گلزمین ءِ تلاهیں کوه ءُ نوکیں ٹیل ءُ گیسءِ مــأدن

گوستگیں سال ءِ جنوری ءَ ایرانی میدیاے ءَ جار جت که ماں “زاهدان” بزاں  دُزآپ ءِ نزیکءَ تلاهیں کوهے هست ءُ چنت ماه ءَ رند هال اِش دات که ایرانی کواس ءَ انجیںیراں (مهندسین ایرانی) چه کوهءِ ڈوک ءُ تلاراں بازیں تِست گپتگ۰ آ تِستاں پیش داشت که ماں گلزمین ءِ آ کوه ءَ هنچیں مزنیں سُهر ءُ تلاهے هست که ایرانی یاں دگه جاهءَ نه دیستگ بوت کنت که اے ایشیاےءِ مستریں سُهر ءِ هزانگ به بیت. اداں گوَشگــی انت که اے کوه بزمان ءُ دزآپ ءِ نیام انت ءُ هنون ایرانی لشکر ءُ رستریں سپاهی اوداں چاروگی کنگاینت۰

همے باروا بدیں هال ایش انت که ایرانی واکدار ءُ خصوصی کمپنی ( گئیر بلــوچ ) دست ماں دست داتگ ءُ بلوچانی اے سُهرءِ هزانگ ءَ دزگ ءُ پل ءُ پانچ گنگاینت۰ ایرانیانی سلهبندیں سپاهی ءُ هونواریں لشکرهم آهانی پاسبان ءُ چوکیدار اَنت ءُ ماں اے مزنیں دزّی ءَ شریک انت۰
هنـــون اے هزانگ ءِ بے دروریں ڈوک چوش که بزمان ءِ تلاهیں شند ءُ هاک، پَنّوچءُ نیلگ ءِ ڈوک، تپتان ءِ معدنی ڈوک ءُ کوه بیرک ءِ آسن ءِ ڈوک چه بلوچ ڈ یهءَ لڈگ ءُ دیم په کرمان ( کارخانه سرچشمه مس در کرمان ) ءُ اصفهان ( کارخانه ذوب آهن مبارکه اصفهـان ) ءَ بَرگ بَنت.

پاریگیــں دسمبرءِ گڈی روچاں ( دسمبر ۲۰۱۶) پاکستانی میدیاے ءَ جارجت که ماں بلوچستــان ءِ دمگے بزاں “جاندراں” ( کوهلــوءِ یک هَندے اِنت) گیس ءُ ٹیلے  مزنیں مأدنے درگیجگ بوتگ که اشی ءِ گیس چه سوئیءُ پیرکوه ءُ لوتی ءَ گیشتر اندازه جنگ بیت۰“جاندراں” نپت ءُ ٹیل ءِ کساس انگت اندازه جنگ نہ بوتگ۰

 آزات ءُ آبــاد بــات گنجیــــں بلوچستـــــان
پروشت ءُ پروش باتنت ایـران ءُ پاکستـان

محمد کریم بلــــوچ

جنوری  ۲۰۱۷

http://baluchistan47.blogspot.co.uk/