شاهگانيــں بلــــوچ گلزميــــن، بلوچانــــی ڈيه ءُ هنکيـــــں بزان بلوچستـــان مزنيـــں ملکــــے اِنت که چه گوريچـــی نيمـــگ ءَ گـــوں پارس ءُ هـُراسان ءُ پشتونستان همساهگ انت۰ چه زرباری نيمگ ءَ گوں بلوچستـــان ءِ زر يا دريای بلوچسـتـــان ڈکّـِـتـــگ. چه رودراتکــی نيمـگ ءَ گوں سند ءُ پنجاپ ءُ پشتونستان لچتـگ ءُ چه رونشتــی نيمگ ءَ گــوں پارس ءَ الاهـواز ءَ همساهــگ انت.
بلوچستــان مدام بلـــوچ ءِ هنکيــن ءُ مُلـــک بوته ءُ هست انت. اگاں چه مئی گلزميــن بهر بهرکنگ بوتگ ءُ هنوں ڈنــّی يانی ايردست انـت بلے بلـــوچ کوم وتی ڈيـه ءُ هنکيـن ءِ يکجاهی ءِ لوٹوک انـت . بلــــوچ راج وتی تاريخـــی گلزميـن ءِ پور ه ئيں انـدازه ءُ حـــدود ءَ ميـان استمانـی کانـــود ءُ رهبندانـی برابــر ءَ لوٹيـت۰
ايــران ءُ پاکستـان ءُ اوگانستان ءِ واکدارانی دولتی اداره بلوچستـــان ءِ بهر بهرءِ اندازه ءَ اے وڑ ءَ پیش دارنت:
۱ـ رودراتکی بلوچستــــان بزاں هما بهر که پنجابی ياں وتی ايردست کتگ سئے لک ءُ چل ءُ هپت هزار ءُ يک سد ءُ نـــود ۳۴۷۱۹۰ کيلومتر مربع انت.
۲ـ بلــــوچ گلزميــــن ءِ رونشتی که « سيستان و بلوچستــان » گوشگ بيت ءُ تهران ءِ بلــــوچ دژمنيـں واکداراں زوربـرد کرتگ کم ءُ گيش يک ســد ءُ هشتاد ءُ هپت ( ۱۸۷۰۰۰) کيلومتر مربع انت.
۳ـ بلوچستــان ءِ گوريچی ( شمالـی ) بهر بـزاں نيمـروز که اوگانستان ءِ گوں هوار کنگ بوتـگ هپتـاد هـزار (۷۰۰۰۰) کيلومتر مربع انت.
اگاں برزيں هساباں جم کنگ به بنت گڑا پدر بيـت که ڈنی واکاں بلوچستــان ءِ اندازه ءَ شش سد ءُ چار هزارءُ ســد ءُ نود (۶۰۴۱۹۰)کيلومتر مربع پيــش دارگ ءِ کوشســت کننــت.
بلے بلوچستــان ءِ راجدپتر ءُ تاريخ ءُ تاريخی نقشــه پيش دارنـت که بلوچستــان چه دژمنانـی هساب ءُ کتاباں باز گيشتر انت په درورگيابان، جاشک ءُ ميناب، يا که سبی ءُ ڈيره جات هچبـر چه بلوچستــان ءِ سرزميـن سِنـدگ ءُ جتا بوت نکننت۰
اداں پـدر کنگ لوٹوں که بلوچستــان ءِ چــارَک گوں سنـد، پنجـاپ، هلمنـد، هـرات، پارس (هـُراسان ءُ کرمان ) هوار کنـگ بوتـگ . هما بهــر که چه بلوچستــان ءَ جتا کنگ بوتگ انت کم ءُ گيش دو سد هزاربزاں دو لــکّ ( ۲۰۰۰۰۰) کيلومتـر مربع اَنت.
بلوچستــان ءِ زر يا درياے بلوچستــــــان ءِ اندازه هم کم ءُ گيش۳۵۲۰۰ سی ءُ پنچ هزارءُ دو ســد ( ۱۶۰۰× ۲۲ ) کيلومتر مربع انت. ميان استمانی کانود ءُ رهبندانـی ردا ءُ بريبر گـوں تپاکيں راجانی هوربنــــد ءِ ۱۹۸۲ ءِ کنونشــن ءَ زر ءُ دريا هانی باروا » درياے بلوچستــان ءِ مالـک بلـــوچ راج انت.
سجئيــں بلوچستـــــان گيـش چه هشـت سـد هـزار ( هشت لـَک ) کيلومتـر مربع اِنت. بلوچستــان ءِ زر هم چه ســی ءُ پنچ هـزار کيلومتــر مربـع ءَ گيش انت.
پروشت ءُ پروش باتنت ايران ءُ پاکستـــان
آزات ءُ آبــاد بــات گنجيـــں بلوچستــــــان
محمــد کريـم بلــوچ
نوامبـر ۲۰۱۶
http://baluchistan47.blogspot.co.uk/2016/11/blog-post_21.html
