بلوچ راج وت ءَ چہ گجرءُ ھامنہ ای ٹولی ءِ ایردستی رَکّینَگی ءُ آزات کنَگی اِنت

ملا پناهیان ھامنہ ای ءِ نزّیکیں مرید ءُ یکے چه ناشریں هامنه ای ٹولی ءِ زبان دراجیں جارچینان انت۰ اے زوالکاریں جاهل ملا هامنه ای ءِ هیال ءُ هبر گاجائیل کنت ءُ گوشیت: باید انت انسان کشیں ویروس ءُ تباهی گیشتر شنگ ءُ تالان به بنت تاں امام زمان زوتر بئیت ءُ جهان ءِ رهشونی ءَ دست بگیپت..
هامنه ای ءِ زوالکاریں ٹولی بیمناکیں هیال ءُ انسان دژمنیں باورانی واهند انت.

اے ٹولی که سد در سد تباهی ءُ ویرانی ءِ لوٹوک انت چه هر سیاسی گروپ ءُ مذھبی ٹولی یے زوالکار تر انت۰ هنوں شرّ پدّر بیگ انت که پرچا اے ٹولی ءُ لدیگی سپاه کرونا ویروس ءَ چه چین آورت ءُ ایران ءَ شنگ ءُ تالان کرت۰ هنوں گیشتر پدّر بیگ انت که پرچا کرونایی گجرءُ مُلا مور ءُ مدگ ءِ وڑا دیم په بلوچستان هلگر کتگ ءُ انگت ءَ چھبار، کنرک، شستون، پھرہ، رودبار، کھنو، نصرآباد، جاشک، میناب، واش ءُ بنپور آیگ انت۰

ھچ شکّے نیست کہ تروریستی سپاہ ءُ ھامنہ ای ٹولی تباهی، ویرانی ءُ انسانانی کشت ءُ کوش ءَ تیز تر ءُ گیشتر کنگ اَنت تا آهانی گارءُ گمساریں “امام مهدی” چه جمکران ءِ تهاریں چاه در بکپیت ءُ جهان ءَ دست بگییت!.

ھامنہ ای ٹولی ءِ اے انسان دشمنیں باوراں هِچ پرستی انت ءُ بس۰ گوشت کنیں کہ هامنه ای ٹولی ھنوگیں دورءِ “نیهیلسیم”انت۰ اشاں انسانانی زندگی ءُ نیکین ارزشتانی دژمن انت ءُ چہ “نوبل کروناے” ءُ دگہ ویروس ءُ بلاھاں باز گنتر اَنت۰

هامنه ای ٹولی ءُ رستریں سپاه ءِ ایردستی ءُ زورانسری ءِ منّگ یا اشانی هلاپ ءَ بے تواری بلوچ راج ءُ آیوکیں پدریچاں بے کساس تاوان دنت ، اگاں وت ماں وت ءَ تپاک مه بئیں ءُ په وتی آزاتی ءُ ملک ءِ دست گِرَگ ءَ جهد ءُ کوشست مه کنیں مئے راجی وجود ءُ هستی پشت نہ کپیت۰

گجرءِ لدیگی لشکر ءُ ناشریں ھامنہ ایءِ ایردست مانَگ گوں بلوچ راج ءِ نیستی، ویرانی، زندءِ بربادی ءُ موت برابر انت۰ بلوچ راج گوں تپاکی ءُ ھوربندی شکلے جد ءُ جھد کنگی انت تاں وت ءَ چہ اے ناشرانی ایردستی بہ رکّینیت ءُ آزات بکنت۰

✍🏻محمد کریم بلوچ
مارچ ۲۰۲۰

f acebook.com/photo.php?fbid=292599528387458&set=a.102625960718150&type=3&theater