بلوچ و بلوچستان سوگیگ انت- بانک کریمه نمیران انت
بانُک کریمه بلوچءِ، دردناک و جگر سندیں شهیدیءَ، سرجمیں بلوچ راج پُرسیگ انت. بلوچستانءِ هر کوه و دمگ پُرسیگ انت. نمیرانیں کریمه، بلوچ راجءِ هما دُتّگ و شیرزال ات که چو “بانڑی شیهک”ءَ ، بلوچ جهدکاراں چه جهدءِ پڑءَ پد کنزگءَ نئیشت. وهدے که ماں بلوچستانءَ، آئیءِ سیاسی جهدءِ جاور سکّ نگیگ بیت انت، آ په ناچاری درانڈیه بیت. درانڈیهیءَ هم آئیءَ وتی جهدءِ گامگیج سُست نه کت انت.
راست انت که دشمنءَ یک هنچیں سرے چه بلوچ راجءَ سِستگ که آئیءِ جاه هر وهد هورک مانیت بلے آئیءِ فکر و سسّا نمیران انت؛ بلوچستانءِ آجوئیءِ گر و گریشگیں راهءِ رژن و چراگ انت. آئیءِ جهدءِ جوش و جذبه، آجوئیءِ زرمبشتءِ ارواه انت. آئیءِ هر یک گوناپ و دروشمے ماں سیاسی گند و نند، روانک و دیواناں بلوچ و بلوچستانءِ آجوئیءِ جهدءِ راهءِ شپ چراگ انت.
” بلوچستانءِ راجی زرمبش”، هور گوں آئیءِ کهول و سیاسی دوست و همبلاں و همے دابا، ” بلوچ نیشنل موومنٹ” و ” بی اس او – آزاد”ءَ پُرسیگ و سوگیگ انت.
بلوچستانءِ راجی زرمبش
22 دسمبر 2020
