آجوئی ءِ مرچگیں جُنز

سرجمیں بلوچ راج ءَ مُراد بات کہ بلوچستان ءَ ھم یک دلیر ءُ ناتُرسیں راجی لشکرے ھست، ایشی ءَ ابید راجی لشکر ءِ چیریں ترامگیج ءُ پدائین گل کہ سرجمیں جھان ءَ مجید برگیڈ ءِ نام ءَ زانگ بیت، ھم ھست اِنت ئِے کہ دلیریں ءُ کُنگریں جنگولاں سر ریچ انت۔ ما گوں پھر ءُ ناز ءَ گْوش ایں کہ اے وڑیں گل مرچاں امریکہ، روس ءُ چین ءَ ھم نہ اَنت کہ بلوچ راج ءِ ھست اَنت، گوں راجدوستی ءِ مارشتاں اے وڑیں سیلپسیکراپائسنگ سکواڈ یک وھدے جاپان ءُ مرچاں تھنا اسرائیل ءَ ھست اَنت، دگہ ھچ مُلک ءَ اے وڑیں راجدوستیں پدائین نیست۔ مرچی مارا منّگ لوٹ ایت کہ بلوچ ءِ سِلاھبندیں راجی سرمچار یک ھاسیں رھبند ءُ مُسامے ءِ رِد ءَ پہ بلوچستان ءِ آجوئی ءَ دُژمن ءِ ھلاپ ءَ جنگ ءَ اَنت اے اولی بر اِنت کہ راج ءَ لگ ایت کہ بلوچستان ءِ ھستیں وھد ءِ سِلاھبندیں گھگیری ءِ واگ ماں دمگی میر ءُ نوابانی دست ءَ نہ اِنت بلکیں لس بلوچ وانِندگیں رھشُونانی دست ءَ انت پمیشکا مرچاں ھر وانِندگیں بلوچے بلوچ راجی لشکر ءَ ھوار بوگ ءِ واھگدار اِنت۔چوناھا ماں بلوچستان ءَ گْوست ءِ گھگیری بے رھبند ءُ بے مُساماں نواب ءُ سردارانی دست ءَ بوتگ اَنت پمیشکا ھمے سِلاھبندیں جُنز سوبین نہ بوتگ اَنت۔ البت ھمے سِلاھبندیں جُھد ءُ دُژمن ءِ زُلم ءُ زوراکیاں راج ءَ وت گُلامی ءِ مارشت ودی کُتگ اَنت، کم کم ءَ ھمے گُلامی ءِ مارشت ءُ دُژمن ءِ سر ءَ نپرت ودی کنان ءَ راج وتی راجی آجوئی ءَ پاد آتک۔

گِند ئے بلوچستان ءَ گوں پاکستان ءَ ھچ وڑیں سْیادی یے نہ بوتگ اَت ءُ جھانگیریں برتانیا ءَ پاکستان چہ ھُشکنات ھِند ءِ بھر ءُ بانگ ءِ آسر ءَ اڈ دات گُڑا بلوچستان وَ ھُشکنات ھِند بھرے نہ اَت، بلوچستان چہ جھانگیریں برتانیا ءِ دست ءَ 11 اگست 1947 ءَ آجو بوتگ ءُ داں 27 مارچ 1948 ءَ یک آجوئین ءُ بلوچ راج ءِ وتواجھیں مُلکے اَت پمیشکا ما بلوچاں اے اڑاند ءَ ھچ وڑ ءَ ھوار بوگی نہ اَت۔ جھان ءِ دومی مستریں جنگ ءَ پد جھانگیریں برتانیا ءَ اسرائیل ءُ پاکستان تھنا پہ وتی راجی سیت ءُ پائدگاں اڈ کُت اے دْراہ دْروگ اَنت کہ پاکستان پہ مسلماناں اڈ دیگ بوت کہ اد ءَ مسلمان آسودگ ءُ وشھال بنت، ھمے پاکستان ءَ وتی بنگالیانی سر ءَ ھر وڑیں زُلم ءُ زوراکی کُت، چہ 1979 تاں مرچی ھمساھِگیں اوگانستان پاکستان ءَ تباہ کنائینت، مرچاں پاکستانی جنرل گوں مزنیں لشکرے ءَ پہ ڈالر ءُ سھودی ریال ءَ ایمن ءِ جنگ ءِ بھر اَنت چریشی ءَ سرجمیں یمن بیرانی ءِ آماچ اِنت۔

