جار جنیں که چه اے روچءَ وتی راهءَ چه “بلوچستان آجوئی زرمبش”ءَ جدا کنگ و جار جنگءَئیں که ما پدا “بلوچستانءِ راجی زرمبش”ءَ برجاه کنگءَئیں

ماں اے دیوانءَ “بلوچستان آجوئی زرمبش”ءِ تها، تهی و دیدانکی جیڑه و آهانی گیشینگءِ سرا گپ و تران بیت.

ماں اے دیوانءَ، آتکگیں سرجمیں بنجاهی کمیٹیءِ باسک و بنجاهی کمیٹیءِ آتکگیں مشاوراں گوں همشوری و تپاکیءَ، مَنّ ات و تپاک کت که ماں چُشیں جاوراں، کار هوریگءَ دیما برگ بیت نه کننت( دریگتیں که چوش مبیت انت).

پمیشا ماں اے دیوانءَ ساڑی ئیں بنجاهی کمیٹیءِ باسک و مشاور، جار جنیں که چه اے روچءَ وتی راهءَ چه “بلوچستان آجوئی زرمبش”ءَ جدا کنگ و جار جنگءَئیں که ما پدا “بلوچستانءِ راجی زرمبش”ءَ برجاه کنگءَئیں و چه اے روچءَ رند “بلوچستانءِ راجی زرمبش”ءِ نامءَ وتی آجوئیءِ جد و جهدءَ دیما بریں و همے پڑءَ کار کنیں.

ماں بلوچستانءِ آجوئیءِ جهدانی پڑءَ، سرجمیں جهد کارانی سوب و کارانی دیمرویءِ لوٹوکیں و امیتواریں که آجوئیءِ جهد تیزتر و اے راهءَ آیوک و جهدءِ دیما بروک روچ په روچ گیش و ودّان به بنت.

زندگ بات بلوچستان

سوبین بات بلوچستانءِ آجوئیءِ جهد