داں بلوچاں ساہ مان اِنت تو اَبدمان ءِ کریمہ

داں بلوچاں ساہ مان اِنت تو اَبدمان ءِ کریمہ
اِے بلوچ راج ءِ دل ءَ تو دائم اومان ءِ کریمہ

راج ءِ پُسّگ راج ءِ دُھتر راج ءِ زَھگانی تہ ءَ
زِندگ ءِ تو چو بھار ءَ تو نمیران ءِ کریمہ

تو گُل ءُ پُلّے نئے کہ سِست با گوریچ ترا
پہ اِے راج ءِ سرڈگار ءَ تو گُلستان ءِ کریمہ

نہ تو کندیل ءُ چراگے کشت بکنت گواتے ترا
روچ ءِ برانز ءُ رُژن ءِ ماھــــــــکان ءِ کریمہ

دُژمناں ھم مَنّ اِتگ تئی شیرزالی ءُ دِلیری
تَو بلوچستان ءُ بلوچ ءِ پھر ءُ شان ءِ کریمہ

تئی بُلندی سرمچاری تاں اَبد مان اِیت اِد ءَ
پہ بلوچ راج ءَ وتی تو بُرزیں آزمان ءِ کریمہ

تو تَوارے گُلزمین ءِ ھَکّ ءُ راج ءِ دَپتَر ئے
مکھیں مات ءُ گْوھار ءُ تو بلوچستان ءِ کریمہ

پہ اِے زَیم ءِ اُستمان ءَ آ گُشے پیگمبر اَت
اُستمان ءِ راہ راھشون تو مئے ایمان ءِ کریمہ

زَیم بلوچ
آجوئی_بلوچستان

Source: Facebook Rahim Bush