سستگیں زِردانی هیال چی اَِنت

*لچه*  – – – *مریم یادگاری*

*سستگیں زِردانی هیال چی اَِنت*

*تئی کلوه پَمّن پْروشتگیں گرند اَنت*

*یات هیالانی چادر ءَ بست اَنت*

*دَرد وتی گرانیں اُگدهاں زُرت اَنت*

*نه شپی پاساں زرد ءَ تاهیرے*

*نه من ءَ نوداں داتگ اِهوالے*

*گم تئی اَندوهاں دل ءَ سند اَنت*

*نه من ءَ آرام نه ترا وابے*

*نه تئی مهرانی مراد سرجم*

*نه تئی اوستانی چراگ رُوک اَنت*

*شه من ءَ بے هال تو مه بو دلبر*

*تو منی جِند ءُ من تئی مهرم*

*تو منی زند ءُ تو منی همدم*

*تو منی لَجّانی هَمُک چیدگ*

*تو منی ماسانی توار لیلو*

*تو منی جیگ بند ءِ گهارانی*

*تو منی هاک ءِ وش بوهیں مِسکه*

*جَنتی زید ئے په بلوچستان*

*بَچ تئی هرجنگ ءِ پڑ ءَ باج بر*

https://www.facebook.com/groups/baaskcom/permalink/3650833248264854/