سرجمیں بلوچ راج ءَ مُراد بات کہ بلوچستان ءَ ھم یک دلیر ءُ ناتُرسیں راجی لشکرے ھست، ایشی ءَ ابید راجی لشکر ءِ چیریں ترامگیج ءُ پدائین گل کہ سرجمیں جھان ءَ مجید برگیڈ ءِ نام ءَ زانگ بیت، ھم ھست اِنت ئِے کہ دلیریں ءُ کُنگریں جنگولاں سر ریچ انت۔ ما گوں پھر ءُ ناز ءَ گْوش ایں کہ اے وڑیں گل مرچاں امریکہ، روس ءُ چین ءَ ھم نہ اَنت کہ بلوچ راج ءِ ھست اَنت، گوں راجدوستی ءِ مارشتاں اے وڑیں سیلپسیکراپائسنگ سکواڈ یک وھدے جاپان ءُ مرچاں تھنا اسرائیل ءَ ھست اَنت، دگہ ھچ مُلک ءَ اے وڑیں راجدوستیں پدائین نیست۔ مرچی مارا منّگ لوٹ ایت کہ بلوچ ءِ سِلاھبندیں راجی سرمچار یک ھاسیں رھبند ءُ مُسامے ءِ رِد ءَ پہ بلوچستان ءِ آجوئی ءَ دُژمن ءِ ھلاپ ءَ جنگ ءَ اَنت اے اولی بر اِنت کہ راج ءَ لگ ایت کہ بلوچستان ءِ ھستیں وھد ءِ سِلاھبندیں گھگیری ءِ واگ ماں دمگی میر ءُ نوابانی دست ءَ نہ اِنت بلکیں لس بلوچ وانِندگیں رھشُونانی دست ءَ انت پمیشکا مرچاں ھر وانِندگیں بلوچے بلوچ راجی لشکر ءَ ھوار بوگ ءِ واھگدار اِنت۔چوناھا ماں بلوچستان ءَ گْوست ءِ گھگیری بے رھبند ءُ بے مُساماں نواب ءُ سردارانی دست ءَ بوتگ اَنت پمیشکا ھمے سِلاھبندیں جُنز سوبین نہ بوتگ اَنت۔ البت ھمے سِلاھبندیں جُھد ءُ دُژمن ءِ زُلم ءُ زوراکیاں راج ءَ وت گُلامی ءِ مارشت ودی کُتگ اَنت، کم کم ءَ ھمے گُلامی ءِ مارشت ءُ دُژمن ءِ سر ءَ نپرت ودی کنان ءَ راج وتی راجی آجوئی ءَ پاد آتک۔

گِند ئے بلوچستان ءَ گوں پاکستان ءَ ھچ وڑیں سْیادی یے نہ بوتگ اَت ءُ جھانگیریں برتانیا ءَ پاکستان چہ ھُشکنات ھِند ءِ بھر ءُ بانگ ءِ آسر ءَ اڈ دات گُڑا بلوچستان وَ ھُشکنات ھِند بھرے نہ اَت، بلوچستان چہ جھانگیریں برتانیا ءِ دست ءَ 11 اگست 1947 ءَ آجو بوتگ ءُ داں 27 مارچ 1948 ءَ یک آجوئین ءُ بلوچ راج ءِ وتواجھیں مُلکے اَت پمیشکا ما بلوچاں اے اڑاند ءَ ھچ وڑ ءَ ھوار بوگی نہ اَت۔ جھان ءِ دومی مستریں جنگ ءَ پد جھانگیریں برتانیا ءَ اسرائیل ءُ پاکستان تھنا پہ وتی راجی سیت ءُ پائدگاں اڈ کُت اے دْراہ دْروگ اَنت کہ پاکستان پہ مسلماناں اڈ دیگ بوت کہ اد ءَ مسلمان آسودگ ءُ وشھال بنت، ھمے پاکستان ءَ وتی بنگالیانی سر ءَ ھر وڑیں زُلم ءُ زوراکی کُت، چہ 1979 تاں مرچی ھمساھِگیں اوگانستان پاکستان ءَ تباہ کنائینت، مرچاں پاکستانی جنرل گوں مزنیں لشکرے ءَ پہ ڈالر ءُ سھودی ریال ءَ ایمن ءِ جنگ ءِ بھر اَنت چریشی ءَ سرجمیں یمن بیرانی ءِ آماچ اِنت۔

