بلوچی زبان پہ بلوچ ءَ آسان انت
نبشتہ کار: ابدلستار بُگٹی
انچوشکہ ما زان ایں کہ ھندی( گوں اَربی آباں بزاں اردو) زبان ءِ لاپ ءَ ھم بے کساس رَدی ھست انت لھتیں ما شمئے دیم ءَ کار ایں انوشکہ👇
بالکل۔ مصطفیٰ، یا مصطفے، عالٰے یا عالیٰ ، شروع۔ صبح۔ تقریباََ۔عموماََ مثلاََ۔ خصوصاَ ءُ وقتاََ دگہ بے کساس چُشیں رَدیاں سر یچ اِنت کہ نبشتہ دگہ وڑے ءَ بنت ءُ وانگ دگریں وڑین اش۔ ھمے وڑ ءَ انگریزی ءِ لاپ ءَ ھم چُشیں ردی ھست اَنت کہ ھما چَٹ رَد اَنت۔
Future، Tution، psychology، Chemistry، Pneumatic Actuator، Whistle Knife Knowledge Centimetre، Castle Nation، Puncture
گُڑا بزاں اے وَ گیدی ءِ درستاں چہ رَدی ئیں زبان انت انگریز وت ایشی ءِ وانگ ءَ گنوک بنت بے کساس بے پائدگیں آب گالاں مان انت بزاں اود ءَ بے توار(Silent) اَنت۔ برے “T” ھما “ٹ” ءِ توار ودی کنت ءُ برے “چ” ءِ توار ئِے کَشایت چمیشکا گْوش اَنت انگریزی ءِ نبشتہ ءِ رھبند دگنیا ءِ چہ درستاں رد ءُ گِرانیں زبان انت۔
بلوچی زبان پہ بلوچ ءَ آسان انت
نبشتہ کار: ابدلستار بُگٹی
انچوشکہ ما زان ایں کہ ھندی( گوں اَربی آباں بزاں اردو) زبان ءِ لاپ ءَ ھم بے کساس رَدی ھست انت لھتیں ما شمئے دیم ءَ کار ایں انوشکہ👇
بالکل۔ مصطفیٰ، یا مصطفے، عالٰے یا عالیٰ ، شروع۔ صبح۔ تقریباََ۔عموماََ مثلاََ۔ خصوصاَ ءُ وقتاََ دگہ بے کساس چُشیں رَدیاں سر یچ اِنت کہ نبشتہ دگہ وڑے ءَ بنت ءُ وانگ دگریں وڑین اش۔ ھمے وڑ ءَ انگریزی ءِ لاپ ءَ ھم چُشیں ردی ھست اَنت کہ ھما چَٹ رَد اَنت۔
Future، Tution، psychology، Chemistry، Pneumatic Actuator، Whistle Knife Knowledge Centimetre، Castle Nation، Puncture
گُڑا بزاں اے وَ گیدی ءِ درستاں چہ رَدی ئیں زبان انت انگریز وت ایشی ءِ وانگ ءَ گنوک بنت بے کساس بے پائدگیں آب گالاں مان انت بزاں اود ءَ بے توار(Silent) اَنت۔ برے “T” ھما “ٹ” ءِ توار ودی کنت ءُ برے “چ” ءِ توار ئِے کَشایت چمیشکا گْوش اَنت انگریزی ءِ نبشتہ ءِ رھبند دگنیا ءِ چہ درستاں رد ءُ گِرانیں زبان انت۔
برات ءُ گْوھاراں باور بیار ات کہ ھمے وڑیں رَدی سندھی ءَ ھم ھست انت۔ من اَربی ،روسی ءُ چینی ءُ پرنچ وڑیں زبانانی بارو ءَ ھم سَک تپاس ءُ پٹپول کت ءُ آیاں ھم رَدی ھست انت۔
من ھمے پہ ناز ءَ گْوش آں کہ بلوچ راج ءِ ماتی زبان بلوچی چہ دگنیا ءِ تیوگیں زباناں تچگ ءُ راستیں نبشتہ ءِ سیاھگ ءِ واھند ءَ اِنت۔ گیدی ءِ دگریں راجانی وڑ ءَ بلوچ راج ءَ ھم یک پیلوئیں زبانے ھست پد ءَ گیدی ءِ دگریں زبانانی ڈول ءَ بلوچی زبان ءَ ھم یک تچک ءُ پیلوئیں نبشتہ ءِ رھبندے بزاں سْیاھگے ھم ھست۔
ماتی زبان ءِ سْیاھگ ٹھینوک بلوچ راج ءِ راجی ربال ءُ ھستی نمیران ھدامرزی واجہ سید زھور شاہ ھاشمی انت کہ بلوچ راج ءِ چاگردی ءِ تہ ءَ دْرپشوکیں استال ءِ نام ءَ زانگ بیت۔ واجہ زھور شاہ ءَ پہ ماتی زبان ءِ سْیاھگ ءَ بے کساس پٹ ءُ پول کت ءُ اے درگت ءَ پہ بلوچ راج ءِ ماتی زبان ءَ یک پیلوئیں رھبندے بکش ءَ ات ئِے ءُ وت ءَ را ابدمان ئِے کت۔ چہ سید زھور شاہ ھاشمی ءِ شپ ءُ روچ زھمتکشی سوب ءَ بلوچ راج چہ دگنیا ءِ درستاں چہ راست تریں سْیاھگے ءِ واھند انت کہ زبان ئِے سْیاھگ ءَ ردی مان نیست انت انچوشکہ یک زبانزانتے زان ایت کہ ھندی ءُ انگریزی ءِ سْیاھگ چہ رَدیاں سر ریچ انت۔
