گپے گون بلوچ راجءَ – وھاب بلوچ
منی راجے کُنگُرین پُسگاں ءُ مھربانین دُھتگاں سلام ءُ دروت۔ زردے مزنین واھگ انت کہ وشیانی نوٗد ھمُک وھد شمئے سرءَ شنزان باتءُ ھنچوش شمے جُھدپہ وتی ھکانے پدجنگے ھاترءَ لھکانی ھسابءَ ستا کرزیت وتی جُھد ءُ زھرشانیءَ پہ ھکانی پد جنکا دیما ببر ات۔
ھنچوش کہ شما بلوچ راج زان ات ءُ سرپد اِت، سال ءُ روچ،ماہءُ شپ کہ گوزان بنت، دگنیاے راجانی ھیال ءُ مارشت ءُ زانت ، ھن بدل بوان بنت۔
ھر راجءِ وتی شّرءَ چہ شّرترءِ شوھازءَ دست جنت۔
منی راجے کُنگُرین پُسگاں ءُ مھربانین دُھتگاں
یک وھد ءُ زمانگے ، مئے ءُ شمے پیرینان وتی مُلکے مستر ۂُ گھتر وت بوتگ انت۔
بزان ما بلوچ ایں ءُ مئے مُلک بلوچستان اِنت۔
۱۹۱۶ءَ بگر تاں ۱۹۲۸ءَ روایرشتی بلوچستان ، بھرام خان ءُ میر دوست محمد خان بارکزھی بلوچءِ کنفدراسیوین حکومتیءَ یک آزاتءُ آجوئین مُلکے بوتگ۔
بزان ما بلوچ ایں ءُ مئے مُلک بلوچستان اِنت۔
۱۹۲۸ میلادیءَ (۱۳۰۷ھجری شمسیءَ) رضا میر پنجءِ درَندئین فوج اُرش بارت ءُ میردوست محمد خان بارکزھی بلوچ ءَ پروش دنت۔ پرچے?
بلئے، پہ اے ھاترءَ کہ ما بلوچ ایں ءُ مئے مُلک بلوچستان اِنت۔
منی راجے کُنگُرین پُسگاں ءُ مھربانین دُھتگاں
وھد پہ تیزی گوزان انت۔ ما ءُ شما ماں ۲۱ بیستءُ یکمی قرنءِ تھا زند گوازینگاین، نوں ماۂُ شمارءَ سار کنگ لوٹیت، سونچ لوٹیت۔ تپاکی ءُ مُچی لوٹیت، یکجھتیءُ یکجاھی لوٹیت۔
ھنچوش کہ بلوچ راجے نامدارین شائر واجہ مرحوم مُلا پازُل گوشیت کہ سد براتے واجہ گر سُستی کنت رد اِنت ، ناتپاکی چے شمارا سوت ءُ نپ اِنت
جی ھو، اے نازروکین ءُ ھساسین وھدءَ چہ دستۂَ مدیت۔
ھَرَکءُجُڈالانی ھبرءَ گوش مِکن اِت۔ اے مئے ءُ شمئےتباھیءُ بربادیءِ رندا انت بیا اِت گون دِل ءُ سِتکءَ وتی بلوچی دئینءَ ادا کن اِت، تپاک ببئیت۔
مان اے نازروکین وھدءَ ماتین وطن چہ شما راجءِ دانشور ءُ زانتکاران ءُ درُستین بلوچستان ءِ مھلوک ءُ ھنچوش چہ راجی گّل ءُ پارٹی ان، پہ شرترءِ شوھازءَ دزبندی کنت ءُ گوشیت کہ بیا اِت ھوری ءُ مچیءِ جوڑ ین اِت۔ تپاک بنئیت گون مُچی ءُ تپاکیءَ وتی جھدءَ پہ بلوچستانءِ آزاتی یا حق حاکمیتءَ دیما ببر اِت۔
بلوچ راج ءِ ما ءُ شما سوبین باتءُ بلوچستان سبزءُُآبات
وھاب بلوچ
سوئڈن- استکھلم
۲۰۲۲-۱۱-۵
