بلوچستان ءِ راجی زرمبش، گون حاجی محمد خان میرلاشاری ءِ زهگ و کهول ، دوست و سیاسی همراهانی درد و غمان شریدار انت
محمد خان میرلاشاری، ۲۲ مارچ ۲۰۲۳ ءَ ماں لندن، بریتانیا ءَ بیران بیت
حاجی محمد خان میرلاشاری، شاه ءِ زمانگ ءَ چه پهره ءِ دمگ ءَ، ایران ءِ مجلس ءِ باسک ات.۱۹۷۹ ءِ انقلاب ءَ رند، محمد خان ءَ گوں وتی ھمراھاں پہ بلوچستان ءَ چو آ دگہ سیاسی جھد کاراں وتواجهی ءِ لوٹ کت۔ ایران ءِ نوکین اسلامی رجیم اے دگه راجانی حقانی منگءَ هچ وڑا تیار نه ات، پمیشا محمد خان ءَ سلاح چست کت. بلے دیر نه گوست که آ درانڈیه بیگءَ ناچار بیت و ” جنبش مجاهدین بلوچ ” نام ءَ، هوربندے جوڑ کت و رندا نام بدل و ” جنبش مبارزین بلوچ ” کت
حاجی محمد خان چه گوستگین بازیں سالان، لندن ءَ جاه منند ات. آئیءَ وتی اے دراجیں درانڈیھیءَ گوں ایران ءِ راج دشمنیں حکومت ءَ سهل نه کت، چه وتی لوٹان پد نه کنز ات و ملکءَ واترّ نبیت. محمد خان ماں درانڈیهیءَ، تا وتی زندءِ آخری وهد ءَ، مدام گوں بلوچانی وشّی و غمان هور و شریدار ات
بلوچستان ءِ راجی زرمبش، گون حاجی محمد خان میرلاشاری ءِ زهگ و کهول ، دوست و سیاسی همراهانی درد و غمان شریدار انت
بلوچستانءِ راجی زرمبش / ۲۴ مارچ ۲۰۲٣
