بلوچستانءِ راجی زرمبش واجه جما خانءِ بیرانیءَ په بلوچءِ آجوئیءِ جهدءَ مزنیں تاوانے زانت

بلوچ راجی جهدءِ استارے سِست

جمّا خان بلوچ، چه هما راجی جهد کاران ات که چه وتی ورنائیءِ زمانگءَ بِگر تا زندءِ گُڈّی کتره و دمانءَ، په بلوچستانءِ آجوئیءَ وتی جهد برجاه داشت. آئیءَ وتی جدّ و جهدءِ دراجیں سفرءَ، باز دلسیاهی و سکّی دیست. باز برءَ ، مَرک وتی دیما دیست بلے اے درست سَگّ اِت انت. آ هچبر نا امیت نه بیت و مدام امیتءِ سکین دیوک ات. آ ایوکا سیاسی جهدکارے نه ات، یک شرّیں مردم دوستیں انسانے هم هست ات. آ بلوچی زبانءِ دوستواه و نبیسوکے ات هم.

جمّا خان ” جبهه تحریر بلوچستان”ءِ بُن هِشت ایرکنوکان ات. جبهه تحریرءِ مول و مراد، بلوچستانءِ آزاتی ات و جما خان، تا آخری وهدءَ وتی فکر برجاه داشتگ ات.

 “بلوچستانءِ راجی زرمبش”، واجه جما خانءِ بیرانیءَ په بلوچءِ آجوئیءِ جهدءَ مزنیں تاوانے زانت و گوں آئیءِ کهول و عزیزانی درد و غماں هور و شریدار انت. واجه جما خان نمیران انت و آئیءِ یات، بلوچ راجءِ دلءَ مدام زندگ مانیت.

بلوچستانءِ راجی زرمبش 

12 June 2021