گپے گـوں ناشریں امینی فـرد
ماهے ءَ گیش انت که بلــوچ دژمنیــں ایرانی میدیاءُ زابلی ٹولی وتی شومیں برنامه ءُ پندلانی ردا تئے انترویو ءُ گپاں بلوچستـــان ءِ بَهربَهرکنگ ءِ باروا شنگ کنگاینت
تو په درستیں بلوچـاں پًدّر کـت که گوں شهریاریءِ بلوچ کشیں ٹولی ءَ هور بوتگئے تاں ٹپیگیـــں بلوچ راج ءُ بلوچستــان ءَ دگه کارچے به جنئے۰هنوں گوں شهریاریءُ نورا همزان ءُ هم شــور ئے تاں بلوچانی هنکیـن ءُ ڈیه ءَ ٹکر ٹکربکنیت ءُ بلوچستــانءِ نام ءَ چه ایرانی اداری کاگداں دور بکنیـت۰ تو لانچتگ که هما گدّاری ءُ زیادتی گوں گلزمین ءَ بکنئے که دهمـرده، علی محمد آزاد، شومیں هدایت میرمرادزی، سلیمانیءُ آدگه راج دشمناں کت نه کــت۰
تهران ءِ واکـدار ءُ شهریاری ءِ زابلی ٹولی وَ بلوچانی دشمن اَنت بلئے ترا چوں شومی جت که گوں وتی ماتیں وتن ءً چشیں ناشری ءُ ناراهیں کِرداں کنئے؟ تووَ همے گلزمین ءِ سرا ودی بوتئے ءُ همے ماتءِ گرمیں دامــــن ءَ رُست ءُ مزن بوتئے۰ گلزمین ءِ روزی ءُ نیامتاں وارت ءُ هیکّے ءِ وڑا دَرگُرِّتئے، ترا چونیں بَمبے سرا لگت ءُ وتی ماتی وتن ءِ دژمــن بوتئے؟
تو که وت ءَ را چَـم ءِ دکترے زانئے گوں دشمناں هم شور بوتگ ءُ وتی مـات ءِ چماں گوں وتی شومیں دستاں کور کنگائے۰ تو اے گدّاری بزاں خیانت په زانت کنگا ئے ءُ دژمن ردا هور بوتگئے شر بزاں که ترا ءُ تئــی ناشری کارکرداں « کَـتوکان » ءِ گریب ءُ بزگاں پهـــل نکننت ۰ ترا پهـــره ءُ ڈمِّــن ءِ مردم پهـــل نکننـت۰
ترا ماتیں وتن بلوچستــــان پهــل نکنت ۰ گلزمیـن ءِ راجدپترءُ بلـــوچ راج ترا پهـــل نکننت۰ بلوچ ءِ پدریــچ بزاں آیوکیـں نسلاں هم ترا پهــل نکننت۰
گـدّاریـں هدایت میرمرادزیءِ پیما تو هم وتی شومیں نام مزنیں گُنَهــکارءُگدّارےءِهسابءَ ماں تاریخِ بلوچستــــــان نبشته کــت.
پروشت ءُ پروش باتنت ايران ءُ پاکستـــان
آزات ءُ آبــاد بــات گنجيـــں بلوچستــــــان
محمــد کريـم بلــوچ
دسمبر ۲۰۱۶
http://baluchistan47.blogspot.co.uk/
