دوا کَن کِہ اِیرانءِ نامءُ نِشان گار بِہ بات

*سَنگَتے گوں مَن دَپ کَپت مَن گوَشت دوا کَن کِہ 2018 ءَ اِیرانءِ نامءُ نِشان گار بِہ بات اَنت ءُ کَس مَہ زانت کِہ یَک بَرے ایرانی بُوتَگ،،،*

*گوں اے گَپءِ اِشکُنَگءَ مَرد جَہ سرّ اِتءُ گوَشتی اَچا گُڑا ما بَلوچ وَ گارءَ بے ایں!!*

*مَن ھَیران بوُت اوں کِہ بَلوچ پَرچاءُ چوں گارءَ بَنتءُ جُست اوں کُرت کِہ زان آں بلوچ ھَنُّوں ھَست اَنت؟!!*

*مَردءَ دَرّائینت کِہ بَلوچ زان آں کُجائِیگ اَنتءُ کُجا نِشتَگ اَنت!!*

*اَگاں اِیران گار بِہ بِیت بَلوچ گُڑا بَلوچ چونءَ مان اَنتءُ اَلَّم ءَ بلوچ ھَم گارءَ بَنت!!*

*مَن گوں اے گَپءِ اِشکُنَگءَ گَمِیگءُ بَژنِیگ بُوتءُ سُتکءُ برِتکءُ کَباب بُوت اوں کِہ پَرچا مئی راجءِ پُسَّگ چوش چَہ زانتءُ زُبَھرءَ سُست اَنت!!*

*مَن گوَشت مَنی برات تَو بلوچ، تئی زُبان بَلوچی، گُد اِت بلوچی، دود اِت بَلوچی، زِر اِت مَکُرانءُ زُمین اِت بَلوچستان،،،*

*تَو کَدی ایرانی یے بوُتَگ ئے؟*

*ءُ تَو پَہ تَئی نِزّءَ تاں دِگِرانی لَگَتمالیءِ چیرءَ ئے زِندَگءُ ھَست ئے؟*

*وَتَ ءَ زِندَگینے ھِساب کَن ئے؟*

*وَتی ھَستیانی مَستِر وَت ئے؟*

*وَت واکءُ وَت واجَہ ئے؟*

*زُبان اِت بُلبُل تَچکءُ راست اِنت؟*

*نُبِشتانکی رَھبَندے اِت ھَست؟*

*وَتی زِرءُ زُمیںءُ آسمانءِ مَستِرءُ واگدار وَت ئے؟*

*وَتی زُبانءَ ماں وانَگجاھاں وانَگ ئے؟..*

*مَرد گوں اے گَپانی اِشکُنَگءَ پوڈے بُوتءُ ماں آپءَ کَپتءُ نَزانتی کِہ چے بِگوَش اِیتءُ زُبان ےءِ بِلَلَّگ بُوتءُ پَہ مَنی نِزّءَ بَرابَر پَسے بُوت!!*

*گُڑا مَن گوَشت مَنی برات تئی سَرزمیں چَہ ویرانیں ایرانءَ مَستِر اِنتءُ تئی سَرزُمینءِ گَنج دو بَرابَر چَہ ایرانءِ ھَستیاں گیشتر اَنت!!*

*تَرا سَرجَمیں جِھانءَ زانتءُ گِند اِیت کِہ ھَست ئےءُ نام اِت کےَ اِنتءُ کُجا زِندَگی کَن ئے!!*

*پَرچا کِہ تَوءُ تئی ماتیں وَتَن بَلوچستان روچ دَراتکءُ روچ کَپتءُ نَمبیانءُ گورِیچانءِ دِلءِ بَند تَوءَ گَرَگ اِت!!*

*بَلَے ویرانیں ایران کَے اِنتءُ کُجا اِنتءُ چونیں جانوَرے؟؟*