اگاں ما بلوچ راجدپتر ءِ راستیں تاکاں وان ایں گُڑا ما سرپد بَہ ایں بلوچ راج ءِ گُلام جوڑ کنوک ھمے وتگڑیں دمگی میر، نواب ءُ سردار اِت اَنت، ھمے دمگی میر ءُ نواباں بے راجمستری گوں مھمد اَلی جِناہ ءَ سْیادی داشتگ ات اَنت پد ءَ مھمد الی جناہ ءَ مار اِت کہ بلوچ راج ءِ مستریں نزوری دمگی سردار ءُ نواب اَنت اگاں ما اے لجوزیں دمگی میر ءُ نواباں لب ءُ لالچ بہ دے ایں گُڑا اے وتی آجوئیں ڈیھ بلوچستان ءَ گوں پاکستان ءَ ھوار کنائین اَنت چہ ھمے ردیں سْیادی ءُ گوں مھمد الی جناہ ءَ بے پائدگیں نِند ءُ نیادانی آسر ءَ بلوچ راج چہ وتی ڈیھ ءِ وتواجھی ءَ زبھر کنگ بوت ءُ اے دْراھیں راجی تاوان ءِ زمہ وار ھمے دمگی سردار، میر ءُ نواب اَنت کہ مرچاں پاکستان یکشل ءَ بلوچ راج ءِ دود، رواج ءُ بلوچ راجی زُباناں لگتمال کنان اِنت۔ بلوچ راج سرڈگار ءُ کوہ کُدرتی مڈّی ءُ گْواچناں سرریچ اَنت بلے انگت بلوچ تُن ءُ گُژن ءِ آماچ اِنت، بلوچستان ءِ ٹیل، گیس، آسن ءُ دگہ کُدرتی داد پہ پنجاب ءِ دیمروئی ءَ رو اَنت بلے بلوچ راج چہ دنیا ءِ ھمُک آسراتیاں زبھر اِنت۔ بلوچ راج ءِ ورناھیں نودربر چہ وانگجاھاں آوارجنگ ءُ بیگواہ کنگ بنت ءُ زورگریں پاکستان ءُ ایران ءِ دست ءَ بلوچ راج چُکچینی ءِ آماچ اِنت۔

مستریں بدبھتی ءَ چار ایں کہ ھمے وتگڑیں میر ءُ نواب وت ھم یکمُشت نہ اِت اَنت ءُ ناں کہ روچ مرچیگ ءَ وت ماں وت تپاک اَنت۔ وھدے کہ 1958-59 ءَ پنجابی پوج گوں بابو نوروز زھری ءَ جنگ ءَ اَت گُڑا نزیکیں ڈیرہ مراد جمالی، جھل مگسی، لسبیلہ، سرجمیں مکران ءُ سرجمیں کوہ سلیمان ءِ ھچ بلوچاں پہ بابو نوروز ھان ءِ کُمک ءَ لگوریں دُژمن ءَ جنگ نہ کُت۔ ھمے پیم ءَ وھدے کہ 1971 ءَ پاکستان وت چہ ھندوستان ءُ بنگالیانی جنگ ءَ پْروشت ءُ نزور اَت گُڑا 1973-78 ءَ نواب ھیر بکش مری ءُ اتا اُلہ مینگل ءِ سروگانی ءَ بلوچ راجی آجوئی ءِ سِلاھبندیں جُھد ءَ ھچ دمگی وتگڑیں میر ءُ نواب ھوار نہ بوت اَنت ءُ ناں کہ ھمے کاسگ چٹّیں میر ءُ نواباں وتی دمگی بلوچاں گْوشت کہ بابا ھیر بکش مری ءُ اتااُلہ ءِ سرکماشی بلوچ راجی آجوئی جنگ ءَ ھوار بِہ بہ اِت۔ ھمے وھد ءَ سندھ ءُ پنجاب ءِ ایردستیں بلوچستان ءِ لیگاری، کھوسہ، مزاری، جھکرانی ءُ دِگہ بازیں پنجابی کاسگ چٹّ بھٹو ءِ ردیں سنگتی ءِ آماچ اِت اَنت۔ تھلیں راستی وَ ایش اِنت کہ مری بلوچ ٹکر ءِ ھلاپ ءَ پنجاپی پوج ءِ کُمک چہ کھتران، ڈیرہ گازی ھان بُزدار، کشمور مزاری ءُ ڈیرہ بُگٹی ءِ دمگاں گْوزانان ءَ سربیگ ءَ اِت اَنت بلے بژن اِنت کہ اِے چیز داں روچ مرچی ھم ھست۔

