دسمبر 6 میر گُل خان ءِ سالروچ
شش دسمبر بلوچستان ءِ راجی سرشائر میرگل خان نصیر ءِ بیران بؤگ ءِ سی و نهمی سالروچ انت . آئی ءِ نمیرانیں یات مدام مئی دلانی همراه و بود بکشوک انت ! ( پیدائش 14 مای 1914 _
بیرانی 6 دسمبر 1983 )
کدم کدم روان ببت
،
کدم کدم روان ببت
دلیر و پهلوان ببت
په شان مادر وتن
پدا گوں مال و جان ببت
په نام و ننگ و آبرو
سراں وتی دیاں ببت
په کٹ و سوب ءِ منزل ءَ
کدم ، کدم ، روان ببت
،
شش دسمبر بلوچستان ءِ راجی سرشائر میرگل خان نصیر ءِ بیران بؤگ ءِ سی و نهمی سالروچ انت . آئی ءِ نمیرانیں یات مدام مئی دلانی همراه و بود بکشوک انت ! ( پیدائش 14 مای 1914 _ بیرانی 6 دسمبر 1983 )
کدم کدم روان ببت
،
کدم کدم روان ببت
دلیر و پهلوان ببت
په شان مادر وتن
پدا گوں مال و جان ببت
په نام و ننگ و آبرو
سراں وتی دیاں ببت
په کٹ و سوب ءِ منزل ءَ
کدم ، کدم ، روان ببت
،
گر آزمان شمئے سرا
پُرُشته پر گـَزب ببیت
گروک و گرئند وهور و گوات
نجینته سیاهیں شپ ببیت
زمین ببیت چو آچش ءَ
زمانه بے ادب ببیت
میاریت ترس مں دل ءَ
کدم ، کدم ، روان ببت
،
ببیت اگں شمئے سرا
گـَزب، گزب- ستم،ستم
گوں زلم ءِ زهم و بجری
ببنت سر ، شمئے کلم
به مَلِـّت دیما ، دیمتر ءَ
پدا شمئے مه بنت کدم
من سُهر و تپتگیں پڑ ءَ
کدم ، کدم ، روان ببت
،
تپنگ ءِ تیر و ٹوپ و بم
شمئے سرا په گوارگ ءَ
دل و جگر ببنت دو کـَپ
نزر مه بیت په چارگ ءَ
تچاں ببنت هون ءِ جو
پَـلـَک بکنت ندارگ ءَ
مں آس و دیت ءِ جمر ءَ
کدم ، کدم ، روان ببت
،
اے زندگی گلامی ءِ
بلوچ ءِ پُسگان هـرام
اے شاں نهنت بلوچی ئیں
پتی سر ءِ ببیت گُلام
بلوچ ءِ پُسگاں یلیں
نصیر هرز کنت سلام
بزیرت کئوم ءِ بیرک ءَ
کدم ، کدم ، روان ببت
،
میر گل خان نصیر
( کلیات نصیر تاکدیم 76 و 77 )
