پگری گلامی
گُڈی بهر
گوں همینی ءْ هامنه ای ءِ واکداری ءَ یک دگه ناشریں رُمبے پگری گلامانی ردا گیش بوت۰ اگاں چه ایشاں بلوچی نام پر انت بلی هما زلم گوں بلوچ راج ءُ گلزمین کنگاینت که دژمنانی لوٹ انت۰ اے جاهلاں که وتی راجی پجار په بیه شموشتگ ءُ گلامی زنداِش دوست بیت وتی باور ءُ مذهب ءَ هم ٹگلینتگ ءُ دو ازده امامی ٹولی ءِ پگری گلام انت۰ هامنه ای ءِ ٹولی چار پنچ نپر چه همی ناشران « حجت الاسلام » ءِ نام هم پرکتگ تنکه دگه توبه کنگ یا که پشومان بیگ ءِ راه اِش مُدامی بندگ بیت۰
حجت الاسلام شریف زاهدی” (مُلا درزاده )، حجت الاسلام سجادی ءُ حجت الاسلام سرگزی شمارے چه همے دپارواریں پگری گلامان انت که هامنه ای ءِ هاسیں گلام اَنت ءُ دژمن ءِ رداں هوراَنت۰ همیش انت که په بلوچ ورنایانی ریپینگ ءُ آهان په شام ءُ بگداد ءِ جنگانی هوار کنگ گوں سپاه هم شور هم کوپگ انت ۰
اداں گوشگی انت که همی پگری گلام ءُ دوازده امامی ٹولی ءِ سروک ءُ سپاه بدنسیبیں بلوچ ورنایانی موت ءِ اگده دار اَنت ءُ همیش انت که ناهودگیں جنگی ءِ هاترا ردوارتگیں ورنایاں ماں عربی ملکاں کوشارینگ انت۰
اداں گوشگی انت که همی پگری گلام ءُ دوازده امامی ٹولی ءِ سروک ءُ سپاه بدنسیبیں بلوچ ورنایانی موت ءِ اگده دار اَنت ءُ همیش انت که ناهودگیں جنگی ءِ هاترا ردوارتگیں ورنایاں ماں عربی ملکاں کوشارینگ انت۰
پگری گلامانی اے رُمب گوں شاه ءِ پگری گلاماں یک وڑا نهنت۰ ایشانی گلامی دوازده امامی مذهبی ٹولی ءِ ناهودگیں باوراں گوں همگرنچ انت۰ اے ناشراں په وتی مَنّ سُنّیانی زدءَ جهاد کنگاینت ءُ پمیشکا سلهبندانت ءُ بلوچ راجءِ دیما اوشتاتگ انت ءُ باز بلوچ اِش بے هچ گناه ءُ میارے کشته یا که تیری ءُ زدگ کرتگنت۰
اداں پدّر کنگی انت که هامنه ای ءِ دوازده امامی ٹولی همک سال کم ءُ گیش سیبلوچ ورنا ءُ نوک ورنایان ماں دزآپ ءُ مدرسه قم ءُ ماں مشدءَ وانینیت ءُ آهاں وتی ٹولی ءِ ناهودگیں مذهبی باوراں تالیم دنت تنکه آرام آرام لهتیں چه همیشاں بلوچستان ءِ سُنّی ملایانی جاگه ءَ ایر بکنت۰
اے رمب ملک ءِ ناشرتریں پگری گلاماں بینت۰ اگاں چه ایشاں وت بلوچ انت بلئے بلوچ راج ءِ هلاپ ءَ کاربندگ بنت۰ ایشاںی مذهب ٹگلینگ بیت ءُ راجی مارشت اِش کشگ بیت۰
اے دورءِ پگری گلاماں سد در سد چه راج ءُ راجی پجّار ءَ سستگ ءُ باوراِش کتگ که هونواریں هامنه ای هُداےءِ نماینده انت۰ اے گوں سپاه ءُ بسیج همشور ءُ هم کوپگ انت ءُ په ناهودگیں مذهبی جنگ ءَ مُدام تیارنت۰
اے رمب ملک ءِ ناشرتریں پگری گلاماں بینت۰ اگاں چه ایشاں وت بلوچ انت بلئے بلوچ راج ءِ هلاپ ءَ کاربندگ بنت۰ ایشاںی مذهب ٹگلینگ بیت ءُ راجی مارشت اِش کشگ بیت۰
اے دورءِ پگری گلاماں سد در سد چه راج ءُ راجی پجّار ءَ سستگ ءُ باوراِش کتگ که هونواریں هامنه ای هُداےءِ نماینده انت۰ اے گوں سپاه ءُ بسیج همشور ءُ هم کوپگ انت ءُ په ناهودگیں مذهبی جنگ ءَ مُدام تیارنت۰
اگاں بلوچانی بیداریں مردم ءُ اگده داریں سروک اے پگری گلامان ءُ ایشانی کارکرداں دلگوش گور مه کننت گڑا اے ناشراں مئے راج ءُ ملک ءَ هما تاوان دات کننت که ماں راجدپترا بے دَروراَنت۰
پروشــت ءُ پــروش باتنــت ايران ءُ پاکستـان
آزات ءُ آباد بات گنجيــــــن بلوچستــــــان
محمــد کـريــم بلـــوچ
جون ۲۰۱۷
پروشــت ءُ پــروش باتنــت ايران ءُ پاکستـان
آزات ءُ آباد بات گنجيــــــن بلوچستــــــان
محمــد کـريــم بلـــوچ
جون ۲۰۱۷