مئے بی ایس او ءِ راجی سّسا ءِ رِد ءَ بلوچ راج ءِ مستریں دُژمن ھمے پنجابی ءِ کاسگ چٹّیں دمگی سردار، میر ءُ نواب اَنت کہ ایشاں بلوچ راج بھر ءُ بانگ ءَ ھوار وتی زاتی گُلام داشت اَنت۔ گند ئے پنجابی ھم لوٹ ایت کہ بلوچستان ءِ ھر دمگ ءَ سرداری ءُ نوابی سِسٹم بہ بیت کہ چریشی ءَ بلوچ راج بھر ءُ بانگ بہ بیت ءُ راج وتی گُلامی ءَ مہ مار ایت چے ءَ کہ بے نواب ءُ بے سرداری ءَ بلوچ راج وتی گُلامی ءَ ماران ءَ بلوچ راجی آجوئی ءِ سِلاھبندیں گلاں ھوار بوگ ءَ اَنت۔ یک نیمگ ءَ پاکستان بلوچستان ءِ ھر دمگی سردار، میر ءُ نواباں سِلکاری ءُ بلوچ راج ءِ زُلماں برجاہ دارگ ءِ داد دنت۔ بلوچستان ءِ ھمُک دمگاں پنجابی پوج ءِ مستریں کاسگ چٹّ ءُ سرکاری کُشندہ ٹولی ءِ سروک ھمے دمگی میر ءُ سردار اَنت بلوچ راج ءِ ورناھاں تُرس دے اَنت ءُ کُش اَنت۔

دومی نیمگ ءَ پاکستان ءِ میڈیا ھمے وتگڑیں بلوچ نواب ءُ سرداراں وت پِٹ ھم دنت کہ بلوچستان ءِ نواب ءُ سردار بلوچستان ءِ ترکیاتی پَنڈ ءُ بلوچ ءِ ھکاں ورگ ءَ انت۔بزاں ھمے راجدْروھاں چہ دوئیں نیمگاں پِٹ رس ایت توری پاکستانی جِند ءِ میڈیا بہ بنت توری راجدستانی ھساب ءَ چار ئے۔

البت انی بلوچ راجی آجوئی ءِ سِلاھبندیں جُھد ءِ سرکماشی چہ نوابانی دست ءَ درکپتگ ءُ شیھد بالاچ، شھید جنرل اسلم ءِ داتگیں راہ ءُ واجہ بشیر زیب، گُلزار امام، سرپراز بنگُلزی ءُ واجہ ڈاکٹر الہ نزر ءِ وڑیں لس وانِندگیں بلوچانی دست ءَ شُت کہ نی بلوچ ابید بلوچستان ءِ آجوئی ءَ پد نہ کِنز ایت۔ چوناھا مرچاں زانتکاریں پنجابیاں ھم مار اِت کہ لس بلوچ پاکستان ءَ نپرت کنت، پاکستانی پوج ءِ ناھکیں کُشت ءُ کوش، زُلم ءُ زاکیاں بلوچ راج وت جُتا کنائینت۔ گِند ئے نپرت راجی آجوئی ءِ بُندری لوٹ اِنت پمیشکا اگاں یک راجے ءَ وتی دُژمن ءِ سر ءَ نپرت ءُ کینگ ودی کنان کُت گُڑا آ وتی گُلامی نہ منّ ایت بلکیں پہ راجی آجوئی ءَ سراں ندر کنت۔

بلوچ راج وتی ڈیھ ءِ وتواجہ، بلوچستان آجو بات۔ آزات ھیال ءُ راجمستریں بلوچستان شالا دیمروئی بہ کنات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