ارس میچلیں شار – زِرگْوات بلوچ

ماہ رنگ ، اُو ماہ رنگ!

تُرو ماہ رنگ اِد ءَ نہ اِنت ،

تُرو : ماہ رنگ شنکوں انّوں سر ءُ گُشان بوت گْوشی رَو آںھوران ءِ لوگ ءَ کہ مرچی ما رَوانکے کشّگ ءَ اِیں چہ بْرمش ھمدلی ءِ پتّر ءِ چیردستی ءَ۔۔۔

بیا باریں تو ھالاں دے ھَسگل مات بیچارگ چون اِنت۔۔۔۔۔۔۔؟؟

تُرو مات وش اِنت ، بلے سالونکءِبیگواہی ءِ گماں پیلاشتگ۔۔۔۔۔چارگ نہ بیت۔۔۔۔۔۔۔چہ گیشیں ارسانی شلگ ءَ چمّانی کانیگ ھُش اِتگ ءُ بالاد تانسر ءَ گیمُرتگ ءُ جبین ءَ جُش اِتگ۔۔۔۔۔۔بس پہ درد۔۔۔۔۔۔ اِشکندیں ودار ءِ ساھگ ءَ زِند ءِ چاریں روچاں تیلانک دَیَگ ءَ اِنت۔۔۔۔۔۔۔( ارس شیپ گِپت اَنت ءُ ایڈیسکگ ءَ باھند کُت۔۔۔)

تُرو: مہ گِریھ کُرباناں ھَسگُل جان ، بلکیں اے ارساں شھکورے بِہ کن ءُ دُژمِنءَپتار۔۔۔۔۔۔۔تھنا پہ گریوگ ءُ ارس ءِ شلینگ ءَ اے ناروا مئے ھبر ءَ دلگوش نہ دنت ۔ پمیشکا گْوش آں۔۔۔۔۔۔۔اے شار ءَ تھنا پہ ارس میچل مہ کن ، بلکیں اے شار ءَ پہ شیرزالی سر ءَ مانپوش ءُ دُژمِن ءَ ھمے بیھار ءَ بِہ دے کہ چہ براتانی بدل ءَ مارا ھم زِندان ءَ بر۔۔۔۔۔۔۔۔کہ ما تئی زِندان ءِ ھر دابیں چکّاسانی دیمپان بُوَگ ءَ چو بولان ءَ ساڑی ئیں۔۔۔۔۔۔مہ گِریھ کُرباناں۔۔۔۔۔مہ گِریھ۔۔۔۔۔۔مہ گِریھ۔۔۔۔۔۔۔۔

ماہ رنگ ، اُو ماہ رنگ!

تُرو ماہ رنگ اِد ءَ نہ اِنت ،

تُرو : ماہ رنگ شنکوں انّوں سر ءُ گُشان بوت گْوشی رَو آںھوران ءِ لوگ ءَ کہ مرچی ما رَوانکے کشّگ ءَ اِیں چہ بْرمش ھمدلی ءِ پتّر ءِ چیردستی ءَ۔۔۔

بیا باریں تو ھالاں دے ھَسگل مات بیچارگ چون اِنت۔۔۔۔۔۔۔؟؟

تُرو مات وش اِنت ، بلے سالونکءِبیگواہی ءِ گماں پیلاشتگ۔۔۔۔۔چارگ نہ بیت۔۔۔۔۔۔۔چہ گیشیں ارسانی شلگ ءَ چمّانی کانیگ ھُش اِتگ ءُ بالاد تانسر ءَ گیمُرتگ ءُ جبین ءَ جُش اِتگ۔۔۔۔۔۔بس پہ درد۔۔۔۔۔۔ اِشکندیں ودار ءِ ساھگ ءَ زِند ءِ چاریں روچاں تیلانک دَیَگ ءَ اِنت۔۔۔۔۔۔۔( ارس شیپ گِپت اَنت ءُ ایڈیسکگ ءَ باھند کُت۔۔۔)

