داگیرکەری دڵ پڕ لە قین
دڕندەی بێ ویژدان و دین
ناتوانی واکەی کورد نەبین
ھەر کورد بوین و ھەر کورد ئەبین
لە پێش ئاگر پەرستی دا
لە پێش موسوڵمانێتی دا
لە دیلی و لە سەربەستی دا
ھەر کورد بوین و ھەر کورد دەبین،
نە عەرەبم نە ئێرانیم
نە تورکێکی شاخستانیم
نەک ھەر من خۆم. مێژووش دەڵێ
کە کوردم و کوردستانیم
نە نەگییە و نە پیاوەتی
جیاوازی نەتەوایەتی
بڕیارە و مێژوو داوییەتی
کە کورد بین و ھەر کورد ئەبین
گەلان ھەموو برای منن
ھەر زۆردارانم و دوژمنن
داوای وڵاتی کەس ناکەم
پەنجە بۆ مافی کەس نابەم
بۆ مافی گەل و خاکەکەم
ھەتا ماوم خەبات ئەکەم.
داگیرکەری دڵ پڕ لە قین
دڕندەی بێ ویژدان و دین
گەر قەندیل و ئاگری و شیرین
یەکسان کەی لەگەڵ ڕووی زەمین
ناتوانی واکەی کورد نەبین
ھەر کورد بووین و ھەر کورد دەبین
“ابراهیم احمد”