منگل 21 جولائی, 2020
چراگ رژن ھمگام بلوچی ما پرشتگیں ھلاس بوتگیں پاداں جواب داتگ ھر چاریں نیمگ آں نا امیتی ءِ سیاہ تھاریں شپ ءَ مانشانتگ بلے وتی دل انگت دور نہ داتگ توکل ءَ جواب نہ داتگ ھمک گام ءَ بچکندگ آں گوں ما جنزاتگ ایں ءُ گژنگ نہ چاراتگ تُن نہ چاراتگ تبد ءُ لیوار نہ چاراتگ سرد ءُ گرم نہ چاراتگ تراولیں پادانی تروال نہ چاراتگ آں بس سپر دیم ءَ کتگ ءُ جنزاں بوتگ ایں بس ھمے یکیں واھگ انت اے کاروان مارا ھر وڑا منزل ءَ سر کنگی انت ما پیسرا زانتگ اے راہ ءَ برز ءُ جھلیں کَنڈگ مان پمیشکا ما کدی نہ جیڑاِتگ مرچیگیں روچ چون بیت بانداتگیں شپ چون گوزیت اے راہ ءِ مساپراں کُل آں بُکچھے گم دل ءَ بستگ ءُ جنزگ ءَ انت بلے اے راہ ءِ مساپرانی پیشانی ءَ کدی تو کِرچک نہ گند ئے لنٹانی سرا مدام پُل دروشمیں بچکندگ اش ایر انت ءُ جنزگ ءَ انت اے راہ ءِ مساپراں بلاھیں جنگے کوپگاں زرتگ ءُ جنزگ ءَ انت برے برے چش ھم بیت کہ اے راہ ءِ مساپرانی تہ ءَ تئی بازیں مھروانیں ھمسپر ترا چہ سند انت ابد گستا بنت پدا دگہ نوکیں مردم ھمے راہ ءِ مساپر گوں تو ھمسپر بنت ھو پرچاکہ اے راھے انچیں کدی نہ زان ئے کجا تئی مھروانیں ھمسپرے ترا چہ سندیت ءُ ابد دگہ دنیائے روت تو تھنا بہ ئے بلے اسل ءَ چش نہ انت مارا چہ گستا نہ بنت بس آیاں ما دیست نہ کنیں آ ھمک گام ءَ گوما ھمسپر انت ھمک گام ءَ مارا جنزگ ءِ سکین ءَ دینت اے راہ ءِ مساپر ھرکس یک ءُ دومی ءَ گوں بندوک انت درست یک ءُ دومی ءِ درد ءُ گم ءُ وشیاں شریدار انت ھرکس یک ءُ دومی ءِ باتن ءِ کسھاں گوں آئی ءِ ھاموشی ءَ ونت کنت ھرکس یکے دومی ءَ کوپگ دنت آئی تسلہ دنت اے کاروان ھمے رنگ جنزگ ءَ انت اے کاروان نہ اوشت ایت اے کاروان ءَ کُل بلوچ ھوار انت چو بالاچ مری ءُ نواب اکبر بگٹی ءُ گلیں سبا ءُ بابا ھیربکش ءِ وڑ ءَ وتی زند ءَ دیان ءُ پیداک انت دگہ ھزاراں کنگریں ورنا اے کاروان ھوار بوتگ ءُ وتی سر داتگ اے کاروان داں ھما وھد ءَ روان کنت دانکہ سیاہ تھاریں شپ نہ روت بیگاہ نہ بیت ءُ نوکیں سبا ءِ روچ ٹک نہ دنت اے کاروان روان کنت
