هبده اگست ۲۰۱۷ ءَ نوبل سهـل ءِ بنجاه ءِ کارمند ءُ هالرسان ءُ میدیا گواه اتنت که ناروے ءِ کانود ءُ بن رهبند ماں آهانی وتی اداره لگتمال بوت۰اے جرم ماں اداره ءِ اُمرا اولی رند اَت۰ مشرف ءُ آیی ءِ ٹولی ناروے ءِ کانود بزاں «گپ کنگ ءُ هیالانی درشان کنگ» ءِ آزاتی ءِ بی اِزتی کت۰
ناروے ءِ کانود ءِ بریبرا اے هر انسانے ءِ منّتگین ءُ کانودی هکّ انت که وتی گپءُ هیالاں درشان بکنت۰ بلئے دمکراسی ءِ اے بن هشت ءَ نئے زالم ءُ جنگی مجرم مشرف ءُ نئے که آیی ءِ ناشریں همراه سرپداتنت۰ اینترنت ءُ جهانی میدیای سرا شنگ بوتگیں فیلم آهانی اے گئیر کانودی کارا دگنیاے ءَ مردماں پیش داشت ۰
ناروے ءِ کانود ءِ بریبرا اے هر انسانے ءِ منّتگین ءُ کانودی هکّ انت که وتی گپءُ هیالاں درشان بکنت۰ بلئے دمکراسی ءِ اے بن هشت ءَ نئے زالم ءُ جنگی مجرم مشرف ءُ نئے که آیی ءِ ناشریں همراه سرپداتنت۰ اینترنت ءُ جهانی میدیای سرا شنگ بوتگیں فیلم آهانی اے گئیر کانودی کارا دگنیاے ءَ مردماں پیش داشت ۰
بلوچاں چه نوبل ءِ سهل ءِ اداره وهد ءُ گپ کنگ ءِ اجازت گپتگ ات۰ شنگ بوتگیں فیلم ءُ بُت بزاں اکس پیش دارنت که آهاں گپ کنگ ءِ موه دیگ نبوت۰ مشرف ءِ ٹولی ءِ اے کار گئیرکانودی ءُ یک مزنیں جُرمے اَت. اے ناروے ءِ کانود ءِ لگتمالی اَت۰
مشـرف ءِ همراهانی همے گئیرکانودی کار یکے چه چُنت سَوَب اَت که نوبلءِ سُهل بنجاه ءِ مردم دیوان ءَ اوشتارینت۰
هونواریں مشرف ءَ مُلک ءِ چوره ءُ مئی جنوزامیں گهارانی هکّ جت۰ گلزمین ءِ شهیدانی ماتانی بدیں دُوا مشرف ءَ هنچو گپت که آ یی ءَ چشیں گت نه برتگ اَت۰زالمیں مشرف هـزاران انسان ءِ کُشوک هنچو هبکه بوت که تچگ ءِ راهی هم گارکت۰ شنگ بوتگیں فیلم چه اسلو ءُ پیش دارنت که بزدلیں مشرف ءُ آیی ءِ تگارلاپیں همراهانی هال ءُ روچ رند چه دیوان ءِ اوشتارینگ ءَ چے بوت۰
اسلو ءِ هال انگت ءَ نوک اَت که انگلستان ءِ جاهمنندیں جهدکاران ءِ زهمتانی برکت ءَ لندن ءِ زانتجآه ءَ جار پرینت که جنرال مشرف ءِ ۲۴ اگست ءِ برنامه ماں زانتجاه ءَ اوشتارینگ بوت . جنرال مشرف ءِ چنت مزنیں دروگ ءِ پاشک بیگ آیی ءَ روسیاهتر کت۰
اسلو ءِ هال انگت ءَ نوک اَت که انگلستان ءِ جاهمنندیں جهدکاران ءِ زهمتانی برکت ءَ لندن ءِ زانتجآه ءَ جار پرینت که جنرال مشرف ءِ ۲۴ اگست ءِ برنامه ماں زانتجاه ءَ اوشتارینگ بوت . جنرال مشرف ءِ چنت مزنیں دروگ ءِ پاشک بیگ آیی ءَ روسیاهتر کت۰
نوبلءِ سهل ءِ بنجاه مشرفءَ نه لوٹائینگ اَت۰ آیی ءِ گپ که نوبل سُهل ءِ بنجاه ءَ آیی ءَ په گشتانک ءَ مهمان کته دروگے اَت ۰ مشرف ءِ اے گپ که گوں ناروے ءِ سیاستزانت هاسکار گوں ملک ءِ سروزیر بانک ” ارنا سولبرگ ” ءَ گندءُ گِدار کنت هم مزنیں دروگے اَت۰
ناروےءِ جاهمنندیں بلوچ هال داته که مشرف ءِ ویزاے ءَ ” کمال ڈیسکووالا ” نامیں پاکستانی ئے کشّ اتگ ءُ “عامر شیے” نامیں پنجاپی ءِ یک کسانین مُچی اے دیوان ءَ بند ءُ بست کتگ اَت۰
ناروےءِ جاهمنندیں بلوچ هال داته که مشرف ءِ ویزاے ءَ ” کمال ڈیسکووالا ” نامیں پاکستانی ئے کشّ اتگ ءُ “عامر شیے” نامیں پنجاپی ءِ یک کسانین مُچی اے دیوان ءَ بند ءُ بست کتگ اَت۰
آزات ءُ آبــاد بات گنجيـــں بلـوچستـــــــــان
پروشـت ءُ پروش باتنــت ايران ءُ پاکستــان
محمــد کريــم بلــوچ
اگسـت ۲۰۱۷
