محمد صابرملک رئیسی اوین ءِ کورچات ءَ بندیگ انت۰ محمد صابر ءِ اُمر هبده سال اَت که ایرانی سپاهیگاں آیی ءَ اوارجت ءُ بے هچ میار ءُ گناهے پانزده سال زندانی ءِ هکم دیگ بوت۰ اِویــن” ءِ نوک ورنائیــں بندیـگ”
محمد صابرملک رئیسی اوین ءِ کورچات ءَ بندیگ انت۰ محمد صابر ءِ اُمر هبده سال اَت که ایرانی سپاهیگاں آیی ءَ اوارجت ءُ بے هچ میار ءُ گناهے پانزده سال زندانی ءِ هکم دیگ بوت۰
انسان دژمنیں ایرانی لشکرءِ ناشریں سروک ڈکّ گپته تاں محمد صابر ءِ مستریں براس دپ مه کپیت آیی ءَ یله نه دینت۰ آیی ءِ مستریں براس پادآتکگیں بلوچے که زلم ءِ هلاپ ءَ وتی توارا چست کتگ۰ محمد صابر دگنیاے ءِ بے گناه تریں سیاسی بندی انت۰
گیش چه هپت سال انت که آ ماں ایرانی بندیجاهاں شزا ءُ ازابانی چیر انت۰ محمد صابر هنوں ماں زندان ءَ پهته ئیں ورناے بوته ءُ آ گوں اوپار ءُ کته کاری اردبیل ءِ سارتیں زمستان ءُ بلوچستــــان ءِ بندیجاهانی گرمی ءَ مان وتی زندءِ نوک ورنایی ءَ تهمبل کته۰
هنوں ایرانی واکدار چه آیی ءَ گیش چه ایرانی کلانیں سیاسی بندیگان ترس ءُ بیم هست ءُ په همیش انت که آیی اِش چه اردبیل ءِ بندیجاه ءَ لڈینت ءُ تهران ءِ اوین بندیجاه ءَ ماں کورچاتے بند کتگ۰ هپــــت سال زندان محمد صابر ءَ کم دروریں زانت ءُ اوشت ءُ سکینے داتگ۰ محمد صابر ملک رئیسی بلــــوچ بندیگانی بے گناهی ءِ درور ءُ آیی ءِ زند په بلوچ ورنایانی تهمبل ءُ اوپارکشی پردردیں درونت ءُ تجربه ایت۰
هچ سیاسی بندیگے نئے شاه ءِ زمانگ ءَ نئیکه ماں هنوگیں تهاریں دورا سئے شپ ءُ سئے روچ ماں آزربایجان ءِ زمستان ءُ اردبیل شهر ءِ سارتیں بامگواهاں بندگ ءُ برپانی سرا ءَ دور دیگ نه بوتگ۰
آ شزا ءُ ازابانے که محمد صابرماں اردبیل ءَ کَشِ اتگنـــت نبشته کنگ نه بنت۰ آ بلوچستان ءِ شزادیستگیں بندیگیںانی مارشت انت۰ هما که بلــــوچ راج ماں گوستگیں نود سالاں تجربه کتگ بلئے انگــــت ءَ اوشتاتــــگ۰
آ شزا ءُ ازابانے که محمد صابرماں اردبیل ءَ کَشِ اتگنـــت نبشته کنگ نه بنت۰ آ بلوچستان ءِ شزادیستگیں بندیگیںانی مارشت انت۰ هما که بلــــوچ راج ماں گوستگیں نود سالاں تجربه کتگ بلئے انگــــت ءَ اوشتاتــــگ۰
آزات ءُ آباد بات گنجيــــں بلوچستـــــــــان
پروشت ءُ پروش باتنـــت ايران ءُ پاکستان
محمد کريم بلــوچ
ماهِ مئی۲۰۱۷