بلے ھپ ءُ بژن انت کہ بلوچی زبان یک زیردستیں راجے ءِ زبان انت کہ آئی ءِ زبان ءَ را سرکاری درجگ نہ انت پمیشکا بلوچ راج ءِ پدریچ ءَ را ماں وانگجاھاں یک ناشناسیں زبانے بزاں ھندی وانینگ بیگ انت چمیشکا بلوچ چاگردی مرچی ھندی ءَ بیڑ ترینت ءُ بلوچ چہ ھندی ءِ گِندگُش، روتاک ءُ ماں کارجاہ ءُ کارگساں ھندی ءَ بے وس انت پمیشکا بلوچ راج گوں وتی ماتی زبان ءَ ناشناس انت بزاں ماتی زبان ءِ نبیسّگ ءَ ھیل نہ انت ءُ شَری ءَ یک کسانیں گالرِدے نبشتہ ئِے نہ کنت۔
بلے بلوچی یک پیِلو ءُ شھگانیں زبانیں پمیشکا ناں کہ چہ ھندی ءَ نیکہ چہ انگریزی ءَ وازمندگ بیت۔ من انگریزی، ھندی، سندھی ءُ بلوچی وانگ ءُ نبیسّگ ءَ بلد آں بلے من لھتیں دگریں زبانانی بارو ءَ ھم تپاس ءُ شوھاز کت۔ پد ءَ من ءَ مار ات کہ دگنیا ءِ درستاں چہ ارزانیں ءُ راستیں سْیاھگ بلوچی ئیگ انت
دگریں زبانانی وڑ ءَ بلوچی زبان ھم ماں وانگجاھاں وانگ لوٹ ایت ءُ آئی ءِ ھم وانگی گوں درونت ءُ تبک ھست انت کہ نودربراں وانینگ ئِے بِہ بنت۔
گُڑا بلوچی بلوچ راج ءِ ماتی زبان انت کہ ابرمی ءَ بلوچ بلوچی ءَ گپ ءُ دلگوش کت کنت چی ءَ کہ مات ءَ ساری ءَ مارا بلوچی ءِ ھبر کنگ ءَ بلد ءُ زبر کنائینت پمیشکا اگاں یک بلوچے انگریزی ءُ ھندی وانگ ءَ دزگٹّ بیت البت آئی ءَ را پہ انگریز ءُ ھندی ءِ وانگ ءُ نبیسّگ ءِ ھیل کنگ ءَ پنچ سال لوٹ ایت بلے پہ بلوچی وانگ ءُ نبیسگ ءَ بلوچ ءَ را سَے روچ ءَ چہ گیشتر مان نئیت چی ءَ کہ آ دگریں زبانے وَ نہ وانگ انت بلکیں وتی جند ءِ ماتی انامت بزاں بلوچی زبان ءِ وانگ ءُ نبیسّگ ءَ ھیل کنگ انت۔
بژن کہ بلوچی زبان بلوچ راج ءَ را ماں وانگجاھاں وانینگ نہ بوگ انت چمیشکا بلوچ لھم لھم ءَ چہ وتی ماتی زبان بلوچی دِیر ءُ گِستا بوان بوگ انت۔
باید انت بلوچ ورنا وتی ماتی زبان ءِ بستار ءُ ارزشت ءَ بِہ زان اَنت ءُ راجی زبان ءِ وانگ ءُ نبیسّگ ءَ ھیل بِہ کن انت انچوشکہ گیدی ءِ یک بلاھیں بتل انت کہ اگاں دژمن یک راجے ھلاس ءُ بیگواہ گنک لوٹ ایت گُڑا درستاں چہ پیش آئی ءِ زبان ءَ ھلاس کنت۔ ھپ انت کہ مرچاں گوں بلوچ راج ءَ ھمے بوگ انت بلے انگت بلوچ راج وتی تْرند وابی ءَ گار ءُ ملار انت ءُ زبان ءِ ھچ سُد ءُ سما ئِے نہ انت۔
بیا ات ماتی زبان ءِ وانگ ءُ نبیسّگ ءَ بندات کن ایں کہ بازیں بلوچ ورنائیں رھدربر ءُ زبان دوست ماں چاگردی رسانکدر ءَ شمے ودار ءَ اَنت۔ آ شمئے ھرچ وڑیں کمک ءُ واھر کنگءَ مدام ساڑی انت۔
بلوچ برات ءُ گْوھاراں وتی ماتی زبان ءِ وانگ ءَ ھیل بہ کن اِت۔ وت وان ات ءُ سیاد ءُ وارساں وانین ات۔ بلوچی راجی پجار وَ زبان انت۔ زبان ھست ما ھست، بے زبان ءَ ما پد ءَ گار ایں۔
بلوچی زندگ بات ءُ بے کساسیں دیمروئیاں سر بات۔ آمین
F acebook.com/groups/1437296286437771/permalink/1478438828990183/