تُرو: مہ گِریھ کُرباناں ھَسگُل جان ، بلکیں اے ارساں شھکورے بِہ کن ءُ دُژمِنءَپتار۔۔۔۔۔۔۔تھنا پہ گریوگ ءُ ارس ءِ شلینگ ءَ اے ناروا مئے ھبر ءَ دلگوش نہ دنت ۔ پمیشکا گْوش آں۔۔۔۔۔۔۔اے شار ءَ تھنا پہ ارس میچل مہ کن ، بلکیں اے شار ءَ پہ شیرزالی سر ءَ مانپوش ءُ دُژمِن ءَ ھمے بیھار ءَ بِہ دے کہ چہ براتانی بدل ءَ مارا ھم زِندان ءَ بر۔۔۔۔۔۔۔۔کہ ما تئی زِندان ءِ ھر دابیں چکّاسانی دیمپان بُوَگ ءَ چو بولان ءَ ساڑی ئیں۔۔۔۔۔۔مہ گِریھ کُرباناں۔۔۔۔۔مہ گِریھ۔۔۔۔۔۔مہ گِریھ۔۔۔۔۔۔۔۔

شر تُرو! ( چمّانی ارس گوں شار ءَ پھک کُت اَنت ءُ سر گِپت دیم پہ کامریڈ ھوران ءِ لوگ ءَ۔۔۔۔۔۔) من رَو آں بانُک ھوران ءِ لوگ ءَ۔۔۔۔۔تو پاکیں ھاوند ءِ میار ئے۔۔۔۔۔۔۔۔۔

تُرو: شر کُرباناں! بلے یک ھبرے گْواہ کن ھَسگُل ، پہ مئے زھرشانی ءُ روانک ، جاک ءُ کوکاراں اے سرکار ءِ گُوشاں مورے نہ وارت۔۔۔۔۔۔۔۔بلکیں مارا ھما گامگیج چِست کنگی اِنت کہ آ مئے باندات ءِ مانزمانی ءَ دنت۔۔۔۔۔۔، چہ اِیشانی ما چے لوٹ بِہ کن اِیں کہ اے وت مئے کُشِندہءُھونیگ اِنت۔۔۔۔۔چہ کُشِندہ کُجام لوٹ ءَ کن ئے۔۔۔۔؟

تو زھگے نہ ئے ندْراں۔۔۔۔۔۔۔ماہ رنگ ءِ پِت کَے بیگواہ کُت۔۔۔۔۔۔۔۔چہ بیگواہی ءَ پد شھید کُت ءُ جون چگل دات۔۔۔۔۔۔؟

اے ھمے کاتِل اِنت ، داں ما وتی آجوئی نہ گِپتگ۔۔۔۔۔۔۔۔اِیمن ء دِل کدی نہ بَہ اِیں۔۔۔۔۔۔۔

اِیشی ءَ زِی مئے گِس ویرندان کُتگ۔۔۔۔۔۔مرچی توئے۔۔۔۔۔۔۔۔باندا دِگہ یکّے بیت ، بلے گِس بلوچ ئِے ، تاوان بلوچ ئِے ، آئرا چے بیت پہ مئے گِسانی ویران کنگ ءَ ، گھتر ھمیش اِنت کہ شُما ھم وتی برات ءُ کماشانی ھمراھی ءَ مرگ ءَ مڑاھے گون اِت۔۔۔۔۔۔۔دانکہ باندا راجدپتر ءِ تاکدیم ءَ چو گُل بی بی ءَ پہ مُجّتی زِندگ بِہ مان اِت۔۔۔۔۔۔۔۔

شر کُرباناں! پَھِل کن دیر بوت ترا گوں رپٹگاں۔۔۔۔۔۔۔، تو ھم ربّ ءِ باھوٹ ئے۔۔۔۔۔۔۔۔

