هامنه ای ءِ ” دراما” ماں مجلس ءُ هُمینی ءِ کبـرءِ سرا
گوستگیـں چارشمبے ءِ روچ ءَ هامنه ای ءُ سپاه ءِ “دراما” ءُ پٹاسکاری مُرداریں همینی ءِ کبرءِ کش ءُ گورءُ ماں ملایانی دیوانجـاه ءَ یک ناهودگیــں کوشستے اَت په دگنیاے ءِ ملک ءُ مردمانی ریپنگ ءَ ۰
چنت باروتی بَمب ءُ پٹاسک ءِ تراکینگ ءَ تیرگواری ءُ چنت بیگناهیـں مردمانی کشگ یک برنامهے ءِ اَت که هامنه ای ءِ جنـد ءُ تروریستی سپاه آییءِ آرشیتکت اَتنــت۰ آ لوٹِت کہ سادگیں مردم ءُ ڈنی ملکاں بگوشنت که داعش تهران ءُ ایراںی هکومت ءِ سرا هلگر کـت! اداں چنت دلیل آرگ بیت تنکه هامنه ای ءِ اے مزنیں دروگ تُشے گیشتر پدّرکنگ به بیت۰
اول ایش داعش ءُ سپاه قدس دوئیں انسان ءُ انسانیت ءِ دشمن اَنت
هامنه ای ءِ ” دراما” ماں مجلس ءُ
هُمینی ءِ کبـرءِ سرا
گوستگیـں چارشمبے ءِ روچ ءَ هامنه ای ءُ سپاه ءِ “دراما” ءُ پٹاسکاری مُرداریں همینی ءِ کبرءِ کش ءُ گورءُ ماں ملایانی دیوانجـاه ءَ یک ناهودگیــں کوشستے اَت په دگنیاے ءِ ملک ءُ مردمانی ریپنگ ءَ ۰
چنت باروتی بَمب ءُ پٹاسک ءِ تراکینگ ءَ تیرگواری ءُ چنت بیگناهیـں مردمانی کشگ یک برنامهے ءِ اَت که هامنه ای ءِ جنـد ءُ تروریستی سپاه آییءِ آرشیتکت اَتنــت۰ آ لوٹِت کہ سادگیں مردم ءُ ڈنی ملکاں بگوشنت که داعش تهران ءُ ایراںی هکومت ءِ سرا هلگر کـت! اداں چنت دلیل آرگ بیت تنکه هامنه ای ءِ اے مزنیں دروگ تُشے گیشتر پدّرکنگ به بیت۰
اول ایش داعش ءُ سپاه قدس دوئیں انسان ءُ انسانیت ءِ دشمن اَنت۰
دوئم ایش که سپاه قدس ءِ تروریستاں چنت سال په چیروکایی داعش ءَ دیما آورت تنکه په بگداد ءُ شام ءِ گرگ ءَ په زاهـری تروریستی ءُ مذهبی جنگ بکننـت. هامنه ای ءُ سپاه قدس نوری مالکی ءُ وتی همشوریں دوازده امامی شیههءِ سروکاں هکم دات تاں موصل ءِ شهرا سَئے سال پیش داعشی یانی دست ءَ بدینت۰
سَیم ایش که تروریستی سپاه قُدس گوں شام ءِ تروریست ءُ لبنانی شیهه تروریستاں هنوں گلائیش انت که پرشیاے ءِ امپراتوری ءِ ناهودگیں واب پوره کنگ ءَ یک راهے چه آوارجتگیں کوردستان ءِ سیمسراں تاں بیروت اڈ بکننت۰ آ لوٹنت جهانی میدیا ایران ـ بیروت راه ءِ باروا مه نبیس انت ءُ هچ مه گوش انت ءُ همینی ءِ کبرءِ سرا پٹاسکاری ءُ ماں مجلس ءَ ٹهک ءُ ٹیهکاں گیشتر دلگوش گور بکننت۰
