هچ ذات ، هچ زریات نیست
هچ ذات ، هچ زریات نیست
مَرگ ءَ کد ءُ باندات نیست
تو آسـر ءِ گـپ ءَ کن ئے
بنی آدم ءَ بندات نیست
آسـے کـجام پـاندا بلیـت
اِے آبریچـاں گْوات نیست
تئی نام ءِ نام ءَ نْدر بیت
مارا چُشیں سوگات نیست
چاگرد چو کور ءُ موسی ءَ
هچ آه نیست ، پریات نیست
هـر روچ لاشـے سَمبهیت
زاناں بلـوچاں بْرات نیست
کازی چہ امـروز ءَ شُتگ
نہ جاک نہ سلوات نیست
مبارک کازی
https://www.facebook.com/Mubarik-Qazi-1007229442654164/
