند گوازینگا ہاں ہمے مرگ ءَ رند ھوں زندگ ماننت. اشانی مرگ پہ اشاں حدا ءِ داتگیں سوگات ءِ کہ اشاں دائمی ابدمان کنت. مرچی منی نزوریں ند ہمے رنگیں وتن ءِ تنگویں بچّے ءِ حاترا چست بیتگ کہ آئی پہ بزگیں بلوچ راج ءَ ازمت کساس ءَ چہ گیش انت ءُ ہمے ترندیں پگر ءُ جیرت ءَ آیارا شہادت ءِ بے بہائیں سوگات دات ءُ جوریں بداں ھشت سال ءَ پیش چہ من پُلت، نمیرانیں استاد سباہ دشتیاری.. استاد سباء بلوچ چاگردے تہا یک انچیں توانا ایں نامے کہ استاد ءِ زند ءٌ ازمت ءِ سرا امنچو گپ ءُ حال بکنیت کم ایں. منی رنگیں کم علمیں نودربر استاد ءِ ازمتانی سرا دل ءِ سیر ءَ گپ کُت نکاں ند ءِ سیاھی درو انت. سباء بلوچستان شھدربرجاہ ءَ استاد بوتگ بلکیں من چُش بگشاں ھوں رد نباں کہ سباء پہ ایردستیں راج ءَ یک سبائیے پیام بیتگ. نودربرانی گوما آئی مہر ءُ دوستی ءُ آیاں راستیں ءُ پلگاریں راہ ءِ سکین دیگ استاد ءِ بنکی کاراں چہ یکے بیتگ. استاد بیتگ بلے وتی نودربرانی کماش، برات ءُ سنگت بیتگ. چشیں زھرشانی ءِ نبیتگ کہ سباء امودہ گوں وتی کوئیں بالاد ءَ ساڈی نبیتگ. سباء ءَ درکسانی ءَ راجی ایردستی ءِ سما بیت ءُ راجی ایر دستی ءِ ھلاف ءَ چو عاشکیں مرید ءَ کوچگ پہ کوچگ، دشت ءُ شہراں بلوچ ورناہاں آجوئی ءَ سکین دیان بیت. یک روچے ماں کوئٹہ گڈاں دومی روچ ءَ تربت، سیمی روچ ءَ گوادر، سباء آجوئی ءِ کلوہ دیوک بیتگ. من یاد ایں من دیوان ہاں نشتگ تاں علاقہ ءِ جاور روچ پہ روچ سنگین بوہان اتاں گڈاں سنگتے ءَ درائینت کہ ما واجہ سباء گُشتگ کہ جاور سنگین انت پدا تو گدان پہ گدان پاکستان مردہ باد ءِ نعرہ چست کنیت استان ترا نکس ءُ تاوان بار کنت گڈاں استاد ءَ بچکندگے جتگ ءُ گشتگے استان منی کُنٹ ءَ کشت کنت بلے ہمے حیال کہ مرچی ہزاراں بلوچانی زرد ءَ جاہ کتگے اشیا چتور کُشیت. منا یک ءُ دو رندا سباء ءِ گوشدارگ نسیب بیتگ من سباء ءِ اندرا یک زگریں بلوچے دیستگ کہ مدامی پنجاپی ءِ مکاری ءُ بے بیسئی ءِ سرا بلوچ ورناہاں زانشت ءَ چہ سرریچ کنگا بیتگ. سباء گونگیں زبان زانت ءُ راج دوست ایں دانشور وش بھتیں راجاں رسیت ءُ بلوچ ہما وش بھتیں راجاں چہ یکے کہ آیاں سباء گونگیں استاد رستگ کہ آوانی دائمی پگر ءُ حیال گوں راجی پائدگاں بندوک بیتگ، جوریں بداں ھوں دیست کہ سباء مئے چمانی کنٹگ ایں ءُ مارا بن ءَ چہ ولگوج کنت گڈاں بداں وتی جوریں چانوگ پنڈ ھگم داتاں کہ سباء ءِ ساہ ءَ کش ات بلے…. بداں اے نزانت کہ سباء یک مہکمیں پگرئے نام ایں بلوچے چُک چُک سباء جوڈ بیتگ بلوچستان ءِ کوہ ءُ گر کوچگ ءُ بیابان چہ سباء ءَ پُر انت اشی درور امیش ایں کہ دنیگہ گوں انگریز ءُ پرتگیز ءِ نسل پنجابی ءَ گوں جنگ بوئگا ایں بلوچستان ءِ زمین ہمے دروشم ءَ چہ حدائی داداں سرریچ ایں ہمے رنگا بلوچ راج چہ سباء ءُ بالاچ ءُ جیئند ءَ سرریچ ایں کہ آ مدامی گوں پرتگیز، تُرک، انگریز ءُ پنجابی ءَ جنگ دیاں ءُ وتی نیل بومیں زر ءُ سبزیں کوہاں پہریز ہاں، دشمن پرسی ببیت چہ سباء ءِ شہید کنگا پرچہ کہ ہر روچ سباء واتر کنت کیت ءُ بداں چہ ماتیں سرڈگار ءَ ولگوج کنت ءُ دور ما گیابانے ءَ چگل دنت، سباء ءِ جہد ءُ نام ءَ اے چاریں دانک سک باز کم انت بلے منی رنگیں کم علمیں نودربر ءِ سباء گونگیں نامے ازمتّاں یک نبشتانکے ءَ اندرا سمارت نکنت باندا سباء ءِ ہشتمی روچ شہادت ایں اے چاریں دانک سباء ءَ سُہرچکیں دروت ندر کنگے حاترا نبیستگ ھاں…

Source: email