چارم ایش که عربستان سعودی ءُ آ ملک ءِ واکداراں میاریگ بکننت ءُ شیهه ٹولی ءِ عرب دشمنی ءُ کینگاں گیشتر بکننت۰
پنچم ایش که یک دگه نیمونے اڈ بکننت تاں بلوچ ءُ کورد ءُ تورکمن ءُ ایران ءِ آدگه ایردستیں سنی مذهباں گیشتر لٹ کٹ ءُ کشت ءُ کوش بکننت۰
ششم ایش که اهل سنت ءِ رهشوناں میاریگ بکننت ءُ ایربجننت ءُ گڈسرا لهتے ءَ هاسکارواجه حسن امینی ءُ مولانا عبدالحمید ءُ مولانا گورگیج ءُ مولوی طیب ملازهی ءُ مولانا عبدالرحمن کوهی ءُ دسگر ءُ بندی یا که ترور ءُ بیگواه بکننت۰
هپتـم ایش که ماں اے پٹاسکاری ءُ تیرگواری ءَ تن تن یک آخوند ( ملا ) یا که نماینده اے چه ملایانی مجلس ءَ کشگ یا که زدگ نه بوت!
هشتم ایش که رستگیں هالانی ردا هما تریاکی نماینده که ماں مجلس ءِ چیرزمینی تَبَـک ءَ تریاک ءُ شیرَگ کشگا اَتنت چه دلجمی وتی باپور ءُ نَلُکاں هچ چه دست ءَ در نکت ءُ هلگرءِ درگت ءَ وتی نشه کاری ءَ دمانے هم بند نه کت!
نهم ایش که سپاه یک مزنیں هلگرے کوردستان ءِ سرا بکنت ءُ بازیں بے گناهیں کوردءَ وتی کینگانی آماچ بکننت۰
دهم ایش که سپاه هـور گوں “حشدالشعبی “موصل ءَ دست بگرنت۰
یازدهم ایش که تهران ءِ واکداراں وتی بلوچ دژمنیں پروجیکت ءَ ماں گلزمین ءِ تیاب ءُ بندناں دیما به برنت۰
دوازدهم ایش که سپاه وتی همکاری ءَ گوں طالبان ءُ القاعده ءُ داعش گیشتر چیر به دنت یا که انکار به کنت۰
دهم ایش که بید هچ دیمپانے، بید میدیاے ءِ دلگوش ءَ بلوچانی برزیں سراں ( واجه عابد زامرانی ءِ وڑا ) یک په یک به گـڈاَنت۰
چاردهم ایش که اے هلگرءِ کمانڈر ءُ سروک « سریاس صادقی » نامیں اطلاعاتی اَت۰ ایشی ءَ هکومت ءِ سپاه ءُ اطلاعاتءِ جند سر ءُ سوج ءُ کمک کتگ۰
گڈسرا نبیسگی انت که یکے چه زدگیں مردماں که ماں تهران ءِ نادراهجاهے درماں بیگ انت ماں انترویوے جست کنت: “ما تَن تَن یک کَلَمے مجلس ءِ ته ءَ برت نکنین ءُ وهدے که چه بهارستانءِ ( مجلس ءِ جاه ماں تهران ءَ ) روگءَ پیش درستیں مردم چنت رندا شَرّ پَٹَّگ ءُ چارگ بنت گڑا اے چونکا گوں مزنیں سلاهان ءُ دپونکه مجلس ءِ توکا آتک اَنت؟
پروشت ءُ پــروش باتنـت ايران ءُ پاکستـان
آزات ءُ آبـــــاد بات گنجيـــــں بلوچستــــان
محمــد کـريــم بلـــوچ
جون ۲۰۱۷
آزات ءُ آبـــــاد بات گنجيـــــں بلوچستــــان
محمــد کـريــم بلـــوچ
جون ۲۰۱۷
http://baluchistan47.blogspot.co.uk/2017/06/blog-post_63.html
