سی پیکءِ گنجیں گْوادر یا کربلاءِ ڈَنّ ….. میجرمجید

ہر جاہ وائی ءُُ سلواتیں

کہ سی پیک گْوادرءَ پیداکیں

بکشات اِش زمین مئے ماتیں

ورنا کُشتگ اَنت سوگاتیں

بیگْواہ اَنت بلوچ زندانءَ

مَرگ اِش نوش کتگ کندانءَ

گنجانی زِرے بے گْوازیں

شاری ءُُ شَلی ءُُ سازین
ماتانی جنک گْرانازیں
ماہیں سومری مہنازیں
آپءِ پِنڈگءَ دست دْراجیں
پٹّ ءُُ جنگل ءُُ گْیاباناں
آپءِ پَٹّگ ءُُ شوہازیں
لینگاٹاں کُتگ ڈُہل ءُُ سُور
(کہ) ما گْوادر جوڑ کُتگ سِنگاپُور
دْروگیں پندل اَنت لینگاٹءِ
وہدءِ مستریں بد زاتءِ
دہرءِ حاکم ءُُ زوراکءِ
گْوادر کَربلاءِ ڈنءَ
مہلوک تلوسیت چہ تُنءَ
راج مئے لنگڑ ءُُ تُنّاپ اِنت
لینگاٹاں سر ءُُ سرگْواپ اِنت
مال ءُُ مِلکت ءُُ سوگات اِنت
آپ ماں گْوادرءَ بیگْواہ اِنت
لینگاٹءِ مروچ دیم سْیاہ اِنت
ہلک ءُُ میتگاں رسوا اِنت
بکشتات مئے زمین ہپت پُشتی
پنجاپءِ لگوریں بچاں
ہیرا منڈیءِ پدریچاں
فوجی حاکم ءُُ جرنیلاں
شُومیں پِنڈیءِ کرنیلاں
کُوٹّ ءُُ کانٹی ءُُ لالچ خور
حاصل، مالک ءُُ جامُک ہور
رَست اَنت اِش جنینی ملگور
گُبّ اِش کِیٹگ اَنت زَنڈ آژگور
کارءِ باریگءَ چِیپاں مور
لاپان اِش کپات درد ءُُ دور
قبر اِت جوڑ بیت ماں لاہور
ہِیرا منڈیءِ دمکاں تئی
رُوسیاہ بیت شُمے تَنکیں گور
مید ءُُ ننگریں ماہی گیر
حقیں گْوادرءِ مئے جہگیر
نیست اِش گْوادرءَ لوگ جاہے
بست ءُُ کیلگ ءُُ بندگاہے
اَلکاپیں گُد اِش نیست جانءَ
شُد لاپ گُژنگ اَنت بے نانءَ
لینگاٹ نشتگ اَنت چو خانءَ
سیر اَنت چہ شِنکّی رانءَ
درد ء لاپ کننت بریانی
فوجی رستراں ہمزانی
چِرّک پوش اِتگ پُرشانی
حمل جاہ جنت چہ قبرءَ
بَسّ اِنت نی بلوچءِ صبرءَ

***

Nov 10, 2017,

http://dailysangar.com/home/page/8180.html