کسرکند ئے ساربوگءَ دھاں رژیمءِ کارندگءَ لوگئے سرا اُرشءَ پد، دو بلوچءَ دزگیرِش کرت

کسرکند ئے ساربوگ ءَ دھاں امنیتی کارندگ ءَ پُرّیگیں لوگئے سرا اُرش ءَ پد، دو بلوچ ءَ دزگیرِش کرتگ

رَسانک نیوز/ مروچی شمبے 13 تیر ماہ 1405، کسرکند ئے ساربوگ ءَ دھاں امنیتی ءُ نزامی کارندگ گوں نزامی ءُ زاتی گاڑیاں پُرّیگیں لوگئے سرا اُرش ءَ پد، دو بلوچ ءَ دزگیرِش کرتگ.

رَسانک ءَ اے دوین بلوچانی پجّار «میلاد بلیدہ»، زمان ئے چُک، ساربوگ ئے نندوک ءُ «نورمهمد رئیسی»، کسرکند ئے ھمیری دمگئے نندوک زانتگ.

رَسانک ءِ ھال سرکنوکانی رِد ءَ، اے اُرش سباھئے بُنگیجی ساھتان ءَ ھماں وھدا کہ آیاں پہ وتی وسرک ئے دیدار ءَ ھمیں لوگ ءَ شُتگ اَنت بوتگ۔ امنیتی ٹولییا دمگ ءَ ھلگِرد کرتگ ءُ ڈنّ چہ سرکار ئے ھُکما آیاں دزگیر کرتگ ءُ چیریں جاگهی بُرتگ.

ھال سرکنوکان ءَ گوَشتگ گوں اشیا کہ چُنت ساھت چہ اے اُرش ءَ گوَستگ بلے داں انگت ءَ آیانی لوگئے مردمان ءَ ھچ پئیمیں ھالے سرپد ئے دست نہ کپتگ.

داں انگت ءَ امنیتی ٹولییے کارواییے سئوب زانگ نہ بوتگ.