شر تُرو وش اِنت ،

گوں تُرو ءِ وش کنگ ءَ ھوار من گام دیم پہ بانُک ھوران ءِ گِسانی نیمگ ءَ شھار دات اَنت ، من کہ دمکاں گْواز کنان اِت آں۔۔۔۔۔۔میتگ ءِ ورناھانی ھوسناکیں چم پہ منی بالاد ءَ سک اِنت۔۔۔۔۔۔۔گْوش من پہ اِیشانی دیدگاں درآمدے اِت آں ، اِنسانیت ءَ بِل بلوچی ءِ چھرگ ءَ اُوں وتی رنگ ءُ دْروشم مٹّاتگ اَت۔۔۔۔۔۔۔

من ءَ ھیالانی اندر ءَ انچو گُمان بُوَگ ءَ اَت کہ من وتی راہ شموشتگ ءُ دِگہ دمکے ءَ مانداتگ ، بلے پد ءَ جیڑ اِنت۔۔۔۔اِنّا ، اے منی جِند ءِ میتگ ءِ دمک اِنت ءُ اے ورنا ھم منی میتتگے ، بلے ھوسناکی ءِتیر انچو کمان ءَ سارتگ اَت کہ من ءَ چہ جِند ءِ ساھگ ءَ بیمّ آھگ ءَ اَت۔۔۔۔۔۔۔۔۔

پمیشکا من گُشاد گُشاد ءَ گاماں دیم ءَ شھار دَیان اِت آں کہ پُشت ءَ ٹھکے ءَ الھان کُت ، بلے من چکّ نہ جت ءُ گاماں پہ گُشاد شھاران اِت کہ میتگ ءِ دومی دمک ءَ ھوران ءُ ماہ رنگ ءِ توار گُوشاں کپت۔۔۔۔۔۔۔۔۔

نوں کمّیں دِل جم بُوھان اَت ، بلے ھوسناکیں دیدگانی بْرھنگی منی دیم ءَ ھر گام ءَ وت ءَ سھرا کنان اَت کہ ھوران ءُ ماہ رنگ ءَ ڈیک دات داں ھاسُک ھم گون اِنت ءُ برات ءِ اکسے دست ءَ اِنت۔۔۔۔۔۔۔۔۔

گوں منی گِندگ ءَ ھوار ماہ رنگ ءَ گْوشت ، ھاں ھَسّو! من چہ گِس ءَ در کپتگ آں تچک ءَ تئی لوگ ءَ ، بیچارگیں مات گْوشی آ تئیگ ءَ شُتگ ، گُڑا پد ءَ من ءُ ھاسُک ءُ یکجاھی ءَدیم پہ کارمریڈ ھوران ءَ کہ ھواری ءَ کائیں تئی نیمگ ءَ تو مئے گِس ءَ جلّ ئے۔۔۔۔۔۔۔بلے شر کہ تو وت دُچار کپت ئے نوں تچک ءَ رِو اِیں ماما ءِ بُنجل ءَ کہ آ دِگہ مھلوک زاناں مئے ودارِیگ اِنت۔۔۔۔۔۔۔۔۔

ھو! مھلوک مئے ودارِیگ اِنت ، بِریں گُڑا دانکہ دیر مہ بیت ، ما سر پہ دُمب راہ گِپت اِیں دیم پہ ماما ءِ بُنجل ءَ ، بلے ھوسناکیں دیدگانی بْرھنگی یک نیمگے ءُ بیگوائیں برات ءِ آسشانیں گم یک نیمگے ماں باتِن ءَ اِیر کپان اَت ، من گوں ھمے جیڑگاں جیڑگ ءَ اِت آں کہ ماہ رنگ ءَ منی ھیال ترّینت ءُ گْوشت ، ھاں ھسّو چے مان اڑانے۔۔۔۔۔چے جیڑگ ءَ ئے۔۔۔۔۔۔

من پہ ناگمانی گْوشت ھِچّ ، وھدے سر چِست کُت چاراں ماما ءِ بُنجل اِنت ءُ چپّ ءُ چاگِرد ءَ مھلوک۔۔۔۔۔۔۔۔۔

گُڑا منءُمنی ھیال ، ھردواےمُچّی ءِ تہ ءَ بھر بوت آں۔۔۔۔۔۔۔۔۔۔